“Mas 24-30: ‘Olgeta Samting I Mas Kamap long Oda’: Doktrin na ol Kavanen 27-28,” Kam, Bihainim Mi—Bilong Haus na Sios: Doktrin na ol Kavanen 2025 (2025)

“Doktrin na ol Kavanen 27-28,” Kam, Bihainim Mi—Bilong Haus na Sios: 2025

Mas 24–30: “Olgeta Samting I Mas Kamap long Oda”

Doktrin na ol Kavanen 27–28

Revelesen bin nupela tingting yet long ol Seints taim Restoresen i wok long kamap. Ol namba wan Sios memba i bin save olsem Profet Joseph Smith i ken kisim revelesen bilong Sios. Tasol ol narapela i bin ken? Ol kwesten olsem dispela i bin kamap strong taim Hiram Page, wanpela long ol Eitpela Witnes bilong ol gol plet, i bilip em i bin kisim ol revelesen bilong Sios. Planti ol feitful Seints i bilip ol dispela revelesen i kam long God. Bikpela i bekim taim Em i tisim olsem long Sios bilong Em “olgeta samting i mas kamap long oda” (Doktrin na ol Kavanen 28:13). Dispela i min bai gat wanpela man tasol “i kisim apoinmen long kisim ol komanmen na revelesen” bilong olgeta Sios (Doktrin na ol Kavanen 28:2). Tasol, ol narapela, i ken kisim revelesen bilong ol wan wan yet long wok bilong Bikpela. Moa yet, ol toktok bilong Bikpela long Oliver Cowdery em ol rimainda long yumi olgeta: “Em bai kam long yu … wanem bai yu mekim” (Doktrin na ol Kavanen 28:15).

Lukim tu “All Things Must Be Done in Order,” long Revelations in Context, 50–53.

Ol aidia bilong Lainim long Haus na long Sios

Doktrin na ol Kavanen 27:1–4

Mi kisim sakramen long tingim Jisas Krais.

Sally Knight na Emma Smith i bin baptais long Jun 1830, tasol konpemesen bilong ol em ol lain nogut i bin bagarapim. Tupela mun bihain, Sally na man bilong em, Newel, i bin visitim Emma na Joseph, na ol i pasim tok long konpemim ol na grup bai kisim sakramen wantaim. Taim em i go long kisim wain bilong sakramen, wanpela ensel i bin stopim Joseph.

Ridim Doktrin na ol Kavanen 27:1–4 long painim aut wanem ensel i tisim em long sakramen. Ol dispela skripsa i tok wanem long yu long hau Seivia i helpim yu lukim sakramen? Yu ting em i minim wanem long kisim “wantaim ai i stap stret long glori bilong [Em]”? Tingting long dispela—na painim ol narapela tingting long sakramen—taim yu ritim Luke 22:19–20 na 3 Nifai 18:1–11. (Lukim tu ol vidio “Dispela Las Sapa,” “Jisas Krais Blesim Bret long Tingim Em,” na “Jisas Krais Blesim Wain long Tingim Em,” Gospel Library).

Jesus Christ Blesses Bread in Remembrance of Him | 3 Nephi 18:1-7

Jesus Christ Blesses Wine in Remembrance of Him | 3 Nephi 18:8-11

Long lainim long mekim sakramen i wanpela ekspiriens i pulap long spirit, tingting long stadim toktok bilong Elda D. Todd Christofferson “The Living Bread Which Came Down from Heaven” (Liahona, Nov. 2017, 36–39). Elda Christofferson i tisim wanem i ken helpim yu pilim wanpela bikpela koneksen i go long Seivia thru long sakramen? Tingting long wanem yu ken mekim moa beta long kisim ol emblem bilong Atonmen bilong Seivia na soim bikpela reverens o rispekt.

Tingting long singsing, o harim o ritim wanpela singsing bilong sakramen olsem “As Now We Take the Sacrament” (Hymns, no. 169), na rekodim ol pilings bilong yu long tek pat long dispela sekred odinens.

Yusim musik. Sekred musik i save invaitim Spirit long testifai long ol toktru bilong gospel. Em i ken helpim yu klia gut long pilim ol dispela toktru long wei yu ken tingim. Musik i save helpim tu bai planti moa lain i lainim.

Lukim tu Doktrin na ol Kavanen 20:77, 79; 59:9–13; Ol Topik na Kwesten, “Sacrament,” Gospel Library; “Obtaining and Retaining a Remission of Sins through Ordinances,” long David A. Bednar, “Always Retain a Remission of Your Sins,” Liahona, Mei 2016, 60–62.

Doktrin na ol Kavanen 27:5–14

Bikpela i givim ol wokman bilong Em ol prishud ki long dairektim wok bilong Em.

Yu save wanem long ol profet ol nem bilong ol i kamap long ol dispela ves? Yu ken painim ol infomesen long ol insait long dispela Guide to the Scriptures. Wanem ol blesing i kamap long yu thru long ol ki ol dispela profet i holim?

Doktrin na ol Kavenen 27:15–18

Dispela karamap bilong God bai banisim mi long birua.

Presiden M. Russell Ballard i tok: “I no gat wanpela bikpela samting yumi ken mekim long karamapim yumi yet long spirit. Trupela pawa bilong spirit i stap insait long ol planti samting i wok wantaim long mekim wanpela strongpela hap bilong spirit i lukautim na banisim yumi long ol samting nogut” (“Be Strong in the Lord,” Ensign, Julai 2004, 8).

Taim yu lainim long karamap bilong God long Doktrin na ol Kavanen 27:15–18, yu ken kamapim wanpela tebol olsem dispela. Yu mekim wanem long putim antap long yu wanpela hap bilong dispela karamap bilong God?

Liklik hap bilong dispela karamap	Sampela hap bilong bodi i gat banis	Dispela hap bodi i makim wanem
Liklik hap bilong dispela karamap Brosplet bilong stretpela pasin	Sampela hap bilong bodi i gat banis Bel	Dispela hap bodi i makim wanem Laik bilong mi na ol samting mi save laikim
Liklik hap bilong dispela karamap Helmet bilong salvesen	Sampela hap bilong bodi i gat banis Het o tingting	Dispela hap bodi i makim wanem
Liklik hap bilong dispela karamap	Sampela hap bilong bodi i gat banis	Dispela hap bodi i makim wanem
Liklik hap bilong dispela karamap	Sampela hap bilong bodi i gat banis	Dispela hap bodi i makim wanem

Lukim tu Ephesians 6:11–18; Jorge F. Zeballos, “Building a Life Resistant to the Adversary,” Liahona, Nov. 2022, 50–52.

Doktrin na ol Kavanen 28

Jisas Krais i dairektim Sios bilong Em thru long profet bilong Em i stap laip.

Tingim em bai olsem wanem sapos wanpela ken kisim ol komanmen na revelesen bilong olgeta Sios. Taim Hiram Page i tok olsem em i kisim revelesen, planti ol Sios memba i bin faul. Long Doktrin na ol Kavanen 28, Bikpela i tok klia long oda bilong revelesen insait long Sios bilong Em. Yu lainim wanem long dispela seksen long dispela wok bilong Presiden bilong Sios? Yu lainim wanem long hau God bai ken dairektim yu?

Lukim tu Dale G. Renlund, “A Framework for Personal Revelation,” Liahona, Nov. 2022, 16–19.

Doktrin na ol Kavanen 28:8–9

Wai dispela misin i go long ol lain bilong Leman i bin bikpela samting tru?

Wanpela pepos bilong Buk Momon em “bai ol lain bilong Leman i kamap long save long ol papa bilong ol, na olsem ol bai save long promis bilong Bikpela” (Doktrin na ol Kavanen 3:20). Dispela i go wantaim ol promis Bikpela i mekim long planti ol Buk Momon profet (lukim, eksampel, 1 Nifai 13:34–41; Inos 1:11–18; Hilaman 15:12–13). Ol namba wan memba i bin lukim ol Ameriken Indian olsem ol tumbuna bilong ol Buk Momon lain pipol. (Dispela ofisel posisen bilong Sios tede em olsem dispela ol lain bilong Leman em ol sampela tumbuna bilong ol Ameriken Indian” [tok i go pas long Buk Momon].)

Long ridim moa long misin bilong Oliver Cowdery long ol misin Ameriken Indian i stap klostu, lukim, “A Mission to the Lamanites,” Revelations in Context, 45–49. Dispela misin i tisim yu wanem long Bikpela na wok bilong Em?

Long moa aidia, lukim isu bilong dispela mun bilong Liahona na For the Strength of Youth megesin.

Ol aidia bilong Tisim ol Pikinini

Doktrin na ol Kavanen 27:1–2

Sakramen i save helpim mi tingim Jisas Krais.

Ol pikinini bai tingting wai yumi yusim wara long sakramen taim Jisas i yusim wain (lukim Luke 22:19–20; 3 Nifai 18:1–11). Yu ken ritim Doktrin na ol Kavanen 27:1–2 wantaim na diskasim wanem em i min long kisim sakramen “wantaim ai em i lukluk i go long glori bilong God” (ves 2). Yumi ken mekim wanem long fokas long Jisas Krais taim yumi kisim sakramen?
Ating ol piksa, ol skripsa ves, o ol singsing long Seivia ken helpim ol pikinini bilong yu tingim Em taim ol i kisim sakramen. Ol bai amamas long mekim wanpela buklet wantaim ol piksa, ol ves na ol wod bilong singsing. Ol ken drowim ol piksa bilong ol yet o painim long Friend megesin.

Doktrin na ol Kavanen 27:15–18

Dispela karamap bilong God.

Yu ken soim ol pikinini bilong yu wanpela piksa bilong karamap olsem dispela long autlain o dispela ektiviti pes long autlain bilong Ephesians long Kam Bihainim Mi—Bilong Praimeri Nupela Testamen 2023. Taim yu ridim Doktrin na ol Kavanen 27:15–18, helpim ol painim ol hap hap bilong karamap long piksa. Hau na karamap bilong God i ken helpim yu “sanap strong long dispela nogut de ”?(ves 15).

Doktrin na ol Kavanen 28:2, 6–7

Profet i save kisim revelesen bilong Sios; Mi ken kisim revelesen bilong laip bilong mi.

Sapos yu gat sampela pikinini, yu bai invaitim ol long pilai “bihainim lida,” tasol askim tupela o moa pikinini long kamap lida long wankain taim. Wanem bai kamap sapos i gat moa long wanpela lida? Yu ken lainim long Hiram Page (lukim “Chapter 14: The Prophet and Revelations for the Church,” long Doktrin na ol Kavanen Stori, 56–57, o dispela vidio long Gospel Library; o seksen heding bilong Doktrin na ol Kavanen 28). Hau na Papa long Heven i stretim dispela faul tingting bilong ol namba wan lain memba bilong Sios? Hau na Em i lidim Sios tede? (lukim Doktrin na ol Kavanen 28:2). Serim testimoni bilong yu olsem dispela profet i stap nau em Bikpela i singautim em long lidim dispela Sios bilong Em long ol las de bilong yumi.

1:21
Chapter 14: The Prophet and Revelations for the Church: September 1830
Taim revelesen bilong Sios bai olgeta taim kam thru long profet, yumi olgeta ken gat gaidens bilong Holi Gos. Yu ken helpim ol pikinini painim sampela ol dispela skripsa na mekim lis long wei Holi Gos i ken gaidim yumi: Doktrin na ol Kavanen 28:1, 4, 15; John 14:26; Moronai 8:26; 10:4–5. Serim wantaim wanpela narapela hau Holi Gos i wok long gaidim yu.

Long moa aidia, lukim isu bilong dispela mun bilong Friend megesin.