Doktrin na ol Kavanen 23–26

Revelesen long Doktrin na ol Kavanen 24 i bin go long “strongim, enkarisim, na instraktim” Joseph Smith na Oliver Cowdery long taim bilong kot (seksen heding; lukim tu Saints, 1:94–96). Painim ol wod long Doktrin na ol Kavanen 24 yu pilim bai strongim na enkarisim ol.

Ol dispela skripsa i tok wanem long yu long hau Seivia i save helpim yu wantaim ol salens?

Doktrin na ol Kavanen 24:1–3

Doktrin na ol Kavanen 24:8

Doktrin na ol Kavanen 121:7–8

Isaiah 40:28–31

Mosaia 24:14–15

Taim Emma Smith i lukim Restoresen i kamap thru long man bilong em, Joseph Smith, em bin mas tingting wanem wok bilong em. Painim ol ansa God i givim long Doktrin na ol Kavanen 25. Yu painim sampela samting long dispela seksen yu pilim i “nek bilong Em long [yu]”? (ves 16).

Lukim tu “An Elect Lady” (video), Gospel Library; “Thou Art an Elect Lady,” long Revelations in Context, 33–39; Joy D. Jones, “An Especially Noble Calling,” Liahona, Mei 2020, 15–18.

5:15

Dispela hap tok “spirit bilong isi pasin i min wanem long yu? Lukluk long seksen 25 long ol wods na hap tok i helpim yu klia gut long wanem em i min long gat isi pasin. Toktok bilong Elda David A. Bednar “Meek and Lowly of Heart” i ken helpim (Liahona, Mei 2018, 30–33). Hau na Jisas Krais i eksampel bilong isi pasin long yu? (lukim Matthew 11:28–30). Tingim ol samting long laip yu ken mekim wantaim “spirit bilong isi pasin.”

Taim yu tingting long kaunsel bilong Bikpela long Doktrin na ol Kavanen 25:10, em bai helpim long mekim lis long ol “samting bilong dispela wol” Em i laikim yu long “putim long sait.” Bihain bai yu mekim wanpela lis long ol samting bilong gutpela [wol]” Em i laikim yu long painim. Yu bai susim wanpela samting long namba wan lis we you bai putim long sait na wanpela samting long namba tu lis yu bai painim.

Presiden Russell M. Nelson i givim kaunsel na ol promis long “[putim] long sait planti samting bilong dispela wol. Painim long pes 77 dispela toktok “Spiritual Treasures” (Liahona, Nov. 2019). Hau bai yu bihainim dispela kaunsel?

Taim yu ridim ves 13, tingting long ol kavanen yu mekim wantaim Papa long Heven na Jisas Krais. Em i min wanem long “holim pas long” ol dispela kavanen? Hau ol kavanen bilong yu helpim yu “putim long sait ol samting bilong dispela wol, na painim ol samting i gutpela”?

Hia em sampela ol narapela skripsa i ken helpim yu skelim namel long ol “dispela samting bilong dispela wol na ol gutpela samting”: Matthew 6:19, 21, 25–34; Luke 10:39–42; 2 Nifai 9:51.

Lukim tu ol Topik na Kwesten, “Sacrifice,” Gospel Library.

Wanem ol sampela “singsing bilong bel bilong yu ”—singsing i save soim ol piling bilong yu long Papa long Heven o Jisas Krais? Tingting long singim o harim ol sampela. Wanem samting long ol dispela singsing i mekim ol spesel long yu?

Yu bai tingting tu long hau ol dispela singsing i olsem wanpela prea. Wanem samting yu lukim i mekim ol dispela ekspiriens i wankain? Hau na ol sekred singsing bilong yu i bin.“gat blesing”?

Lukim tu “Oh, What Songs of the Heart,” Hymns, no. 286.

Dispela hap tok “wanbel” long dispela ves i toktok long dispela pasin bilong apim ol han bilong yumi long soim yumi olsem yumi sasteinim na sapotim wanpela husat i kisim koling prishud odinesen. Hau bai yu tok klia long wanpela visita long Sios miting wanem em i min long sasteinim wanpela? Wanem ol ansa yu painim long toktok bilong Presiden Henry B. Eyring “The Power of Sustaining Faith”? (Liahona, Mei 2019, 58-60).

• Long lainim long sampela ol hevi na salens Joseph Smith na ol namba wan Seint i bin pesim, yu ken lukluk long “Chapter 11: More People Join the Church,” long Doktrin na ol Kavanen Stori, 46–47, o dispela vidio long Gospel Library. Bihain yu na ol pikinini bilong yu ken painim wanem Bikpela i tok long Joseph Smith long ol hevi bilong em long Doktrin na ol Kavanen 24:1, 8. Yu ken tu serim wantaim wanpela narapela hau Bikpela i helpim yupela long ol taim bilong hevi.

  

  1:52

• Long lainim em i min wanem long gat isi pasin long ol hevi bilong yumi, yu na ol pikinini i ken mekim gen dispela eksperimen long vidio “Continue in Patience” (Gospel Library). Doktrin na Kavanen 24:8 i tisim yumi wanem long isi pasin? Hau na Seivia i larim yumi save olsem Em i stap “wantaim [yumi]” long taim bilong hevi?

  

  2:42

• Bihain long ritim Doktrin na ol Kavanen 25:12, yu ken tokim wanpela narapela long feveret singsing lotu—o “singsing bilong bel”—na singsing wantaim. Serim wantaim wanpela narapela wai yu laikim tumas ol dispela singsing. Wai na Bikpela i amamas taim yumi singim ol dispela singsing? Hau na singsing bilong yumi i olsem “prea igo long [Em]”?

• Long klia wanem em i min long “holim pas long ol kavanen” (Doktrin na ol Kavanen 25:13), ol pikinini bilong yu ken tekim ten long holim long samting tait tru. Bihain yu na ol pikinini i ken toktok long hau yu “holim” pas ol kavanen bilong yu. Sapos i gat nid, lukim gen wantaim ol pikinini dispela kavanen yumi mekim (lukim Mosaia 18:8–10; Doktrin na ol Kavanen 20:37; na ektiviti peij bilong dispela wik).

• Long givim ol pikinini bilong yupela klia tingting long Doktrin na ol Kavanen 25:13, yu bai pointim aut olsem dispela em i samting Bikpela i tokim Emma Smith long taim em i baptais. Wai bai dispela i gutpela kaunsel bilong wanpela husat i baptais i no long taim?