Doctrine and Covenants 2025
Amazwi oBuyiselo: Emma Hale Smith

“Amazwi oBuyiselo: Emma Hale Smith,” Yizani, Nindilandele—EyeKhaya neBandla:: IMfundiso neMinqophiso 2025 (2025)

“Emma Hale Smith,” Yizani , Nindilandele—EyeKhaya neBandla: 2025

umfanekiso wamazwi obuyiselo

Amazwi oBuyiselo

U-Emma Hale Smith

U-Emma Smith (U-Emma Hale Smith)

Amazwi eNkosi ku-Emma abhalwe kuyo IMfundiso neMinqophiso 25 abonisa ukuba yayiziva njani Yona ngaye kunye nangegalelo awayenokulenza emsebenzini waYo. Kodwa wayenjani yena u-Emma? Yintoni esiyaziyo ngesimo sakhe, ngobudlelwane bakhe, nangamandla akhe? Enye indlela yokulazi eli “nenekazi lonyuliweyo” (IMfundiso neMinqophiso 25:3) kukufunda amazwi abantu ababemazi kakuhle.

UJoseph Smith Omnc., umyeni wakhe

One drawing in pencil, charcoal and ink on paper. A left profile, head/shoulders portrait of Joseph Smith; drawn basically in charcoal, highlighted with white paint and black ink. titled at bottom "Jospeh Smith the Prophet." Signed at left shoulder "Drawn from the most authentic sources by Dan Weggeland" A drawn border surrounds it. No date apparent.

“Ngoluphi lona uvuyo olungathethekiyo, kwaye izeziphi izithuthi zovuyo ezazalisa isifuba sam, xa ndandimthatha ngesandla, ngoba busuku, u-Emma wam endimthandayo—yena wayeyinkosikazi yam, nkqu umfazi wobutsha bam; kwaye okhethwe yintliziyo yam. Zazininzi ezididizelisa ingqondo yam xa ndandicinga okomzuzwana ngeziqendu ezininzi esabizelwa ukuba sigqithe kuzo. Ukudinwa, nokubulaleka, neentsizi, neembandezelo kwaneemvuyo neentuthuzelo ngaloo maxesha athile zaye zangcolisa iindlela zethu kwaye sathweswa isithsaba kwibhodi yethu. Owu! indlela yokudibana kwengcinga yazalisa ingqondo yam okomzuzu. Kwakhona ulapha, nakwinkathazo yesixhenxe, engoyiki, eqinile, engagungqi, engaguquguquki, u-Emma onothando.”

ULucy Mack Smith, umamazala wakhe

“Yena wayesemtsha ngoko, kwaye, ngendalo enemibono, intliziyo yonke yakhe yayisemsebenzini weNkosi, kwaye zange ave mdla ngaphandle kwebandla nembangi yenyaniso. Nantoni na izandla zakhe ezaziyifumana ziyenza, wayenza ngako konke anako kwaye azange abuze la mbuzo wokuzicingela yedwa ‘Ingaba ndiya kuzuza ngaphezulu na kunomnye?’ Ukuba abadala babethunyelwa kude ukuba bayokushumayela, wayengowokuqala ukuvolontiya iinkonzo zakhe ukuncedisa ngokubanxibisa esenzela uhambo lwabo, nokuba ukuswela kwakhe kwakunjani.”

UJoseph Smith Omkh., ubawozala wakhe

Intsikelelo kasolusapho ka-Emma, echazwe nguJoseph Smith Omkh., owayekhonza njengoSolusapho kwiBandla:

“Emma, molokazana wam, usikelelwe yiNkosi, ngokuthembeka kwakho nangenyaniso: uza kusikelelwa nomyeni wakho, kwaye ugcobe kubuqaqawuli obuya kufika kuye: Umphefumlo wakho ubandezelwe ngenxa yenkohlakalo yabantu ekuzameni ukutshabalalisa umlingane wakho, kwaye umphefumlo wakho wonke ubumthandezela ukuba akhululwe: gcoba, ngoba iNkosi uThixo wakho uwuvile umthandazo wakho.

“Ubuvile ubuhlungu bokuqina kweentliziyo zabantu bendlu kayihlo, kwaye kudala unqwenela usindiso lwabo. INkosi iya kuba nentlonipho kwizikhalo zakho, kwaye ngezigwebo zayo iya kwenza ukuba abanye babo babone ubudenge babo kwaye baguquke ezonweni zabo; kodwa iya kuba ngenxa yembandezelo yakho ukuba bayasindiswa. Wena uya kubona iintsuku ezininzi; ewe, iNkosi iya kukusindisa ude waneliseke, kuba uya kumbona uMkhululi wakho. Intliziyo yakho iya kugcoba kumsebenzi omkhulu weNkosi, kwaye akukho mntu oya kuluthatha ugcobo lwakho kuwe.

“Wena uya kusoloko ukukhumbula ukuzithoba kukaThixo ekukuvumeleni ukuba ukhaphe unyana wam xa ingelosi yayinikezela ingxelo yamaNifayithi ezandleni zakhe. Wena ubone intlungu enkulu ngoba iNkosi ithathe abantwana bakho abathathu: kule nto awusolwa, kuba iyayazi iminqweno yakho ehlambulukileyo yokukhulisa usapho, ukuze igama lonyana wam lisikeleleke. Kwaye ngoku, bona, ndithi kuwe, itsho njalo iNkosi, ukuba uya kukholelwa, useza kusikelelwa kule nto kwaye uya kuba nabanye abantwana, kuvuyo kunye nasekwanelisekeni komphefumlo wakho, kwanokugcoba kubahlobo bakho.

“Wena uya kusikelelwa ngokuqonda, kwaye ube namandla okuyalela isini sakho. Fundisa usapho lwakho ubulungisa, nabantwana bakho indlela yobomi, kwaye iingelosi ezingcwele ziya kukugada: kwaye uya kusindiswa ebukumkanini bukaThixo; de kubenjalo. Amen.”

U-Emma Smith nabantwana

U-Emma Smith nabantwana bakhe. Time to Laugh [Ixesha lokuhleka], nguLiz Lemon Swindle