მოძღვრება და აღთქმები 20–22

რატომ გვაქვს ორგანიზებული ეკლესია? შესაძლოა, ამის საუკეთესო პასუხი შემდეგია: „რადგან იესო ქრისტემ შექმნა იგი“. როდესაც შეისწავლი მოძღვრება და აღთქმები 20–21-ს, შენ შეიძლება შეამჩნიო მსგავსება იმ ეკლესიას შორის, რომელიც მან ძველად დააარსა და რომელიც დღეს აღადგინა. გამოიყენე შემდეგი მუხლები, რათა შეიტყო ძველ დროში ჩვენი მხსნელის ეკლესიის შესახებ: მათე 16:15–19; იოანე 7:16–17; ეფესელთა 2:19–22; 3 ნეფი 11:23–26; მორონი 4–5. გამოიყენე ეს მუხლები და შეიტყვე მეტი აღდგენილი ეკლესიის შესახებ: მოძღვრება და აღთქმები 20:17–25, 60, 72–79; 21:1–2. შენ შეგიძლია ჩაწერო ის, რასაც იპოვი ასეთ ცხრილში:

როდესაც ეკლესია მოეწყო, უფალმა თავის წმინდანებს ასწავლა წმინდა წეს-ჩვეულებების, მათ შორის ნათლობისა და ზიარების, შესახებ. როდესაც კითხულობ ამ წეს-ჩვეულებების შესახებ დაფიქრდი, როგორ გეხმარება ისინი, იგრძნო კავშირი ჩვენს მხსნელთან. მაგალითად, როგორ გეხმარება ეს წეს-ჩვეულებები შეინარჩუნო „გადაწყვეტილებ[ა], ბოლომდე ემსახურო [იესო ქრისტეს]“? (მუხლი 37). შესაძლოა, ასევე წაიკითხო ზიარების ლოცვები (მუხლები 77, 79) და წარმოიდგინო, რომ პირველად გესმის ისინი. რა შთაგონებებს იღებ?

იხ. ასევე დ. ტოდ კრისტოფერსონი „რატომ აღთქმის გზა“, Liahona, მაისი, 2021 წ., 116–19.

ოდესმე გიფიქრია, რატომ იყო მხსნელისთვის მნიშვნელოვანი მის ეკლესიაში მღვდლობის აღდგენა? წაიკითხე მოძღვრება და აღთქმები 20:38–60 და გაიგებ, რას სთხოვს იგი მღვდლობის მატარებლებს, რაც გარკვეული შთაგონებისკენ გიბიძგებს. როგორ დაგლოცათ მხსნელმა შენ და შენი ოჯახი ამ მუხლებში აღწერილი საქმის მეშვეობით?

გარდა მამაკაცებისა, რომლებიც მღვდლობაზე აკურთხეს, ეკლესიაში მსახურებისთვის ხელდასხმით დანიშნული ქალები ასევე ახორციელებენ ღვთის უფლებამოსილებას, როდესაც მის საქმეში მონაწილეობენ.

მოძღვრება და აღთქმები 21:4–9 შეიცავს მოწვევას, მიჰყვე უფლის წინასწარმეტყველს და ძლიერ დაპირებებს მათთვის, ვინც ამას აკეთებს. შემდეგი იდეები დაგეხმარება დაფიქრდე ამ მუხლებზე:

• მუხლები 4–5 -ში მოცემული რომელი სიტყვები აღწერს იმას, თუ რა სურს მხსნელს, რომ გააკეთო მისი ცოცხალი წინასწარმეტყველის სიტყვებით? რატომ ფიქრობ, რომ ამისთვის საჭიროა „მოთმინებ[ა] და რწმენ[ა]“?

• დაფიქრდი იმ ხატოვანებაზე, რომელსაც მხსნელი იყენებს მუხლი 6 -ში, რათა აღწეროს მისი წინასწარმეტყველის მიყოლის დალოცვები. შენი აზრით, რა იგულისხმება „ჯოჯოხეთის [ბჭეში]“? როგორ „გაფანტავს ბნელეთის ძალებს“ უფალი? რას ნიშნავს „და აიძულებს ზეცას, აზანზარდეს [შენ] სასიკეთოდ“?

• რის გაკეთებას გთხოვს უფალი ეკლესიის ამჟამინდელი პრეზიდენტის მეშვეობით? როგორ შეასრულა უფალმა თავისი დანაპირები, როცა შენ მის დარიგებას მიჰყევი?

Topics and Questions [თემები და კითხვები], “Prophets [წინასწარმეტყველები],” სახარების ბიბლიოთეკა.

4:17

• იფიქრე მოძღვრება და აღთქმები 21-ის შესავლის გამოყენებაზე, რათა დაეხმარო შენს ბავშვებს გაიგონ, რა მოხდა ეკლესიის ორგანიზების დღეს.

  

  2:37

• შესაძლოა, შენმა ბავშვებმა მიუსადაგონ იესო ქრისტეს, ვინმეს მსახურების, ნათლობისა და ზიარების სურათები მუხლებს ნაწილი 20 -დან (იხ. მუხლები 21–23, 47, 72–74, 75–79). გამოიყენე ეს სურათები და მუხლები, რათა ისაუბროთ იმ დალოცვებზე, რომლებიც მოგვიტანა იესო ქრისტეს მიერ მისი ეკლესიის აღდგენამ.

• ბავშვებს შეიძლება მოუნდეთ ბავშვის მონათვლის ან წევრად დამტკიცების სურათის ნახვა. მათ შეუძლიათ მიუთითონ, როგორ მიჰყვება ეს ყველაფერი მოძღვრება და აღთქმები 20:41, 71–74-ში მოცემულ მითითებებს. რა ვისწავლეთ მოძღვრება და აღთქმები 20:37 -დან ადამიანებზე, რომელთაც მონათვლა სურთ? შეგიძლიათ ერთად უყუროთ ვიდეოს “The Baptism of Jesus [იესოს მონათვლა]” (სახარების ბიბლიოთეკა).

  

  3:10

  

• თუ შენი ბავშვები უკვე მოინათლნენ და წევრად დამტკიცდნენ სთხოვე, გაგიზიარონ თავიანთი გამოცდილება. სურათები აქვთ გასაზიარებლად? ისაუბრე მათთან იმაზე, თუ რას აკეთებენ ისინი, რომ იესო ქრისტეს მიჰყვნენ და როგორ აკურთხებს ის მათ.

• ბავშვებმა მოძებნონ სიტყვები „მზად არიან“ მოძღვრება და აღთქმები 20:37 (ნათლობაზე) და მუხლი 77 (ზიარების ლოცვა). იესო ქრისტეს რისთვის სურს, რომ მზად ვიყოთ? შენმა ბავშვებმა შეხედონ რაღაცას, რასაც აქვს სახელი (როგორიცაა ბრენდის სახელი ან პირადი სახელი). რას გვეუბნება სახელი საგანზე? რას ნიშნავს იესო ქრისტეს სახელის საკუთარ თავზე აღება?

• ბავშვებთან ერთად წაიკითხე მოძღვრება და აღთქმები 20:77 და სთხოვე შენს ბავშვებს, ამოიცნონ ის დაპირებები, რომლებსაც ჩვენ ვაძლევთ, როგორც ზიარების ნაწილი. ბავშვებმა რიგ-რიგობით გაითამაშონ და გააკეთონ ისეთი რამე, რომ „ყოველთვის ახსოვდეთ“ მხსნელი და გამოიცნონ ერთმანეთის ქმედებები. მუხლი 77-ს მიხედვით, რა დალოცვებს ვიღებთ, როცა ყოველთვის გვახსოვს მხსნელი?

• მოძღვრება და აღთქმები 21:4–6-ში მოხმობისა და დაპირებების აღმოჩენის შემდეგ, შენს ბავშვებს შეუძლიათ დაათვალიერონ ამჟამინდელი წინასწარმეტყველის სურათი და გაუზიარონ ის, რაც ისწავლეს ან მოისმინეს მისგან. გაუზიარეთ ერთმანეთს, როგორ გაკურთხათ იესო ქრისტემ მისი წინასწარმეტყველის მიყოლისათვის.