Amazwi oBuyiselo

Ingelosi uMoronayi yabonisa uJoseph Smith, u-Oliver Cowdery, uDavid Whitmer, noMartin Harris amacwecwe egolide ezinkunini ezazi kufuphi nekhaya lakwaWhitmer eFayette, New York. Abazali bakaJoseph babendwendwele abakwaWhitmer ngeloo xesha. ULucy Mack Smith, unina kaJoseph, waluchaza utshintsho la mava ommangaliso abanalo kuloo mangqina:

“Kwakuphakathi kwentsimbi yesithathu neyesine. Nks. Whitmer kunye noMnu. Mna noSmith sasihleli kwigumbi lokulala. Ndandihleli ecaleni komondlalo. Xa uJoseph wayengenayo, waziphosela phantsi ecaleni kwam. ‘Tata! Mama!’ watsho yena. ‘Anazi ukuba ndonwabe kangakanani. INkosi yenze amacwecwe ukuba aboniswe kwabanye abathathu ngaphandle kwam, abathe nabo babona ingelosi kwaye kuza kufuneka bangqine kwinyaniso yoko ndikuthethileyo. Kuba nabo bayazazela ngokwabo ukuba andihambi ndilahlekisa abantu. Kwaye ndiziva ngathi ndothulwe umthwalo obusoyikeka, owawuphantse undisinde ukuba ndiwunyamezele. Kodwa nabo ngoku kuza kumele bathwale inxalenye, kwaye kuyawuvuyisa umphefumlo wam okokuba andisayi kuba ndodwa qha emhlabeni.’ Kwaye kwangena uMartin Harris. Wayebonakala ngathi ugutyungelwe luvuyo olugqithisileyo. Waye wangqina ngoko akubonileyo nakuvileyo, njengabanye nabo abenza njalo, u-Oliver noDavid. Ubungqina babo babufana noko kuqulathwe kwiNcwadi kaMormoni. …

“UMartin Harris wayebonakala engakwazi kwaphela ukuchaza iimvakalelo zakhe ngamazwi. Wathi, ‘Ngoku ndibone ingelosi ephuma eZulwini ethe yangqina ngokuqinisekileyo ngenyaniso yako konke endithe ndakuva malunga noxwebhu, kwaye amehlo am ayibonile. Ndiye ndawajonga amacwecwe egolide ndaze ndawabamba ngezandla zam kwaye nam ndingangqina ngoko kufanayo kwihlabathi lonke. Kodwa mna ndizifumenele ubungqina ngokwam amazwi angenabuchaza, akukho lulwimi olunobuchaza, kwaye ndiyambonga uThixo ngokunyaniseka komphefumlo wam njengoko uye wazithoba ukuze andenze, kwanam, ingqina lobungangamsha bomsebenzi wakhe nezicwangciso zakhe [ngenxa] yabantwana babantu.’ U-Oliver noDavid nabo bangenelela naye ezindumisweni ezindilisekileyo kuThixo ngokulunga kwakhe nangenceba yakhe. Saye sabuyela ekhaya [ePalmyra, New York,] ngosuku olulandelayo, siliqedlana elalonwabileyo noluchwayitileyo.”

ULucy Smack Smith naye wayekhona xa Amangqina Asibhozo ayebuya kwawawo amava:

“Emveni kokuba la mangqina ebuyele endlwini, ingelosi yaye yavela kwakhona kuJoseph; apho ngeloo xesha uJoseph waye wabuyisela amacwecwe ezandleni zayo. Ngolo rhatya saye sabamba intlanganiso, apho onke amangqina aye anika ubungqina kwinyaniso esele ichaziwe ngasentla; kwaye lonke usapho lwethu, nkqu nakuDon Carlos [Smith], owayeneminyaka eli-14 ubudala, sangqina ngenyaniso yelixesha lokuhlanganisela lemihla yokugqibela—okokuba yayingeniswa ngokupheleleyo.”

Ukongeza kumaNgqina amaThathu namaNgqina aSibhozo, uMary Whitmer, unina kaDavid Whitmer, naye wasikelelwa ngokuba lingqina lamacwecwe egolide. Ingelosi uMoronayi yambonisa njengombulelo wamadini awayewenza xeshikweni uJoseph, no-Emma, no-Oliver babehlala ekhayeni lakhe. “Uthembeke kakhulu kwaye ukhuthele emsebenzini wakho,” watsho uMoronayi kuye. “Kufanelekile; ke ngoko, ukuba ufumane ubungqina ukuze ukholo lwakho lomelezwe.”