“EyoMdumba 3–9: ‘Lo nguMoya weSityhilelo’: IMfundiso neMinqophiso 6–9,” Yizani, Nindilandele—EyeKhaya neBandla: IMfundiso neMinqophiso 2025 (2025)
“IMfundiso neMinqophiso 6–9,” Yizani, Nindilandele—EyeKhaya neBandla: 2025
EyoMdumba 3–9: “Lo nguMoya weSityhilelo”
IMfundiso neMinqophiso 6–9
Kwixesha lasekwindla kunyaka ka-1828, umfundisi-ntsapho wesikolo owayeselula owayebizwa u-Oliver Cowdery wathatha umsebenzi wokufundisa eManchester, New York, kwaye wayehlala nosapho lukaLucy noJoseph Smith Sr. U-Oliver wayevile ngonyana wabo uJoseph, nangamava akhe amangalisayo, kwaye u-Oliver, owayezibona njengomkhangeli wenyaniso, wayefuna ukwazi ngakumbi. AbakwaSmith bachaza ngotyelelo lweengelosi, isibhalo samandulo, nesipho sokuguqulela ngamandla kaThixo. U-Oliver waba nomdla. Ingaba kwakuyinyani? ULucy noJoseph Omdala. bamnika icebiso elisebenza nakubani na ofuna inyaniso: thandaza kwaye ucele kwiNkosi.
U-Oliver wenza njalo, kwaye iNkosi yaphendula, ithetha “uxolo engqondweni yakhe” (IMfundiso neMinqophiso 6:23). Isityhilelo, u-Oliver wafumanisa, ayisisosabaprofeti abafana noJoseph Smith kuphela. Sesakhe wonke ubani osinqwenelayo kwaye osikhangelayo. U-Oliver wayesenokuninzi amakakufunde, kodwa wayesazi ngokwaneleyo ukuba athabathe inyathelo lakhe elilandelayo. INkosi yayisenza into ebalulekileyo ngoJoseph Smith, kwaye u-Oliver wayefuna ukuba yinxalenye yayo.
Days of Harmony
Iingcebiso zokufunda eKhaya naseBandleni
UBawo waseZulwini uthetha nam ngoMoya oyiNgcwele.
Kwintwasahlobo ka-1829, u-Oliver Cowdery wavolontiya ukuba ngumbhali kaJoseph Smith njengoko waqhubeka eguqulela iNcwadi kaMormoni. La mava amvuyisa, kwaye wayezibuza ukuba wayenako kananjalo ukufumana isityhilelo nesipho sokuguqulela. Kumzamo wakhe wokuqala, awuzange uhambe kakuhle.
Ukuba ukhe wasokola ukufumana okanye ukuqonda isityhilelo, mhlawumbi unganxulumana namava ka-Oliver—kwaye ufunde kuwo. Njengokuba ufunda IMfundiso neMinqophiso 6, 8, kunye 9, qaphela into eyafundiswa yiNkosi u-Oliver ngesityhilelo somntu. Ngokomzekelo:
-
Yintoni IMfundiso neMinqophiso 6:5–7; 8:1; 9:7–8 eyicebisayo malunga noko iNkosi ikufunayo ngaphambi kokuba Yona ityhile intando yaYo?
-
Yintoni oyifunda kwiMfundiso neMinqophiso 6:14–17, 22–24; 8:2–3; 9:7–9 malunga neendlela ezahlukileyo isityhilelo esinokuza ngazo? Ungasiqonda njani?
-
Yintoni enye oyifundayo malunga nesityhilelo kula macandelo?
Amava ka-Oliver anokukwenza ukuba “uphose ingqondo yakho” kumaxesha apho uye waziva ukuba iNkosi ithetha nawe (IMfundiso neMinqophiso 6:22). Ngaba ukhe wazibhala iingcinga okanye iimvakalelo zakho ngala mava? Ukuba kunjalo, cinga ngokufunda oko ukubhalileyo. Ukuba akunjalo, thatha ixesha ubhale phantsi oko ukukhumbulayo. Cinga ngendlela onokuqhubeka ngayo usomelezwa kula mava.
IMfundiso neMinqophiso 6:18–21, 29–37
Khangelani kuKrestu kuyo yonke ingcinga.
INkosi yayisazi ukuba uJoseph Smith uya kuba “neemeko ezinzima” kwiminyaka ezayo (IMfundiso neMinqophiso 6:18). INkosi iyazazi iimbandezelo ezikwikamva lakho nawe. Ufumana ntoni kwingcebiso yaKhe kuJoseph no-Oliver kwi Mfundiso neMinqophiso 6:18–21, 29–37 ekunceda ukuba umthembe Yena?
Yintoni ovakalelwa kukuba kuthetha ukuthini “khangela [kuKrestu] kuyo yonke ingcinga”? (umqolo 36). Unokukwenza njani oku ngokuqhubekayo—ngexesha lobumnandi “nakwiimeko ezinzima”? Qwalasela esi siluleko sivela kuMongameli uRussell M. Nelson: “Kunzima ngokwasengqondweni ukuzama ukukhangela kuYe kuyo yonke ingcinga. Kodwa xa sikwenza oko, amathandabuzo kunye noloyiko lwethu luyabaleka” (“Drawing the Power of Jesus Christ into Our Lives,” Liahona, 41).
Inkcukacha ka Behold My Hand [Qaphela Isandla Sam], nguJeffrey Ward
IMfundiso neMinqophiso 6:29–37
“Ningoyiki ukwenza okulungileyo.”
Kutheni ngamanye amaxesha “sisoyika … ukwenza okulungileyo”? (umqolo 33). Yintoni oyifumana kuyo IMfundiso neMinqophiso 6:29–37 ethi ikunike inkalipho yokwenza okulungileyo? Cinga ngokucula okanye ukumamela iculo elikukhuthaza ukuba ube nenkalipho kuKrestu.
IMfundiso neMinqophiso 6–7; 9:3, 7–14
“Kwananjengokuba unqwenela okwam oko kuya kuba njalo.”
Qaphela ukuba avela amatyeli amangaphi amagama anjengo “umnqweno” okanye “iminqweno” kumacandelo 6 kunye no 7. Yintoni oyifundayo kulamacandelo malunga nokubaluleka uThixo akubeka kwiminqweno yakho? Zibuze nawe umbuzo weNkosi kwiMfundiso neMinqophiso 7:1: “Unqwenela ntoni?”
Omnye weminqweno yobulungisa ka-Oliver Cowdery—wokuguqulela njengoko uJoseph Smith wenza—awuzange uzalisekiswe. Njengoko ufunda IMfundiso neMinqophiso 9:3, 7–14, zeyiphi iimvakalelo ozifumanayo ezinokunceda xa iminqweno yakho yobulungisa ingazalisekiswa okwangoku?
Bona kananjalo IMfundiso neMinqophiso 11:8.
Ngezimvo ezingakumbi, bona ukhutsho lwale nyanga Liyahona kunye Okwenzelwe Ukomeleza uLutsha.
Iingcebiso Zokufundisa Abantwana
IMfundiso neMinqophiso 6:5, 15–16, 22–23; 8:2; 9:7–9
UBawo waseZulwini uthetha nam ngoMoya oyiNgcwele.
-
Iinyaniso u-Oliver Cowdery azifundileyo malunga nesityhilelo sobuqu zinganceda abantwana bakho njengokuba bephuhlisa amandla abo okuqonda uMoya oyiNgcwele. Yabelanani omnye nomnye ngeendawo zenu enizithandayo zebali. Njengoko usenza, gxininisa izinto iNkosi eyazifundisa u-Oliver malunga nendlela yokuva ilizwi likaThixo, kwaye ufunde imiqolo efanelekileyo, njengayo IMfundiso neMinqophiso6:23 okanye 9:7–9.
3:11The Lord Sends Oliver Cowdery: Learning about how God speaks to us
U-Oliver Cowdery wafunda ngesityhilelo ngelixa wayenceda uJoseph Smith ukuba aguqulele iNcwadi kaMormoni.
-
Usenokumema abantwana bakho ukuba bachukumise iintloko zabo nezifuba zabo njengoko ufunda amagama athi “ingqondo” nelithi “intliziyo IMfundiso neMinqophiso 8:2. Xelela abantwana bakho, ngokusuka kumava akho, ukuba kunjani xa uMoya oyiNgcwele ethetha nengqondo nentliziyo yakho. Bancede bafumane iimpendulo kumbuzo othi “UMoya oyiNgcwele uthetha njani nathi?” kule miqolo: IMfundiso neMinqophiso 6:15–16, 22–23; 8:2; 9:7–9.
Sebenzisa amabali. Amabali anceda abantwana ukuba baqonde imigaqo yevangeli kuba abonisa indlela abanye abantu abaphila ngayo le migaqo. Njengoko ufundisa, fumana iindlela zokubandakanya amabali—asuka kwizibhalo, kwimbali yeBandla, okanye kubomi bakho—abonisa imigaqo ekwizibhalo.
Ngenxa kaYesu Krestu, “andinakoyika.”
-
INkosi yaxelela uJoseph no-Oliver, “Musani ukoyika, mhlambi omncinane”(IMfundiso neMinqophiso 6:34). Usenokumema abantwana bakho ukuba baliphinde elo binzana kunye nawe izihlandlo eziliqela. Basenokukonwabela ukuzenza ngathi bangumhlambi weegusha ezothukileyo. Zinokoyika ntoni igusha? Emva koko wena nabantwana bakho ningajonga umfanekiso woMsindisi njengomalusi (ukho omnye ekupheleni kolu lwandlalo) kwaye nithethe ngendlela Yena asijonge ngayo njengomalusi egade izimvu zaKhe.
-
Cinga ngokudlala okanye ukucula ingoma malunga nokufumana inkalipho kuKrestu. Isifundisa ntoni le ngoma ngendlela uMsindisi asinceda ngayo ukuba singoyiki?
Ndinokukhangela kuYesu Krestu kuyo yonke ingcamango.
-
Emva kokufunda kunye IMfundiso neMinqophiso 6:36, wena nabantwana bakho ningenza imizobo ukuninceda ukuba nikhumbule “ukukhangela [kuYesu Krestu] kuyo yonke ingcamango.” Yabelanani ngemizobo yenu, kwaye nincede abantwana benu bacinge ngeendawo abanokuyibeka kuyo ukuze basoloko beyibona.
Ngezimvo ezingakumbi, bona ukhutsho lwale nyanga lwencwadi Umhlobo.