දහම සහ ගිවිසුම් 12–17; ජෝසෆ් ස්මිත්—ඉතිහාසය 1:66–75

ජෝසෆ් නයිට් සහ ඩේවිඩ් විට්මර් යන දෙදෙනාටම අවශ්‍ය වූයේ ස්වාමින්වහන්සේගේ කාර්යයට උදව් කරන්නේ කෙසේදැයි දැන ගැනීමටයි. ඔවුන්ට ස්වාමින්වහන්සේ ලබාදුන් පිළිතුර ඔබ කියවන විට (දහම සහ ගිවිසුම් 12; 14), “සයොනයේ කාරණාව පෙරට පැමිණවීම සහ පිහිටුවීම” යන්නෙන් ඔබට අදහස් කරන්නේ කුමක්දැයි සිතා බලන්න (12:6; තවත් බලන්න 14:6). ඔබ මෙම කොටස් වලින් සොයාගත්, මෙය කිරීමට ඔබට උපකාර කළ හැකි මූලධර්ම සහ ක්‍රිස්තුස්වහන්සේගේ වැනි ගුණාංග මොනවාද?

යොහාන් බව්තීස්ත විසින්, ජෝසෆ් ස්මිත් සහ ඔලිවර් කවුඩ්‍රිව හැඳින්වූයේ ඔහුගේ “යටහත් සේවකයන්” ලෙසයි. ඔබ සිතන ආකාරයට යොහාන් බව්තීස්ත සමඟ යටහත් සේවකයෙකු වීම යන්නෙන් අදහස් කරන්නේ කුමක්ද? (බලන්න මතෙව් 3:13–17; ලූක් 1:13–17; >3:2–20).

13 වෙනි කොටසේ ආරෝනික පූජකවරය ගැන යොහාන් බව්තීස්ත පැවසූ දේ කියවන විට, මෙම පූජකවරයේ යතුරු, ස්වාමින්වහන්සේගේ මාර්ගය සකස් කිරීමට යොහාන්ගේ මෙහෙවර ඉටු කිරීමට උපකාර වන ආකාරය ගැන මෙනෙහි කරන්න. උදාහරණයක් ලෙස:

• “දේවදූතයන්ගේ දේවසේවය” යනු කුමක්ද? (බලන්න 2 නෙපී 32:2–3; මොරෝනි 7:29–32).

• “පව් කමාවේ ශුභාරංචිය” යනු කුමක්ද? (බලන්න දහම සහ ගිවිසුම් 84:26–27; ඩේල් ජී. රෙන්ලන්ඩ්, පූජකවරය සහ ගැලවුම්කරුවාගේ වන්දිගෙවීමේ බලය,” ලියහෝනා, නොවැ. 2017, 64-67).

ආරෝනික පූජකවරයේ නියෝග (බව්තීස්මය සහ සක්‍රමේන්තුව වැනි) ඔබගේ ජීවිතයට ගැලවුම්කරුවාණන්ව ලබා ගැනීමට මාර්ගය සකස් කරගැනීමට උපකාර කරන්නේ කෙසේද?

වැඩිහිටි ඩේල් ජී. රෙන්ලන්ඩ් සහ ඔහුගේ බිරිඳ රූත් පූජකවර යතුරු ගැන මෙම පැහැදිලි කිරීම ඉදිරිපත් කළා:

“පූජකවර යතුරු යන යෙදුම ආකාර දෙකකින් භාවිතා වෙනවා. පළමුවැන්න ආරෝනික හෝ මෙල්කිසදෙක් පූජකවරය ලබන සියල්ලන්ටම ලබා දී ඇති නිශ්චිත අයිතියක් හෝ වරප්‍රසාදයක් ගැන සඳහන් කරනවා. … නිදසුනක් වශයෙන්, ආරෝනික පූජකවරය දරන්නන් දේවදූත දේවසේවයේ යතුරු සහ පසුතැවිලි වීමේ සහ බව්තීස්මයේ සූදානම් කිරීමේ ශුභාරංචියේ සහ පව් කමාව උදෙසා ජලයේ ගිල්වා බව්තීස්ම කිරීමේ යතුරුද උසුලනවා (බලන්න දහම සහ ගිවිසුම් 13:1; 84:26–27). මෙල්කිසදෙක් පූජකවරය දරන්නන්ට රාජ්‍යයේ අභිරහස්වල යතුර, දෙවියන්වහන්සේ පිළිබඳ දැනුමේ යතුර සහ සභාවේ සියලුම අධ්‍යාත්මික ආශීර්වාදවල යතුරු ලැබෙනවා (බලන්න දහම සහ ගිවිසුම් 84:19; 107:18). …

“පූජකවර යතුරු යන යෙදුම භාවිතා කරන දෙවන ආකාරය නායකත්වයට යොමු වෙනවා. පූජකවර නායකයින්ට අමතර පූජකවර යතුරු ලැබෙනවා, එයින් ඔවුන්ට සභාවේ යම් සංවිධානයක හෝ ගණපූරණයක මුලසුන දැරීමට අයිතිය ලැබෙනවා. මේ අනුව, පූජකවර යතුරු යනු සභාව මෙහෙයවීමට, නායකත්වය දීමට සහ පාලනය කිරීමට ලැබෙන අධිකාරිත්වය සහ බලයයි” (The Melchizedek Priesthood: Understanding the Doctrine, Living the Principles [2018], 26).

නැවත පිහිටුවීමේ ප්‍රධාන සිදුවීම් සඳහා ජෝසෆ් ස්මිත් සහ ඔලිවර් කවුඩ්‍රි සමඟ සිටීමට ඔබට අවස්ථාව ලැබුණා නම් එය කෙබඳු වේදැයි ඔබ කවදා හෝ කල්පනා කර තිබේද? ඔබ 71 වෙනි පදය අවසානයේ ඇති සටහන ඇතුළුව, ජෝසෆ් ස්මිත්—ඉතිහාසය 1:66–75 කියවන විට, අවම වශයෙන් ඔවුන්ට හැඟුණු දේ තේරුම් ගැනීමට ඔබට හැකිවනු ඇත. ඔවුන්ගේ වචන ගැන ඔබව විශ්මයට පත් කරන්නේ කුමක්ද? විශේෂයෙන්ම ඔවුන් පූජකවරය ලබා බව්තීස්ම වීම නිසා ඔවුන්ට ලැබුණු ආශිර්වාද ගැන සලකන්න. පූජකවර නියෝග මගින් ගැලවුම්කරුවාණන් ඔබට දී ඇති ආශිර්වාද මොනවාද?

වැඩිදුර ඉගෙනීම සඳහා, නියෝග සහ ආශිර්වාද යන මාතෘකා සහිත වගුවක් සෑදීම ගැන සලකා බලන්න. එවිට ඔබට නියෝග සහ ඒවායින් ලැබෙන ආශිර්වාද ලැයිස්තුගත කිරීමට මෙවැනි ශුද්ධලියවිලි පද උවමනාවෙන් කියවිය හැකිය: යොහාන් 14:26; ක්‍රියා 2:38; දහම සහ ගිවිසුම් 84:19–22; 131:1–4; ජෝසෆ් ස්මිත්—ඉතිහාසය 1:73–74. ඔබ මෙම ලැයිස්තුවට එකතු කරන වෙනත් ආශිර්වාද මොනවාද? ඔබට ලැබී ඇති නියෝග ඔබේ ජීවිතයට ගැලවුම්කරුවාණන්ගේ බලය ගෙන ආවේ කෙසේද?

ඩේවිඩ් ඒ. බෙඩ්නර්, “ශ්‍රේෂ්ඨ මහිමයේ දෙවියන්වහන්සේගේ බලය සමඟ,” ලියහෝනා, නොවැ. 2021, 28-30.

ජෝන් සහ පීටර් විට්මර් කළාක් මෙන් ඔබේ ජීවිතයේ “වටිනාකම” කුමක්දැයි ඔබ කවදා හෝ කල්පනා කර තිබේද? (දහම සහ ගිවිසුම් 15:4; 16:4). ඔබ දහම සහ ගිවිසුම් 15-16 කියවන විට, ක්‍රිස්තුස්වහන්සේ වෙතට ප්‍රාණයන් ගෙන ඒම මෙතරම් වටින්නේ මන්දැයි සිතා බලන්න. ක්‍රිස්තුස්වහන්සේ වෙතට “ප්‍රාණයන් ගෙන ඒමට” ඔබ කරන්නේ කුමක්ද?

සාක්ෂිකරුවෙකු යනු කවුද? ස්වාමින්වහන්සේඋන්වහන්සේගේ කාර්යය සඳහා සාක්ෂිකරුවන් යොදා ගන්නේ ඇයි? (බලන්න 2 කොරින්ති 13:1). ඔබ දහම සහ ගිවිසුම් 17 හි සාක්ෂිකරුවන් තිදෙනාට දෙවියන්වහන්සේ පැවසූ වචන කියවන විට මෙම ප්‍රශ්න මෙනෙහි කරන්න. (තවත් බලන්න මොර්මොන්ගේ පොතේ “සාක්ෂිකරුවන් තිදෙනෙකුගේ සාක්ෂිය”.) දෙවියන්වහන්සේගේ “ධර්මිෂ්ඨ අරමුණු” ඉටු කිරීමට සාක්ෂිකරුවන් උපකාර කරන්නේ කෙසේද? (4 වෙනි පදය).

ඔබට සාක්ෂි දැරිය හැක්කේ කුමක් ගැනද?

23:10

• මෙම දළ සටහනේ ඇති කලා කෘති ඔබේ දරුවන්ට ආරෝනික පූජකවරය නැවත පිහිටුවීම දෘශ්‍යමාන කිරීමට උපකාරී වේ. ජෝසෆ් ස්මිත්—ඉතිහාසය 1:68–74 හි ඔබ ඔවුන් සමඟ කියවූ දේ මත පදනම්ව මෙම සිදුවීමේ පින්තූරයක් ඇඳීමට ඔවුන් කැමති වෙයිද?

  

  2:12

• ඔබ එකට එක්ව කියවන අතරතුර ඔබට යොහාන් බව්තීස්තගේ පින්තූරයක් පෙන්විය හැක මතෙව් 3:13-17; ජෝසෆ් ස්මිත්—ඉතිහාසය 1:68–70. ජෝසෆ් ස්මිත්ට බව්තීස්ම කිරීම සඳහා පූජකවර බලය ලබා දීමට ස්වාමින්වහන්සේ යොහාන් බව්තීස්තව එවීම වැදගත් වූයේ මන්ද?

• දහම සහ ගිවිසුම් 13 හි සඳහන් යතුරු ගැන සාකච්ඡාවක් ආරම්භ කිරීමට, ඔබට සහ ඔබේ දරුවන්ට යතුරු කට්ටලයක් දෙස බලා, යතුරු මඟින් අපට කිරීමට ඉඩ දෙන්නේ මොනවාද යන්න ගැන කතා කළ හැකිය. සමහර විට ඔබට 13 වෙනි කොටසේ යතුරු යන වචනය සොයා ගැනීමට ඔවුන්ට උදවු කළ හැකිය. ආරෝනික පූජකවරයේ ආශිර්වාද විස්තර කරන දහම සහ ගිවිසුම් 13 හි ඇති වෙනත් වචන හෝ වාක්‍ය ඛණ්ඩ මොනවාද?

• ජෝන් සහ පීටර් විට්මර්ට අවශ්‍ය වූයේ ඔවුන්ට වඩාත්ම වටින්නේ කුමක්ද යන්න දැන ගැනීමටය (බලන්න දහම සහ ගිවිසුම් 15:4; 16:4). සමහරවිට ඔබට සහ ඔබේ දරුවන්ට, ඔබට වඩාත් වටිනා දේවල් ගැන කතා කළ හැකිය. ඔබ දහම සහ ගිවිසුම් 15:6 හෝ 16:6 කියවන විට, “වඩාත් වටිනාම එම දෙය” කියා ස්වාමින්වහන්සේ පැවසූ දේ ඇසෙන විට දෑත් ඔසවන ලෙස ඔබේ දරුවන්ගෙන් ඉල්ලා සිටින්න.

• “[යේසුස් ක්‍රිස්තුස්වහන්සේ] වෙතට ප්රාණයන් ගෙන ඒම පිණිස” යන්නෙන් අදහස් කරන්නේ කුමක්ද? අන් අය සමඟ මිතුරන් වීම, මිතුරෙකු සමඟ ශුද්ධලියවිලි බෙදාගැනීම හෝ අවශ්‍යතා ඇති කෙනෙකු වෙනුවෙන් යාච්ඤා කිරීම වැනි අදහස් ලැයිස්තුවක් සෑදීමට ඔබේ දරුවන්ට උපකාර කරන්න. ඔබේ දරුවන්ට සභාවේ සඟරා තුළ මෙම දේවල්වල පින්තූර සෙවිය හැකිය. නැතිනම් තමන්ගේම චිත්‍ර ඇඳීමට හැකිය. ඔවුන් සාදන ලැයිස්තුවෙන් යමක් තෝරා ගැනීමට ඔවුන්ට ආරාධනා කරන්න.

• දහම සහ ගිවිසුම් 17:5–6 කියවීමෙන් පසු, මෝර්මොන්ගේ පොත සත්‍ය බව ඔබ දන්නේ කෙසේදැයි ඔබේ දරුවන්ට කියන්න. අපට මෝර්මොන්ගේ පොතේ සාක්ෂිකරුවන් විය හැක්කේ කෙසේද?

  

  4:58