දහම සහ ගිවිසුම් 6-9

1829 වසන්තයේ දී, ජෝසෆ් ස්මිත් මොර්මොන්ගේ පොත පරිවර්තනය කරගෙන යන අතරතුර, ඔලිවර් කවුඩ්‍රි ඔහුගේ ලියන්නා වීමට ස්වේච්ඡාවෙන් ඉදිරිපත් වුණා. මෙම අත්දැකීම ඔහුව සතුටට පත් කළ අතර, ඔහුටත් එළිදරව් සහ පරිවර්තනය කිරීමේ දීමනාව ලබා ගත හැකිදැයි ඔහු කල්පනා කළා. ඔහුගේ පළමු උත්සාහය සාර්ථක වුණේ නෑ.

ඔබ කවදා හෝ එළිදරව්වක් ලබා ගැනීමට හෝ තේරුම් ගැනීමට වෙහෙස වී ඇත්නම්, සමහර විට ඔබටත් ඔලිවර්ගේ අත්දැකීමට සම්බන්ධ වී එමගින් ඉගෙන ගන්න පුළුවන්. ඔබ දහම සහ ගිවිසුම් 6 8, සහ 9, කියවන විට, ස්වාමින්වහන්සේ ඔලිවර්ට පුද්ගලික එළිදරව් ගැන ඉගැන්වූ දේ සැලකිල්ලට ගන්න. උදාහරණයක් ලෙස:

• තම කැමැත්ත හෙළි කිරීමට පෙර ස්වාමින්වහන්සේ ඔබෙන් බලාපොරොත්තු වන දේ ගැන දහම සහ ගිවිසුම් 6:5–7; 8:1; 9:7–8 යෝජනා කරන්නේ කුමක්ද?

• දහම සහ ගිවිසුම් 6:14–17, 22–24 8:2–3; 9:7–9 වෙතින් එළිදරව් පැමිණිය හැකි විවිධ ආකාර ගැන ඔබ ඉගෙන ගන්නේ මොනවාද? ඔබට එය හඳුනාගත හැක්කේ කෙසේද?

• මෙම කොටස් වලින් ඔබ එළිදරව් ගැන ඉගෙනගන්නා තවත් දේවල් මොනවාද?

ඔලිවර්ගේ අත්දැකීම් හේතු කරගෙන, ඔබට ස්වාමින්වහන්සේ කතා කරන බව ඔබට හැඟෙන අවස්ථා වෙත “ඔබේ මනස යොමු කිරීමට” හැකි වෙන්න පුළුවන් (දහම සහ ගිවිසුම් 6:22). මෙම අත්දැකීම් පිළිබඳ ඔබේ සිතුවිලි හෝ හැඟීම් ඔබ කවදා හෝ වාර්තා කර තිබේද? එසේ නම්, ඔබ ලියූ දේ කියවීම ගැන සලකා බලන්න. එසේ නොවේ නම්, ඔබට මතක ඇති දේ ලිවීම ගැන සලකා බලන්න. මෙම අත්දැකීම්වලින් ඔබට දිගින් දිගටම ශක්තිය ලබා ගත හැකි ආකාරය ගැන සලකා බලන්න. සමහර අදහස් සඳහා, වැඩිහිටි නීල් එල්. ඇන්ඩර්සන්ගේ පණිවිඩය බලන්න “ආත්මිකව නිර්වචනය කළ මතකයන්” (ලියහෝනා, මැයි 2020, 18-22).

ඉදිරි වසරවලදී ජෝසෆ් ස්මිත් “දුෂ්කර තත්වයන්” අත්විඳින බව ස්වාමින්වහන්සේ දැන සිටියා (දහම සහ ගිවිසුම් 6:18). ඔබේ අනාගතයේ ඇති පීඩා මොනවාදැයි උන්වහන්සේ දන්නවා. දහම සහ ගිවිසුම් 6:18-21, 29-37 හි ජෝසෆ් සහ ඔලිවර් වෙත උන්වහන්සේ දුන් උපදේශය තුළ ඔබට උන්වහන්සේ තුළ විශ්වාසය තැබීමට උපකාරවත් වන්නේ කුමක්ද?

ඔබට සිතෙන ආකාරයට “සෑම සිතිවිල්ලකදීම [ක්‍රිස්තුස්වහන්සේ] දෙස බැලීම” යන්නෙන් අදහස් කරන්නේ කුමක්ද? (36 වෙනි පදය). හොඳ කාලවලදී සහ “අපහසු අවස්ථා” තුළ ඔබට මෙය වඩාත් ස්ථාවර ලෙස කරන්නේ කෙසේද? සභාපති රසල් එම්. නෙල්සන්ගේ මෙම උපදෙස සලකා බලන්න: “සෑම සිතිවිල්ලකදීම උන්වහන්සේ දෙස බැලීමට උත්සාහ කිරීම මානසිකව අමාරු වෙන්න පුළුවන්. නමුත් අප එසේ කරන විට, අපගේ සැකයන් සහ බිය පලා යනවා” (“යේසුස් ක්‍රිස්තුස්වහන්සේගේ බලය අපගේ ජීවිතවලට ඇදගැනීම,” ලියහෝනා, 41).

තවත් බලන්න නීල් එල්. ඇන්ඩර්සන්, “මගේ මනස යේසුස් ක්‍රිස්තුස්වහන්සේපිළිබඳ මේ සිතුවිල්ලට නතු වුණා ,” ලියහෝනා, මැයි 2023, 91-94.

අපි සමහර වෙලාවට “යහපත කිරීමට … බිය වන්නේ” ඇයි? (33 වෙනි පදය). ඔබ දහම සහ ගිවිසුම් 6:29–37 හි සොයා ගන්නා යහපත කිරීමට ධෛර්යය ලබා දෙන දේවල් මොනවාද? ක්‍රිස්තුස්වහන්සේ තුළ ධෛර්යය ඇති කර ගැනීමට ඔබව පොළඹවන ගීතිකාවක් ගායනා කිරීම හෝ සවන් දීම ගැන සලකා බලන්න.

6 සහ 7 කොටස් වල “ආශාව” හෝ “ආශාවන්” වැනි වචන කොපමණ වාර ගණනක් දිස්වේදැයි බලන්න. ඔබේ ආශාවන්ට දෙවියන්වහන්සේ දෙන වැදගත්කම ගැන මෙම කොටස්වලින් ඔබ ඉගෙනගන්නේ මොනවාද? දහම සහ ගිවිසුම් 7:1 හි ඇති ස්වාමින්වහන්සේගේ මෙම ප්‍රශ්නය ඔබෙන්ම අසන්න: “නුඹ ආශාවන්නේ කුමක්ද?”

ජෝසෆ් ස්මිත් කළ ආකාරයට පරිවර්තනය කිරීමට ඔලිවර් කවුඩ්‍රිට තිබූ ආශාව ඉටු වූයේ නෑ. ඔබ දහම සහ ගිවිසුම් 9:3, 7–14 කියවන විට ඔබට ලැබුණු, ඔබේ ධර්මිෂ්ඨ ආශාවන් දැනට ඉටු නොවන විට ඔබට උපකාර විය හැකි හැඟීම් මොනවාද?

තවත් බලන්න දහම සහ ගිවිසුම් 11:8.

• ඔලිවර් කවුඩ්‍රි පුද්ගලික එළිදරව් ගැන ඉගෙන ගත් සත්‍යයන්, ඔබේ දරුවන්ට ශුද්ධාත්මයාණන්වහන්සේව හඳුනා ගැනීමේ හැකියාව වර්ධනය කර ගැනීමට උපකාර කළ හැකිය.

  

  3:11

  

• ඔබ දහම සහ ගිවිසුම් 8:2 හි “මනස” සහ “හදවත” යන වචන කියවන විට ඔබේ දරුවන්ට ඔවුන්ගේ හිස සහ පපුව ස්පර්ශ කිරීමට ආරාධනා කළ හැකිය. ශුද්ධාත්මයාණන්වහන්සේ ඔබේ මනසට සහ හදවතට කතා කරන විට එය කෙබඳුදැයි ඔබේ අත්දැකීම්වලින් ඔබේ දරුවන්ට කියන්න. දහම සහ ගිවිසුම් 6:15-16, 22-23; 8:2; 9:7–9 මෙම පද කියවා “ශුද්ධාත්මයාණන්වහන්සේ අපට කතා කරන්නේ කෙසේද?” යන ප්‍රශ්නයට පිළිතුරු සෙවීමට ඔවුන්ට උපකාර කරන්න.

• ස්වාමින්වහන්සේ ජෝසෆ් සහ ඔලිවර්ට මෙසේ පැවසුවා, “කුඩා රැළ, බිය නොවන්න” (දහම සහ ගිවිසුම් 6:34). එම වාක්‍ය ඛණ්ඩය ඔබ සමඟ කිහිප වතාවක් පුනරුච්චාරණය කිරීමට ඔබට ඔබේ දරුවන්ට ආරාධනා කළ හැකිය. ඔවුන් බියට පත් බැටළු රැළක් ලෙස පෙනී සිටීමෙන්ද සතුටක් ලබන්න පුළුවන්. බැටළුවන් බිය විය හැක්කේ මොනවාට ද? එවිට ඔබට සහ ඔබේ දරුවන්ට ගැලවුම්කරුවාණන් එඬේරෙකු ලෙස සිටින පින්තූරයක් දෙස බලා (මෙම දළ සටහනේ අවසානයේ එකක් ඇත) එඬේරෙකු තම බැටළුවන් දෙස බලා සිටින්නාක් මෙන් උන්වහන්සේ අප දෙස බලා සිටින ආකාරය ගැන කතා කළ හැකිය.

• එකට එකතු වී දහම සහ ගිවිසුම් 6:36 කියවීමෙන් පසු, ඔබට සහ ඔබේ දරුවන්ට “සෑම සිතුවිල්ලකදීම [යේසුස් ක්‍රිස්තුස්වහන්සේ] දෙස බැලීම මතක තබා ගැනීමට උපකාර වන චිත්‍ර ඇඳීමට හැකිය. ඔබේ චිත්‍ර එකිනෙකා සමඟ බෙදාගන්න, සහ ඔබේ දරුවන්ට ඒවා නිතර දකින පිණිස තැබිය හැකි ස්ථාන ගැන සිතීමට උදවු කරන්න.