მოძღვრება და აღთქმები 10–11

სატანა ამჯობინებს, დავივიწყოთ მისი არსებობა, ან ვერ შევამჩნიოთ მისი მცდელობები, მოახდინოს ჩვენზე გავლენა (იხ. 2 ნეფი 28:22–23). მაგრამ მოძღვრება და აღთქმები 10 -ში მოცემული უფლის სიტყვები ადასტურებს, რომ სატანა რეალურია და ის მუდმივად ეწინააღმდეგება უფლის საქმეს. მუხლები 1-33-ში დაადგინე, რა იცოდა ღმერთმა სატანის მცდელობებზე (იხ. ასევე მუხლები 62–63). სთხოვე უფალს, დაგეხმაროს სატანის ცდუნების ამოცნობაში. ნაწილი 10-ს კითხვისას დაფიქრდი, როგორ შეუძლია მხსნელს დაგეხმაროს სატანის მცდელობებისთვის წინააღმდეგობის გაწევაში.

ნეფიმ არ იცოდა, რატომ იყო შთაგონებული, გაეკეთებინა ორი ნაკრები თავისი ხალხის ჩანაწერების შესახებ. არც მორმონმა იცოდა, რატომ იყო შთაგონებული, შეეტანა მეორე ნაკრები ოქროს ფირფიტებთან. მაგრამ ორივე წინასწარმეტყველს სჯეროდა, რომ ღმერთს „ბრძნული [მიზანი]“ ჰქონდა (1 ნეფი 9:5; მორმონის სიტყვები 1:7). დღეს, ჩვენ ამ მიზნის ნაწილი მაინც ვიცით — რათა მორმონის წიგნის 116 დაკარგული გვერდი შეცვლილიყო. შენი აზრით, რა სურს უფალს, რომ ამ ყველაფრისგან ისწავლო? წიკითხე მოძღვრება და აღთქმები 10:34–52და იფიქრე აღნიშნულ კითხვაზე. ასევე შეგიძლია შეადგინო იმ ჭეშმარიტებების სია, რომლებსაც ამ მუხლებიდან ისწავლი უფლის შესახებ. როგორ მოქმედებს ეს ჭეშმარიტებები შენს ურთიერთობაზე მასთან? რა შთაბეჭდილებას ახდენს შენზე უფლის სიბრძნე და წინდახედულობა 116 გვერდის დაკარგვისთვის მომზადებისას?

ამან შეიძლება შთაგაგონოს რომ ეძიო მისი სიბრძნისა და წინდახედულობის მტკიცებულება შენს ცხოვრებაში. ჩაინიშნე ეს მაგალითები. როგორ იჩენდა უფალი თავს შენს ცხოვრებაში? მაგალითად, რა „დამთხვევები“ მოამზადა მან? რა საძირკველი ჩაუყარა მან შენს კურთხევებს? როდის მიგიყვანა ადამიანთან, რომელსაც შენი მზრუნველობა სჭირდებოდა?

ასევე იხ. რომაელთა 8:28; მოძღვრება და აღთქმები 90:24; Topics and Questions [თემები და კითხვები], „Plan of Salvation [ხსნის გეგმა]“, Gospel Library [სახარების ბიბლიოთეკა].

ჯოზეფის უფროს ძმას, ჰაირამს, სურდა გაეგო უფლის ნება მისთვის, ამიტომ სთხოვა ჯოზეფს, მის ნაცვლად ეძია გამოცხადება. წინასწარმეტყველი სიამოვნებით გააკეთებდა ამას, მაგრამ ამ გამოცხადების სულ მცირე ერთი გზავნილი ისაა (მოძღვრება და აღთქმები 11), რომ ჰაირამს თავადაც შეეძლო ეძია გამოცხადება. და ეს შეუძლია „ყველას, ვისაც აქვს კეთილი ზრახვები და მოსავლის მოსამკავად აქვს მოქნეული ნამგალი“ (მუხლი 27). როდესაც კითხულობ ნაწილი 11-ს, შენი აზრით, რას გასწავლის უფალი პირადი გამოცხადების შესახებ? როგორ უკავშირდება ეს იმას, რაც მან ოლივერ ქაუდერის ასწავლა 6–9 ნაწილები-ში? სხვა რა გზავნილი აქვს მას შენთვის?

მორმონის წიგნის თარგმნის დასრულებამდეც კი, ჰაირამ სმითს ძალიან სურდა, აღდგენის საქმეში დახმარება გაეწია. მას შემდეგ, რაც წაიკითხავ უფლის პასუხს მის სურვილებზე, დაფიქრდი, რას ნიშნავს შენთვის „მიიღო [ღვთის] სიტყვა“ (მუხლი 21). როგორ დაგეხმარება ღვთის სიტყვის მიღება იმაში, რომ მას ემსახურო სიძლიერით?

• შენი ბავშვებისთვის ამ მუხლის წარსადგენად, შეგიძლია ჰკითხო მათ ისეთ რამეზე, რასაც „ყოველთვის“ აკეთებენ. მოძღვრება და აღთქმები 10:5-ის მიხედვით, რას ამბობს უფალი, რა უნდა ვაკეთოთ ყოველთვის? რატომ სურს მას, რომ ეს ვაკეთოთ?

• როგორ დაეხმარები შენს ბავშვებს, რომ ყოველთვის ახსოვდეთ ლოცვა? იქნებ ქვები შეაგროვონ და ზედ დაახატონ „მოძღვრება და აღთქმები 10:5“ ან „ყოველთვის ილოცე“. მათ შეუძლიათ, ქვები სხვადასხვა ადგილას დაალაგონ, სადაც ეს მათ შეახსენებს ლოცვას, მაგალითად საწოლთან, სკოლის წიგნებთან, სასადილო ოთახში. მოძღვრება და აღთქმები 10:5-ს მიხედვით, როგორ გვაკურთხებს უფალი ლოცვის დროს? ბავშვებს შეუძლიათ მეტი ინფორმაციის მიღება სიმღერაში.

• ბავშვებმა შეიძლება ისწავლონ სულიწმინდის ამოცნობა, როცა ის მათ ესაუბრება. მათ რომ დაეხმარო, დამალე ოთახში ნათურა ან სანათი და სურათი, რომელზეც ბედნიერი სახეა გამოსახული; შემდეგ კი, სთხოვე ბავშვებს, იპოვონ ეს ნივთები. წაიკითხე მოძღვრება და აღთქმები 11:13და დაეხმარე ბავშვებს, დაასახელონ სიტყვები, რომელიც ნაპოვნ ნივთებს შეესაბამება. რას გვასწავლის ეს სიტყვები იმაზე, თუ როგორ გვეხმარება სულიწმინდა?

• შენი სულიერი გამოცდილების გაზიარება დაეხმარება ბავშვებს, ამოიცნონ სულიწმინდის გავლენა თავიანთ ცხოვრებაში. გაზიარების დროს, სთხოვე ბავშვებს, თავადაც გააზიარონ თავიანთი გამოცდილება. ერთად წაიკითხეთ მოძღვრება და აღთქმები 11:12–13და მოძებნეთ, როგორ შეგვიძლია ამოვიცნოთ, როცა სულიწმინდა გვაჩვენებს გზას. დაამოწმე, რომ ზეციურ მამას სურს, რომ სულიწმინდის მეშვეობით მიგვიძღოდეს წინ.

• ჰაირამ სმითის მსგავსად, შენს ბავშვებსაც უამრავი შესაძლებლობა ექნებათ, რათა სხვებს გაუზიარონ სახარება. ერთად წაიკითხეთ მოძღვრება და აღთქმები 11:21, 26 და სთხოვე ბავშვებს, იპოვონ, რა უთხრა უფალმა ჰაირამს, რისი გაკეთების შემდეგ შეეძლო სახარების სწავლება. რას ნიშნავს „მიიღო“ ღვთის სიტყვა? როგორ გავაკეთოთ ეს? როგორ „დავიუნჯოთ“ გულში ღვთის სიტყვა? შესაძლოა შენმა ბავშვებმა გაითამაშონ და გაუზიარონ სხვას რაიმე იესო ქრისტეზე ან მორმონის წიგნზე.