მოძღვრება და აღთქმები 6–9

1829 წლის გაზაფხულზე, ოლივერ ქაუდერი მოხალისედ გამოცხადდა ჯოზეფ სმითის მწერლად მორმონის წიგნის თარგმნის საქმეში. ამ გამოცდილებამ ის აღაფრთოვანა და აინტერესებდა, შეძლებდა თუ არა, თავადაც მიეღო გამოცხადება და თარგმნის ძღვენი. თუმცა, მისი პირველი ცდა უშედეგოდ დასრულდა.

თუ ოდესმე გიჭირდა გამოცხადების მიღება ან გაგება, შეიძლება შენი გამოცდილება დაუკავშირო ოლივერის გამოცდილებას და მისგან ისწავლო. მოძღვრება და აღთქმები 6, 8და 9-ს წაკითხვისას, დააკვირდი, რა ასწავლა უფალმა ოლივერს პირადი გამოცხადების შესახებ. მაგალითად:

• რას გვეუბნება შემდეგი ნაწყვეტები — მოძღვრება და აღთქმები 6:5–7; 8:1; 9:7–8, რას მოითხოვს უფალი ჩვენგან, სანამ საკუთარ ნებას გაგვიმხელს?

• რას სწავლობ შემდეგი წყაროებიდან — მოძღვრება და აღთქმები 6:14–17, 22–24; 8:2–3; 9:7–9 გამოცხადების მიღების სხვადასხვა გზებზე? როგორ შეგიძლია მისი ამოცნობა?

• კიდევ რას სწავლობ გამოცხადებაზე წინამდებარე ნაწილებიდან?

ოლივერის გამოცდილების გამო შესაძლოა „გაიხსენ[ო]“ მომენტები, როცა იგრძენი, რომ უფალი გესაუბრებოდა (მოძღვრება და აღთქმები 6:22). ჩაგინიშნავს შენი აზრები ან შეგრძნებები ამ გამოცდილებების შესახებ? თუ ჩაგინიშნავს, გადახედე ჩანაწერებს. თუ არა, გამოყავი დრო და დაწერე რაც გახსოვს. იფიქრე იმაზე, თუ როგორ შეგიძლია გააგრძელო ამ გამოცდილებიდან ძალის მიღება.

ეკლესიის რამდენიმე ხელმძღვანელმა გააზიარა თავისი გამოცდილება გამოცხადებასთან დაკავშირებით ვიდეო კრებულში „უსმინეთ მას“. ამ ვიდეოდან ერთის ან მეტის ნახვის შემდეგ, შესაძლოა მიიღო შთაგონება, ჩაწერო საკუთარი გამოცდილება იმაზე, თუ როგორ გელაპარაკებოდა უფალი.

ასევე იხილე “Oliver Cowdery’s Gift,” Revelations in Context-ში, 15–19.

უფალმა იცოდა, რომ ჯოზეფ სმითს უნდა განეცადა „მძიმე პირობები“ მომავალ წლებში (მოძღვრება და აღთქმები 6:18). მან ასევე იცის, რა განსაცდელები გელის მომავალში. რა იპოვე უფლის დარიგებაში ჯოზეფსა და ოლივერს, რომელიც მოცემულია შემდეგ წყაროში: მოძღვრება და აღთქმები 6:18–21, 29–37 რაც გეხმარება ენდო მას?

შენი აზრით, რას ნიშნავს „დაეყრდენით [ქრისტეს] ყოველ ფიქრში“? (მუხლი 36). როგორ შეგიძლია ამის გაკეთება უფრო თანმიმდევრულად — კარგ პერიოდში და „მძიმე პირობებში“? იფიქრე პრეზიდენტ რასელ მ. ნელსონის დარიგებაზე: „გონებრივად ძალიან რთულია ცდილობდე, დაეყრდნო მას ყოველ ფიქრში. თუმცა, როცა ამას ვახერხებთ, ჩვენი ეჭვები და შიში სადღაც ქრება“ (“Drawing the Power of Jesus Christ into Our Lives,” Liahona, 41).

იხ. ასევე ნილ ლ. ანდერსენი: „ჩემი გონება ჩაეჭიდა ფიქრს იესო ქრისტეს შესახებ“, Liahona, მაისი, 2023 წ., 91–94.

ზოგჯერ რატომ „[გვეშინია] სიკეთის კეთების“? (მუხლი 33). რას პოულობ მოძღვრება და აღთქმები 6:29–37 -ში რაც სიკეთის კეთებისკენ გიბიძგებს? იმღერე ან მოუსმინე საგალობელს, რომელიც შთაგაგონებს იყო მხნედ ქრისტეში, მაგალითად, „მოდით, განვაგრძოთ” (საგალობლები, გვ. 10).

დააკვირდი, რამდენჯერ არის ნახსენები სიტყვები „ისრუვებ“, „სურვილი“ მე-6 და მე-7 ნაწილში. რას სწავლობ ამ ნაწილებიდან იმის შესახებ, თუ რა მნიშვნელობას ანიჭებს ღმერთი შენს სურვილებს? საკუთარ თავს დაუსვი უფლის შეკითხვა მოძღვრება და აღთქმები 7:1-დან: „რა გსურს“?

ოლივერ ქაუდერის ერთ-ერთი სამართლიანი სურვილი — ეთარგმნა ისე, როგორც ამას ჯოზეფ სმითი აკეთებდა — არ შესრულდა. როდესაც კითხულობ მოძღვრება და აღთქმები 9:3, 7–14-ს, რა შთაბეჭდილებებს იღებ, რაც შეიძლება დაგეხმაროს, როცა შენი სამართლიანი სურვილები ამ ეტაპზე შეუსრულებელი რჩება?

ასევე იხ. მოძღვრება და აღთქმები 11:8.

• ჭეშმარიტება, რომელიც ოლივერ ქაუდერიმ შეიტყო პირად გამოცხადებაზე, დაეხმარება შენს ბავშვებს, როდესაც ისინი სულიწმინდის ამოცნობის უნარს განავითარებენ. გაუზიარეთ ერთმანეთს, ისტორიის რომელი ნაწილი მოგეწონათ. ამავე დროს, ხაზი გაუსვი იმას, რაც უფალმა ასწავლა ოლივერს იმის შესახებ, თუ როგორ გაიგონოს ღვთის ხმა და წაიკითხე შესაბამისი მუხლები, მაგალითად, მოძღვრება და აღთქმები 6:23 ან 9:7–9.

  

  3:11

  

• ასევე შეგიძლია სთხოვო ბავშვებს, შეეხონ საკუთარ თავსა და მკერდს, როდესაც წაიკითხავ სიტყვებს „გონება“ და „გული“ მოძღვრება და აღთქმები 8:2-ში. უთხარი ბავშვებს, შენი გამოცდილებით, როგორია, როცა სულიწმინდა გონებასა და გულში გესაუბრება. დაეხმარე, იპოვონ პასუხები კითხვაზე — „როგორ გვესაუბრება სულიწმინდა“? შემდეგ მუხლებში: მოძღვრება და აღთქმები 6:15–16, 22–23; 8:2; 9:7–9.

• უფალმა ჯოზეფს და ოლივერს უთხრა: „ნუ გეშინია, პატარა სამწყსოვ“ (მოძღვრება და აღთქმები 6:34). სთხოვე ბავშვებს, ეს ფრაზა რამდენჯერმე გაიმეორონ შენთან ერთად. შეიძლება მოეწონოთ და გაითამაშონ სამწყსო ან შეშინებული ცხვარი. რისი ეშინია ცხვარს? შემდეგ, შეხედე სურათს შენს ბავშვებთან ერთად, სადაც გამოსახულია ჩვენი მხსნელი, როგორც მწყემსი (ერთ-ერთი მოცემულია ამ მონახაზის ბოლოში) და ისაუბრეთ, თუ როგორ ზრუნავს ის ჩვენზე, როგორც მწყემსი ცხვრის ფარაზე.

• ჩართე ან იმღერე სიმღერა ქრისტეში გამბედაობის პოვნაზე, მაგალითად: „მოდით, განვაგრძოთ” (საგალობლები, გვ. 10). რას გვასწავლის სიმღერა, როგორ გვეხმარება ჩვენი მხსნელი, რომ არ გვეშინოდეს?

• მოძღვრება და აღთქმები 6:36--ის წაკითხვის შემდეგ, შენს ბავშვებთან ერთად დახატე, რათა დაიმახსოვროთ, რომ უნდა „[დაეყრდნოთ იესო ქრისტეს] ყოველ ფიქრში“. ნახატები ერთმანეთს გაუზიარეთ და ადგილი მოუძებნეთ, რათა ბავშვებმა ხშირად შეხედონ.