දහම සහ ගිවිසුම් 2; ජෝසෆ් ස්මිත්—ඉතිහාසය 1:27–65

ජෝසෆ් ස්මිත් ලවා කරවාගැනීමට කිරීමට දෙවියන්වහන්සේට කාර්යයක් තිබූ බව විශ්වාස කිරීම එක දෙයකි—අපට ඔහුගේ ජීවිතය දෙස ආපසු හැරී ඔහු ඉටු කරගත් දේ පැහැදිලිව දැකගන්න පුළුවන්. නමුත් දෙවියන්වහන්සේට ඔබ ලවා කරවාගැනීමට කාර්යයක් ඇති බව ඔබ කවදා හෝ සිතුවාද? ඔබ ජෝසෆ් ස්මිත්—ඉතිහාසය 1:27–33 කියවන විට, එම කාර්යය කුමක් විය හැකිදැයි සිතන්න. ගැලවුම්කරුවාණන්ගේ ශුභාරංචිය අඛණ්ඩව නැවත පිහිටුවීමට එය දායක වන්නේ කොහොමද?

වැඩිහිටි ගැරී ඊ. ස්ටීවන්සන් මෙසේ ඉගැන්වුවා: “අපි ක්‍රිස්තුස්වහන්සේ වෙතට පැමිණ අන් අයටත් ඒ දේ කිරීමට උදව් කරන විට, දිව්‍යමය වශයෙන් නියම කරන ලද වගකීම් කෙරෙහි අවධානය යොමුකරන දෙවියන්වහන්සේගේ ගැලවීමේ හා උත්කර්ෂවත් කිරීමේ කාර්යයට අපි සහභාගී වෙනවා. … මෙම වගකීම් සරල, ආශ්වාදජනක, පොළඹවන සුළු සහ කළ හැකි දේවල්. එම දේවල් මෙන්න:

• යේසුස් ක්‍රිස්තුස්වහන්සේගේ ශුභාරංචිය අනුව ජීවත්වීම

• අවශ්‍යතා ඇති අයව රැකබලා ගැනීම

• ශුභාරංචිය ලබාගැනීමට සැමට ආරාධනා කිරීම

• සදාකාලිකත්වය සඳහා පවුල් එකමුතු කිරීම” (“සරලව අලංකාරයි—අලංකාර ලෙස සරලයි,” ලියහෝනා, නොවැම්බර් 2021, 47).

දිව්‍යමය වශයෙන් පත් කරන ලද මෙම එක් එක් වගකීම්වලට සහභාගී වීමෙන් ඔබ ලැබූ අත්දැකීම් ගැන මෙනෙහි කරන්න. ගැලවුම්කරුවාණන් බලාපොරොත්තු වන්නේ ඔබ මීළඟට කුමක් කරයි කියාද?

ඔබ කළ වැරදි නිසා ස්වාමින්වහන්සේට ඔබව භාවිතා කළ නොහැකි බව සමහර විට ඔබට හැඟෙන්න පුළුවන්. ජෝසෆ් ස්මිත්—ඉතිහාසය 1:28–29 හි ජෝසෆ් ස්මිත්ගේ අත්දැකීමෙන් ඔබ ඉගෙන ගන්නේ කුමක්ද? ඔබේ “[දෙවියන්වහන්සේ] ඉදිරියෙහි සිටීම” ඔබට දැනගත හැක්කේ කෙසේද?

බලන්න; “ගැලවීමේ සහ උසස් කිරීමේ කාර්යය,” ප්‍රධාන අත්පොත, 1.2.

3:15

මොරෝනි ජෝසෆ් ස්මිත්ට පෙනී සිටි විට, ඔහු යෙසායා 11 වැනි පරණ සහ අලුත් ගිවිසුමේ අනාවැකි කිහිපයක් උපුටා දැක්වූවා; ක්‍රියා 3:22–23; සහ යෝවෙල් 2:28–32. ඔබ ජෝසෆ් ස්මිත්—ඉතිහාසය 1:34–47 කියවන විට, ජෝසෆ් මෙම අනාවැකි දැන ගැනීම වැදගත් වූයේ මන්දැයි සිතා බලන්න. ඔබ ඒවා දැනගැනීම වැදගත් වන්නේ ඇයි?

“ශ්‍රේෂ්ඨ මහිමයේ දෙවියන්වහන්සේගේ බලය සමඟ” (ලියාහෝනා, නොවැම්බර් 2021, 28) හි ජෝසෆ් ස්මිත් වෙත මොරෝනිගේ පළමු බැහැදැකීම ගැන වැඩිහිටි ඩේවිඩ් ඒ. බෙඩ්නර් ඉගැන්වූ දේ ද ඔබට කියවිය හැකිය.

13:17

ජෝසෆ් මුලින්ම රන් තහඩු දකින විට ඔහුට වයස අවුරුදු 17 කි. කෙසේ වෙතත්, වසර හතරක් පසුවන තුරු ඒවා ඔහුගේ රැකවරණය සඳහා භාර දුන්නේ නැත. එම කාලය තුළ ජෝසෆ්ගේ ජීවිතයේ සිදුවූයේ කුමක්දැයි සොයමින් ජෝසෆ් ස්මිත්—ඉතිහාසය 1:48–60 කියවන්න. ඔබ සිතන ආකාරයට දෙවියන්වහන්සේ ඔහු ලවා කරවාගැනීමට ඔහුව කැඳවූ කාර්යයන් සඳහා ඔහුව සූදානම් කළේ කෙසේද? දෙවියන්වහන්සේට සහ අන් අයට සේවය කිරීමට ඔබව සූදානම් කළ, ඔබට ඇති අත්දැකීම් මොනවාද? අනාගත සේවය සඳහා සූදානම් වීමට ඔබට උපකාර කළ හැකි ඔබ දැනට අත්දකිමින් සිටින දේවල් මොනවාද?

මෙම කොටසේ ඇති “සිටුවීම,” “හදවත” සහ “හැරීම” වැනි වචන එලයිජාගේ මෙහෙවර සහ ඔහු නැවත පිහිටුවන ලද පූජකත්ව යතුරුවල ආශීර්වාද ගැන ඔබට උගන්වන්නේ මොනවාද? ඔබේ හදවත ඔබේ මුතුන් මිත්තන් දෙසට හැරෙන බව ඔබට දැනී ඇත්තේ කෙසේද? ඔබට එවැනි හැඟීම් නිතර අත්විඳිය හැකි ආකාර ගැන සිතන්න. ඔබේ මුතුන් මිත්තන්ව සෙවීම සහ දේවමාළිගාවේ ඔවුන් වෙනුවෙන් නියෝග ඉටු කිරීම එක් ආකාරයකි (FamilySearch.orgබලන්න). ඔබට සිතිය හැකි වෙනත් දේවල් මොනවාද?

තවත් බලන්න දහම සහ ගිවිසුම් 110:13–16; ගෙරිට් ඩබ්ලිව්. ගොං, “සතුටින් සහ සදහටම,” ලියහෝනා, නොවැම්බර් 2022, 83-86.

• ජෝසෆ් ස්මිත් කළාක් මෙන් අපි සියලු දෙනාටම සමහර විට “[අපගේ] දුර්වලකම් සහ අසම්පූර්ණත්වය පිළිබඳව දෝෂ සහිත බවක්” හැඟෙන්නට පුළුවන්. ජෝසෆ්ට එසේ හැඟුණු විට ඔහු කළේ කුමක්දැයි සොයමින්, ඔබට සහ ඔබේ දරුවන්ට ජෝසෆ් ස්මිත්—ඉතිහාසය 1:29 එකට අධ්‍යයනය කරන්න පුළුවන්. ඔහුගේ ආදර්ශයෙන් අපට ඉගෙනගත හැකි අපි වැරදි කරන විට අපට උපකාර කළ හැකි දේවල් මොනවාද? ජෝසෆ් පරිපූර්ණ නොවූවත් ඔහුව දෙවියන්වහන්සේ විසින් කැඳවනු ලැබූ බව දැනගැනීම වැදගත් වන්නේ ඇයි?

• ජෝසෆ් ස්මිත්—ඉතිහාසය 1:27–54 හි ඇති මොරෝනිගේ පැමිණීම් පිළිබඳ විස්තරය පවසන විට, ඔබේ දරුවන්ට ජෝසෆ් ස්මිත් ලෙස රඟපෑමෙන් විනෝද විය හැකිය. නිදසුනක් වශයෙන්, ඔවුන්ට යාච්ඤා කරන ආකාරයට තම දෑත් බැඳගෙන සිටීමට හෝ කුමෝරා කන්ද තරණය කරන ලෙස රඟපෑමට හැකිය. එවිට දෙවියන්වහන්සේ ජෝසෆ් ස්මිත්ව කැඳවූයේ කුමක් කිරීමටද යන්න සහ එහි ප්‍රතිඵලයක් ලෙස අප ආශිර්වාද ලබන ආකාරය ගැන කතා කරන ලෙස ඔබට ඔවුන්ගෙන් ඉල්ලා සිටිය හැකිය. නිදසුනක් වශයෙන්, ජෝසෆ් ස්මිත් මොර්මොන්ගේ පොත පරිවර්තනය කළ නිසා අප ආශිර්වාද ලබා ඇත්තේ කෙසේද? ස්වර්ගීය පියාණන්වහන්සේට සහ යේසුස් ක්‍රිස්තුස්වහන්සේට සමීප වීමට ඔහුගේ සේවය අපට උපකාර කර ඇත්තේ කෙසේද?

  

  2:29

• සමහර විට ඔබ සහ ඔබේ දරුවන් දේවමාළිගාවකදී ඔබ ලබාගත් පවුලේ පින්තූරයක් ඇතුළුව ඔබේ පවුලේ පින්තූර කිහිපයක් නැරඹීමෙන් සතුටක් ලබනු ඇත. එවිට ඔබට දහම සහ ගිවිසුම් 2 කියවා අපට දේවමාළිගා තිබෙන්නේ ඇයි සහ ස්වර්ගීය පියාණන්වහන්සේට පවුල් සදහටම එකට සිටීම අවශ්‍ය වන්නේ ඇයිද යන්න පිළිබඳව ඔබේ අදහස් එකිනෙකා සමඟ බෙදා ගත හැකිය.

• පවුල් ඉතිහාසය ගැන දරුවන් උද්යෝගිමත් විය හැකි අතර, එමගින් ඔවුන්ට ප්‍රීතියක් විඳිය හැකිය. ඔවුන්ට උපකාර කිරීම සඳහා, ඔබට ඔබේ මුතුන් මිත්තන්ගේ කථා හෝ පින්තූර බෙදා ගත හැකිය. ඔබේ දරුවන් සමඟ ඔවුන්ගේ මුතුන් මිත්තන්ගේ කුඩා කාලයේ ජීවිතය කෙබඳුද යන්න ගැන කතා කරන්න. ඔබේ දරුවන්ට FamilySearch.org/discovery හි සමහර පවුල් ඉතිහාස ක්‍රියාකාරකම් භුක්ති විඳිය හැකිය.