යේසුස් ක්‍රිස්තුස්වහන්සේගේ ශුභාරංචියේ පූර්ණත්වය නැවත පිහිටුවීම

ඔබේ මතය අනුව, නැවත පිහිටුවීම පිළිබඳ ප්‍රකාශයක් දෙවියන්වහන්සේගේ ප්‍රේමය පිළිබඳ ප්‍රකාශයකින් ආරම්භ වන්නේ ඇයි? ඔබ මෙම ප්‍රකාශය අධ්‍යයනය කරන විට, “ලෝකයේ සෑම ජාතියකම සිටින දෙවියන්වහන්සේගේ දරුවන්ට” උන්වහන්සේ දක්වන එම ප්‍රේමයේ ප්‍රකාශයන් සොයන්න. ශුභාරංචිය නැවත පිහිටුවීම උන්වහන්සේගේ ආදරය දැනීමට ඔබට උපකාර වී ඇත්තේ කෙසේ ද?

තවත් බලන්න ජෙරිට් ඩබ්. ගොන්ග්, “සියලු ජාතීන්, වර්ගයන්, සහ භාෂාවන්,” ලියහෝනා, නොවැම්බර් 2020, 38-41.

ගැලවුම්කරුවාණන් තම ශුභාරංචිය නැවත පිහිටුවීම ආරම්භ කළේ ප්‍රශ්නයකට පිළිතුරු දීමෙන් බව පැවසිය හැක. ඔබට සිතෙන ආකාරයට දෙවියන්වහන්සේ ගැන, ශුභාරංචිය ගැන හෝ “ඔහුගේ [හෝ ඇයගේ] ආත්මයේ ගැළවීම ගැන” ප්‍රශ්න ඇති පුද්ගලයෙකුට නැවත පිහිටුවීමේ ප්‍රකාශය තුළ ඇති පණිවිඩය කුමක්ද? ශුභාරංචි ප්‍රශ්නවලට පිළිතුරු සෙවීම ගැන ජෝසෆ් ස්මිත්ගෙන් ඔබට ඉගෙන ගත හැකි දේවල් ගැන බැලීමට ඔබට ජෝසෆ් ස්මිත්-ඉතිහාසය 1:5-20 අධ්‍යයනය කළ හැක.

ජෝසෆ් ස්මිත් හරහා ගැලවුම්කරුවාණන් නැවත පිහිටවූ “ක්‍රිස්තුස්වහන්සේගේ නව ගිවිසුමේ සභාව” ගැන ඔබ දන්නේ මොනවාද? මෙම ශුද්ධලියවිලි පාඨ අධ්‍යනය කිරීම සහ උන්වහන්සේගේ සභාවේ සමහර විශේෂාංග ලැයිස්තුගත කිරීම ගැන සලකා බලන්න:

• මතෙව් 16:15–19

  සටහනක් නිර්මාණය කරන්න

• මාර්ක් 16:15–18

  සටහනක් නිර්මාණය කරන්න

• ලූක් 6:12–13

  සටහනක් නිර්මාණය කරන්න

• ක්‍රියා 4:34–35

  සටහනක් නිර්මාණය කරන්න

• 1 කොරින්ති 15:29

  සටහනක් නිර්මාණය කරන්න

• එපීස 4:11–15

  සටහනක් නිර්මාණය කරන්න

ඊළඟට, ඔබට ඉහත සඳහන් ශුද්ධලියවිලි, යේසුස් ක්‍රිස්තුස්වහන්සේ ජෝසෆ් ස්මිත් හරහා උන්වහන්සේගේ සභාවේ එම අංග නැවත පිහිටුවීම කළ ආකාරය විස්තර කරන පහත සඳහන් ශුද්ධලියවිලි සමග ගැළපිය හැකිය:

• දහම සහ ගිවිසුම් 18:37–38; 107:23–24

  සටහනක් නිර්මාණය කරන්න

• දහම සහ ගිවිසුම් 51:3; 70:14

  සටහනක් නිර්මාණය කරන්න

• දහම සහ ගිවිසුම් 84:64–72

  සටහනක් නිර්මාණය කරන්න

• දහම සහ ගිවිසුම් 110:11–16

  සටහනක් නිර්මාණය කරන්න

• දහම සහ ගිවිසුම් 124:31, 36

  සටහනක් නිර්මාණය කරන්න

• ඇදහිල්ලේ කරුණු 1:6

  සටහනක් නිර්මාණය කරන්න

යේසුස් ක්‍රිස්තුස්වහන්සේගේ ශුභාරංචිය නැවත පිහිටුවීම ගැන ඔබ කෘතඥ වන්නේ ඇයි?

සභාව නැවත පිහිටුවීමට පෙර ඔවුන් ජීවත් වූවා නම් ඔවුන්ට හැඟෙන්නට තිබූ දේ සිතා ගැනීමට වැඩිහිටි ජෙෆ්රි ආර්. හොලන්ඩ් සහ ඔහුගේ බිරිඳ වරක් උත්සාහ කළා. “අපිට මොනවා තිබුනා නම් හොඳයි ද?” ඔවුන් ඔවුන්ගෙන්ම අසා ගත්තා. “බලාපොරොත්තුවේ පරිපූර්ණ දීප්තියක්” (ලියහෝනා, මැයි 2020, 81-82) හි ඇති ඔවුන්ගේ අත්දැකීම් ගැන කියවන්න. ඔබේ අධ්‍යාත්මික බලාපොරොත්තු ඉටු කරගැනීමට නැවත පිහිටුවීම උපකාර වී ඇත්තේ කෙසේ ද?

ශුභාරංචිය නැවත පිහිටුවීමේ කොටසක් ලෙස ඔබ කවදා හෝ ඔබ ගැනම සිතා තිබේද? සභාපති ඩියේටර් එෆ්. උක්ඩෝර්ෆ්ගේ මෙම වචන සලකා බලන්න: “සමහර විට අපි සිතන්නේ ශුභාරංචිය නැවත පිහිටුවීම සම්පූර්ණ වී ඇති, දැනටමත් අපට පිටුපසින් ඇති දෙයක් ලෙසයි. … යථාර්ථය නම්, නැවත පිහිටුවීම අඛණ්ඩ ක්‍රියාවලියකි; අපි දැන් ඒ තුළ ජීවත් වෙමින් සිටින්නෙමු” (“Are You Sleeping through the Restoration?,” Liahona, May 2014, 59).

1800 ගණන්වල ශුභාරංචිය නැවත පිහිට වූ ආකාරය අධ්‍යයනය කිරීමට ඔබ සූදානම් වන විට, එය ඔබේ ජීවිතය තුළ නැවත පිහිටුවාගෙන ඇති ආකාරය ගැන මෙනෙහි කිරීමෙන් ඔබට ආරම්භ කළ හැකිය. මෙවැනි ප්‍රශ්න මනසේ තබාගෙන නැවත පිහිටුවීමේ ප්‍රකාශය කියවන්න: මෙය සත්‍ය බව මම දැනගන්නේ කොහොමද? මම වර්තමානයේ නැවත පිහිටුවීමට සහභාගී වන්නේ කොහොමද?

“ස්වර්ගයන් විවෘතයි” යන වාක්‍ය ඛණ්ඩයෙන් ඔබට අදහස් වන්නේ කුමක් ද? ස්වර්ගයන් සැබවින්ම විවෘතව ඇති බවට—නැවත පිහිටුවීමේ ප්‍රකාශය තුළ, වර්තමාන සභාව තුළ, ශුද්ධලියවිලිවල, සහ ඔබේ ජීවිතය තුළ—ඔබ දකින සාක්ෂි මොනවා ද?

තවත් බලන්න ක්වින්ටින් එල්. කුක්, “අනාගතවක්තෘවරුන්ට අඛණ්ඩව එළිදරව් සහ අපගේ ජීවිත මෙහෙයවීම සඳහා පුද්ගලික එළිදරව් ලැබීමේ ආශිර්වාදය,” ලියහෝනා,, 2020 මැයි, 96–100.

• ඔබ ඔබේ දරුවන් සමග නැවත පිහිටුවීමේ ප්‍රකාශය තුළ ඇති කොටස් කියවන විට, “අපි ප්‍රකාශ කරමු,” “අපි සඳහන් කරමු,” හෝ “අපි සාක්ෂි දෙමු” වැනි වාක්‍ය ඛණ්ඩවලින් ආරම්භ වන වාක්‍ය සොයා ගැනීමට ඔවුන්ට උපකාර කරන්න. අපගේ අනාගතවක්තෘවරුන් සහ ප්‍රේරිතවරුන් ප්‍රකාශ කරන සත්‍යයන් මොනවාද? සමහර විට ඔබට සහ ඔබේ දරුවන්ට මෙම සත්‍යයන් සමහරක් පිළිබඳ ඔබේම සාක්ෂි බෙදාගන්න පුළුවන්.

  

  6:0

• ගැලවුම්කරුවාණන්ගේ ශුභාරංචිය නැවත පිහිටුවීමට තුඩු දුන් ජෝසෆ් ස්මිත්ට තිබූ ප්‍රශ්න කිහිපයක් ගවේෂණය කිරීමට ඔබේ දරුවන් කැමති වෙන්නට පුළුවන්. ජෝසෆ් ස්මිත්—ඉතිහාසය 1:10, 29, 68 හි උදාහරණ කිහිපයක් සොයා ගැනීමට ඔවුන්ට උපකාර කරන්න. ජෝසෆ් ස්මිත්ගේ ප්‍රශ්නවලට දෙවියන්වහන්සේ පිළිතුරු දුන් නිසා අද අපි ආශිර්වාද ලබා ඇත්තේ කෙසේ ද?

• ඔබේ දරුවන්ට තිබෙන ප්‍රශ්න ගැන කතා කිරීමට ඔබට ඔවුන්ට අවස්ථාවක් ලබා දිය හැකියි. පිළිතුරු සොයාගන්නා ආකාරය ගැන ජෝසෆ් ස්මිත්ගෙන් අප ඉගෙන ගන්නේ මොනවාද? (ජෝසෆ් ස්මිත්—ඉතිහාසය 1:8-17).

• ජෝසෆ්ට උපදෙස් දීමට පැමිණි “ස්වර්ගයේ පණිවිඩකරුවන්” කවුද? මෙම සෑම පණිවිඩකරුවෙකුම “යේසුස් ක්‍රිස්තුස්වහන්සේගේ සභාව නැවත පිහිටුවීමට” උපකාර කළේ කෙසේ ද? මෙම ප්‍රශ්නයට පිළිතුරු දීමට මෙම සතියේ ක්‍රියාකාරකම් පිටුවේ යෝජනා කර ඇති ශුද්ධලියවිලි පද ඔබේ දරුවන්ට උපකාරී වෙන්න පුළුවන්.

• ගැලවුම්කරුවාණන්ගේ සභාව නැවත පිහිටුවීම යන්නෙන් අදහස් කරන්නේ කුමක් ද යන්න තේරුම් ගැනීමට ඔබට ඔබේ දරුවන්ට උපකාර කළ හැක්කේ කෙසේ ද? සමහරවිට ඔවුන්ට සෙල්ලම් කුට්ටි හෝ කෝප්ප යොදාගෙන සරල කුළුණක් ගොඩනැගීමට හෝ “නැවත නැවතත් ගොඩනගන්නට” පුළුවන්. එසේත් නැතිනම්, ඔබේ දරුවන්ට යම් දෙයක් නැතිවී ඇති හෝ හානි වී ඇති නිසා එය ඔවුන්ට නැවත ලබාගැනීමට සිදු වී ඇත්නම්, ඔබට එම අත්දැකීම ගැලවුම්කරුවාණන් උන්හන්සේගේ සභාව නැවත පිහිටුවීම හා සසඳන්න පුළුවන්. ගැලවුම්කරුවාණන් නැවත පිහිටුවීම කළ නැවත පිහිටුවීමේ ප්‍රකාශයේ සඳහන් විශේෂිත දේවල් සොයා ගැනීමට ඔවුන්ට උපකාර කරන්න.

• “ස්වර්ගයන් විවෘතයි” යන වාක්‍ය ඛණ්ඩයේ තේරුම නිදර්ශනය කිරීම සඳහා, සමහර විට ඔබට ඔබේ දරුවන් සමග පණිවිඩයක් බෙදා ගත හැකිය, පළමුව වසා ඇති දොරක් පිටුපස සිටිමින් සහ පසුව විවෘත දොරක් පිටුපස සිටිමින් එම පණිවිඩය බෙදාගන්න. ඔවුන්ටත් මාරුවෙන් මාරුවට පණිවිඩයක් බෙදා ගැනීමට ඉඩ දෙන්න. යේසුස් ක්‍රිස්තුස්වහන්සේ අප වෙනුවෙන් ලබාදෙන පණිවිඩ මොනවා ද? ස්වර්ගයන් අපට විවෘතව තිබෙන බව දැනගැනීමට අපට උපකාර වී ඇති අත්දැකීම් මොනවා ද?