ජෝසෆ් ස්මිත්—ඉතිහාසය 1:1-26

ජෝසෆ් ස්මිත්ගේ ඉතිහාසයේ අරමුණ වූයේ ජෝසෆ් පිළිබඳ සත්‍යය බොහෝ විට විකෘති වී ඇති නිසා අපව “කරුණු සන්තකයේ” තැබීමයි (ජෝසෆ් ස්මිත්—ඉතිහාසය 1:1). ඔබ ජෝසෆ් ස්මිත්—ඉතිහාසය 1:1–26 කියවන විට, ඔහුගේ දිව්‍යමය කැඳවීම පිළිබඳ ඔබේ සාක්ෂිය ශක්තිමත් කරන්නේ කුමක්ද?

ඔබට කවදා හෝ “ප්‍රඥාව අඩු” බවක් හෝ ඔබ ගත යුතු තීරණයක් ගැන ව්‍යාකූල බවක් දැනී තිබේද? (ජෝසෆ් ස්මිත්—ඉතිහාසය 1:13). 1820 දී ජෝසෆ් ස්මිත් ලැබූ අත්දැකීම ඔබේ පෞද්ගලික එළිදරව් සඳහා හොඳ රටාවක් ලෙස සේවය කළ හැකිය. උදාහරණයක් ලෙස, ඔබ ජෝසෆ් ස්මිත්—ඉතිහාසය 1:5–25 උවමනාවෙන් කියවන විට, ඔබට අදාළ කරගත හැකි අත්දැකීම් සොයන්න. ඔබ පහත දේ ගැන ඉගෙනගන්නේ මොනවාද:

• ජෝසෆ් යාච්ඤාවේ පූජනීය අත්දැකීමක් සඳහා සූදානම් වූයේ කෙසේ ද? (බලන්න 8, 11, 14-15 පද).

• එළිදරව් සෙවීමේදී ශුද්ධලියවිලි අධ්‍යයනයේ කාර්යභාරය? (බලන්න 11-12 පද).

• ඔබ විරුද්ධවාදිකම්වලට මුහුණ දෙන විට කුමක් කළ යුතු ද? (බලන්න 15-16, 21-26 පද).

• ඔබට ලැබෙන පිළිතුරු පිළිගෙන ඒවා අනුව ක්‍රියා කිරීම? (බලන්න 18-25 පද).

දෙවියන්වහන්සේ සමඟ සන්නිවේදනය කරන මිනිසුන්ගේ වෙනත් උදාහරණ ද ඔබට ශුද්ධලියවිලිවල සෙවිය හැකිය. Gospel Art Book හෝ වෙනත් එන්න, මා අනුගමනය කරන්න පොත්වල පින්තූර වලින් ඔබට අදහස් ලබාගන්න පුළුවන්. ඔබ සොයා ගන්නා සෑම උදාහරණයකටම, කලින් ලැයිස්තුගත කර ඇති ප්‍රශ්නවලට පිළිතුරු දීමට උත්සාහ කරන්න. යාච්ඤාවට පිළිතුරු ලැබීම ගැන ඔබට ඇති අත්දැකීම් මොනවාද? අන් අයටත් හොඳ අත්දැකීම් ලබා ගැනීමට උපකාර කිරීමට ඔබට කළ හැක්කේ මොනවාද?

තවත් බලන්න රසල් එම්. නෙල්සන්, “උන්වහන්සේට සවන් දෙන්න,” ලියාහෝනා, 2020 මැයි, 88–92.

දෙවියන්වහන්සේ ඔහුගේ යාච්ඤාවට පිළිතුරු දෙනු ඇතැයි ජෝසෆ් ස්මිත් විශ්වාස කළ නමුත්, එම පිළිතුර ඔහුගේ ජීවිතය—සහ ලෝකය—වෙනස් කරන්නේ කෙසේදැයි ඔහු අපේක්ෂා කළේ නෑ. ඔබ ජෝසෆ්ගේ අත්දැකීම ගැන කියවන විට, පළමු දර්ශනයේ ප්‍රතිඵල ඔබේ ජීවිතය වෙනස් කර තිබෙන්නේ කෙසේදැයි මෙනෙහි කරන්න.

නිදසුනක් වශයෙන්, ජෝසෆ්ගේ කාලයේ සිටි බොහෝ අය විශ්වාස කළ දේට වඩා වෙනස් ආකාරයට, පියාණන් වන දෙවියන්වහන්සේ සහ උන්වහන්සේගේ පුත්‍රයාණන් වූ යේසුස් ක්‍රිස්තුස්වහන්සේ පිළිබඳ සත්‍යයන් කිහිපයක් පළමු දර්ශනයෙන් හෙළි වුණා. ඔබ ජෝසෆ් ස්මිත්—ඉතිහාසය 1:15–20 කියවන විට, මෙවැනි ප්‍රකාශයක් සම්පූර්ණ කිරීමට විවිධ ක්‍රම ලියාගැනීම සලකා බලන්න: “පළමු දර්ශනය සිදු වූ නිසා, මම දනිමි …”

ජෝසෆ්ගේ අත්දැකීම් සහ ඒ නිසා ඇති වූ සියල්ල ගැන මෙනෙහි කරන විට ඔබට ඇතිවන හැඟීම් මොනවාද?

6:35

ජෝසෆ් ස්මිත් ඔහුගේ ජීවිත කාලය තුළ, පූජනීයවනයේ ඔහුගේ අත්දැකීම් අවම වශයෙන් හතර වතාවක් වාර්තා කර තිබෙනවා, බොහෝ විට ඔහු මෙය කර ඇත්තේ ලේඛකයෙකු භාවිතා කරමින්. ඊට අමතරව, ජෝසෆ් ඔහුගේ දර්ශනය ගැන කතා කරනවා ඇසූ වෙනත් අය විසින් ද වාර්තා කිහිපයක් ලියා තිබෙනවා. ලියන්නා, කියවන්නා, සහ සැකසුම අනුව ගත් කළ, සමහර විස්තර වලින් ඒවා එකිනෙකට වෙනස් වුවත්, ඒවා එක සමානයි. ඒවගේම ඒ සෑම වාර්තාවක්ම ජෝසෆ් ස්මිත්ගේ අත්දැකීම් අපට වඩාත් හොඳින් අවබෝධ කර ගැනීමට උපකාර වන විස්තර එක් කරනවා, හරියට අලුත් ගිවිසුමේ ශුභාරංචි හතරෙන් සෑම එකක්ම ගැලවුම්කරුවාණන්ගේ දේවසේවය වඩාත් හොඳින් අවබෝධ කර ගැනීමට අපට උපකාර කරනවා වගේ.

ඔහුගේ කැපී පෙනෙන පළමු දර්ශනයෙන් පසුව, ජෝසෆ් ස්මිත්ට ස්වභාවිකවම ඔහුගේ අත්දැකීම් අන් අය සමඟ බෙදා ගැනීමට අවශ්‍ය වුණා. ඔහු මුහුණ දුන් විරෝධතාවයන් ඔහුව පුදුමයට පත් කළා. ඔබ ඔහුගේ වාර්තාව කියවන විට, ඔබේ සාක්ෂියට සත්‍යවන්තව සිටීමට ඔබව පොළඹවන්නේ කුමක්ද? ඔබ අත්විඳ ඇති අධ්‍යාත්මික අත්දැකීම්වලට සත්‍යවන්තව සිටීමට—ශුද්ධලියවිලිවලින්, මුතුන් මිත්තෙකුගෙන් හෝ ඔබ දන්නා පුද්ගලයින්ගෙන්—ඔබට ධෛර්යය ලබා දෙන වෙනත් උදාහරණ මොනවාද?

තවත් බලන්න ගැරී ඊ. ස්ටීවන්සන්, “ඔබේ සාක්ෂිය පෝෂණය කිරීම සහ බෙදාගැනීම ,” ලියහෝනා, නොවැම්බර්. 2022, 111-14.

• ජෝසෆ් ස්මිත්ගේ අත්දැකීම්වලින් ඉගෙන ගන්නා විට ඔහු සමඟ සම්බන්ධ වීමට, ඔහුගේ තරුණ කාලය ගැන ඉගෙනගැනීම ඔබේ දරුවන්ට උපකාරයක් වෙන්න පුළුවන්. සමහර විට ඔවුන්ට ජෝසෆ් ස්මිත්ගේ පින්තූරයක් අල්ලාගෙන ඔහු ගැන ඔවුන් දන්නා දේ බෙදා ගන්න පුළුවන්. අවශ්‍ය නම්, ඔබට ජෝසෆ් ස්මිත්—ඉතිහාසය 1:3–14 වෙතින් ඔහු පිළිබඳ කරුණු කිහිපයක් එකතු කරගන්න පුළුවන් (තවත් බලන්න “1 වෙනි පරිච්ඡේදය: ජෝසෆ් ස්මිත් සහ ඔහුගේ පවුල”. අනාගතවක්තෘවරයෙකු වීමට සූදානම් වීමේදී ජෝසෆ්ට උදව් වූ අත්දැකීම් මොනවාද? දෙවියන්වහන්සේ අපව සූදානම් කරන්නේ කුමක් කිරීමට වෙන්න පුළුවන්ද?

  

  3:22

• ශුද්ධලියවිලි ඇතුළු, විවිධ පොත් ඔබේ දරුවන්ට පෙන්වීම ගැන සලකා බලන්න. මෙම පොත්වලට පිළිතුරු දිය හැකි ප්‍රශ්න ගැන සිතා බැලීමට ඔවුන්ට උපකාර කරන්න. ජෝසෆ් ස්මිත්ට තිබූ ප්‍රශ්න මොනවාද සහ ඔහු ශුද්ධලියවිල්ලෙන් සොයාගත් පිළිතුරු මොනවාදැයි සොයා බැලීමට ඔබට ජෝසෆ් ස්මිත්—ඉතිහාසය 1:10–11 එකට එකතු වී කියවන්න පුළුවන්.

• යාකොබ් 1:5 කියවීම ජෝසෆ්ට බලපෑ ආකාරය විස්තර කරන 12 වෙනි පදය තුළ ඇති වචන සොයා ගැනීමට ඔබේ දරුවන්ට හැකි වෙන්න පුළුවන්. එවිට ඔබට ශුද්ධලියවිලිවල කොටසක් ඔබට ප්‍රබල බලපෑමක් ඇති කළ අත්දැකීම් එකිනෙකා සමඟ බෙදා ගන්න පුළුවන්.

• අප ස්වර්ගික පියාණන්වහන්සේ සමඟ සන්නිවේදනය කරන ආකාරය පිළිබඳ සාකච්ඡාවක් ආරම්භ කිරීම සඳහා, ඔබට සහ ඔබේ දරුවන්ට කෙටි පණිවිඩයක්, දුරකථන ඇමතුමක් හෝ අතින් ලියන ලද සටහනක් වැනි විවිධ සන්නිවේදන ක්‍රම භාවිත කරමින් එකිනෙකාගෙන් ප්‍රශ්න අසන්න පුළුවන්. අප ස්වර්ගික පියාණන්වහන්සේගෙන් ප්‍රශ්න අසන්නේ කොහොමද? අපගේ යාච්ඤාවලදී අප උන්වහන්සේට ප්‍රේම කරන බවත් ගෞරව කරන බවත් උන්වහන්සේට පෙන්වන්නේ කොහොමද? ජෝසෆ් ස්මිත්—ඉතිහාසය 1:16–19 එකට එක්ව කියවා ස්වර්ගික පියාණන්වහන්සේ ජෝසෆ් ස්මිත්ගේ යාච්ඤාවට පිළිතුරු දුන් ආකාරය ගැන සාකච්ඡා කරන්න. ඔබ දෙවියන්වහන්සේගෙන් උපකාර ඉල්ලා පිළිතුරක් ලැබුණු අවස්ථාවල අත්දැකීම් ඔබටත් ඔබේ දරුවන්ටත් බෙදාගන්න පුළුවන්.

• ඔබ පළමු දර්ශනය ගැන ඔවුන්ට පවසන අතර, කුඩා දරුවන්ට අත් දිගු කර පූජනීය වනයේ ගස් මෙන් පෙනී සිටීමෙන් ඔවුන්ට සතුටක් ලබන්න පුළුවන්. ඔබ ජෝසෆ් යාච්ඤා කරන ආකාරය ගැන කතා කරන විට සුළඟට ගසාගෙන යන්නාක් මෙන් පැද්දෙන ලෙස දරුවන්ට කියන්න. එවිට ස්වර්ගික පියාණන්වහන්සේ සහ යේසුස්වහන්සේ ජෝසෆ්ට පෙනී සිටි බව ඔබ ඔවුන්ට පවසන විට ඉතා නිශ්චලව හා නිහඬව සිටීමට ඔවුන්ගෙන් ඉල්ලා සිටින්න.

• පළමු දර්ශනය ගැන ඔවුන් දන්නා දේ ඔබට පැවසීමට වැඩිමහල් දරුවන්ට මෙම දළ සටහනේ ඇති පින්තූර එකක් හෝ කිහිපයක් භාවිතා කිරීමෙන් සතුටක් ලැබිය හැකිය. ජෝසෆ් ස්මිත්—ඉතිහාසය 1:14–17 වෙත යොමු කිරීමට සහ ජෝසෆ්ගේ අත්දැකීම් පිළිබඳ ඔවුන්ගේ සිතුවිලි සහ හැඟීම් බෙදා ගැනීමට ඔවුන්ව දිරිමත් කරන්න (තවත් බලන්න “2 වෙනි පරිච්ඡේදය: ජෝසෆ් ස්මිත්ගේ පළමු දර්ශනය.

  

  3:23