Whakaakoranga me ngā Kawenata 2; Hōhepa Mete—Hītori 1:27–65

He mea anō te whakapono ki tā te Atua mahi mā Hōhepa Mete—e taea ana te titiro whakamuri ki tōna oranga me te tino kite i tāna i whakatutuki ai. Engari kua whakaaro kau ake koe he mahi anō tā te Atua hei mahi māu? I a koe e pānui ana i Hōhepa Mete—Hītori 1:27–33, me whakaaro ake he aha pea taua mahi. Me pēhea taua mea e tautoko i te Whakahokinga e haere tonu ana o te rongopai a te Kaiwhakaora?

Nā Erata Gary E. Stevenson i whakaako: “I a tātou e haere mai ana ki te Karaiti me te āwhina i ētahi atu kia pērā anō, kei te tautoko tātou i te mahi whakaoranga me te mahi whakateiteitanga, e aro pū ana anake ki ngā haepapa tapu kua whakataua nei. … He māmā, he mea whakaaweawe, he mea whakahihiko, he mea e taea ana ēnei haepapa. Anei ēnā mea:

• Ko te whakatinana i te rongopai a Ihu Karaiti

• Ko te atawhai ki te hunga e hapa ana

• Ko te tono i ngā mea katoa ki te whakawhiwhi i te rongopai

• Ko te whakakotahi i ngā whānau mō āke tonu atu” (“Simply Beautiful—Beautifully Simple,” Liahona, Noema. 2021, 47).

Me whakaaro ki ngā āhuatanga kua pā nei ki a koe i a koe e mahi ana i tēnā me tēnā o ēnei haepapa tapu. He aha tā te Kaiwhakaora e pai ai hei mahi māu? Kei reira tētahi whārangi mō ngā Kaupapa me ngā Pātai mō ia o ēnei haepapa (tirohia “Our Role in God’s Work of Salvation and Exaltation,” Wharepukapuka Rongopai). Tērā pea ka tirotiro koe i ēnei whārangi hei āwhina i a koe ki te whakautu i tēnei pātai.

I ētahi wā ka whakaaro ake koe kāore koe e whakamahia e te Ariki nā ngā hē kua meatia e koe. He aha ngā akoranga e puta ake ki a koe i ngā āhuatanga i pā ai ki a Hōhepa Mete i Hōhepa Mete—Hītori 1:28–29? Me pēhea koe e mōhio ai ki tō “tūnga i te aroaro o te [Atua]”?

Tirohia anōtia “Youth Responsibility in the Work of Salvation” (whitiāhua), ChurchofJesusChrist.org; “The Work of Salvation and Exaltation,” General Handbook, 1.2.

3:15

I te putanga mai a Moronai ki a Hōhepa Mete, nāna ngā poropititanga maha i whakahua ake mai i te Kawenata Tawhito me te Kawenata Hou pērā i Ihāia 11; Ngā Mahi 3:22–23; me Hoera 2:28–32. I a koe e pānui ana i Hōhepa Mete—Hītori 1:34–47, me whakaaro ake he aha te take i whakahirahira ai ēnei poropititanga mō Hōhepa. He aha e whakahirahira ai ērā mōu?

Māu anō e pānui tā Erata David A. Bednar i whakaako ai mō te putanga tuatahi a Moronai ki a Hōhepa Mete i “With the Power of God in Great Glory” (Liahona, Noema 2021, 28).

13:16

Tirohia anōtia “An Angel from on High,” Hymns, nama. 13.

Kua 17 tau noa te pakeke o Hōhepa i tana kitenga tuatahi i ngā papa kōura. Kāore i riro atu māna, kia pau ngā tau e whā i muri iho. Pānuitia Hōhepa Mete—Hītori 1:48–60, e rapu ana i ngā mea i heipū ake ai i tō Hōhepa oranga i taua wā. Ki ō ake whakaaro, i pēhea ēnei āhuatanga i whakarite ai i a ia mō te mahi i karangatia ai ia e te Atua hei mahi. He aha ngā āhuatanga kua pā nei ki a koe nā konā whakaritea ai koe ki te mahi ki te Atua me ētahi atu? He aha ngā mea e pā ana ki a koe i tēnei wā tonu hei whakarite i a koe mō ngā mahi hei ngā rā e heke mai nei?

He aha ngā akoranga e puta ake ai i ngā momo kupu pērā i “whakatō,” “ngākau,” me te “whakatahuri” ki a koe mō te mīhana o Irāia me ngā manaakitanga o ngā kī o te pirīhitanga nāna nei i whakahoki? Me pēhea koe e aro pū ai ki te Kaiwhakaora i roto i tō rangahau? Me huri ō whakaaro ki ngā huarahi e nui ake tō rongo i aua kare ā-roto. Ko tāu rapu i ō tūpuna me te mahi i ngā tikanga tapu mō rātou i roto i te temepara tētahi huarahi (tirohia FamilySearch.org). Tā ētahi atu whakaaro?

Tirohia anōtia Whakaakoranga me ngā Kawenata 110:13–16; Gerrit W. Gong, “Happy and Forever,” Liahona, Noema 2022, 83–86.

• Ka rongo tātou katoa anō nei kua “whakahēngia mō [ō tātou] ngoikoretanga me ō tātou tika kore,” pērā i a Hōhepa. Me rangahau tahi koutou ko ō tamariki i Hōhepa Mete—Hītori 1:29, e kimi ana mō ngā mea i mahi ai a Hōhepa i te wā i pērā ai ia. He aha ngā akoranga e puta ake ai ki a tātou i tana tauira e āwhina ai i a tātou ina hapa ai tātou? He aha e whakahirahira ai kia mōhio tērā i karangahia a Hōhepa e te Atua ahakoa ehara ia i te mea kohakore?

• Ka pai pea ki ō tamariki ki te whakataruna anō nei ko Hōhepa Mete rātou i a koe e taki ana i ngā kōrero o ngā toronga a Moronai i Hōhepa Mete—Hītori 1:27–54 i “Upoko 3: Te Anahera a Moronai me ngā Papa Kōura” (i Ngā Paki Kōrero o te Whakaakoranga me ngā Kawenata, 13–17, i te whitiāhua rānei e hāngai ana i te Wharepukapuka Rongopai). Hei tauira, ka whiriwhiri rātou i ō rātou ringaringa anō nei kei te inoi rātou, e kake haere ana rānei i te Puke Kamora, me ērā tūmomo mea. Kātahi ka taea te tono atu ki a rātou kia kōrero mai mō tā te Atua i karangatia ai a Hōhepa Mete hei mahi, me ō tātou manaakitanga i ahu mai ai i tana mahi. Hei tauira, kua pēhea ō tātou manaakitanga nā te mea i whakapākehātia e Hōhepa Mete te Pukapuka a Moromona? He aha ngā āwhina kua puta ake ai i tana mahi kia whakatata atu ai tātou ki te Matua i te Rangi rāua ko Ihu Karaiti?

  

  2:29

• Tērā pea ka pai ki a koutou ko ō tamariki ki te tirotiro i ētahi pikitia o tō whānau, me tētahi pikitia pea o tō whānau i te temepara (tirohia rānei Gospel Art Book, nama. 120). Kātahi koutou ka pānui i Whakaakoranga me ngā Kawenata 2 me te kōrero tētahi i tētahi ō whakaaro mō te pūtake o ngā temepara, me tā te Matua i te Rangi hiahia kia noho tahi ai ngā whānau mō āke tonu atu. Me waiata tahi e koutou “Families Can Be Together Forever” (Children’s Songbook, 188). He aha tā tēnei waiata mō ngā mahi e mea ai tātou kia noho tahi ai te whānau mō āke tonu atu?

• Ka hīkaka ngā tamariki, ā, ka hari hoki mō ngā mahi whakapapa. Hei āwhina, māu e tuku kōrero, e hura atu rānei i ngā pikitia o ō tūpuna. Me kōrero tahi ki ō tamariki e pā ana ki te āhua o te oranga o ō rātou tūpuna i te wā i a rātou e tamariki ana. Ka pai hoki ki ō tamariki ētahi o ngā mahi whakapapa i FamilySearch.org/discovery.