Hohepa Mete—Hītori 1:1–26

Ko te pūtake o te hītori o Hōhepa Mete he “riro mai ki a tātou ngā meka kōrero” nā te mea he nui te raweketanga i ngā kōrero pono mō Hōhepa (Hōhepa Mete—Hītori 1:1). I a koe e pānui ana i Hōhepa Mete—Hītori 1:1–26, he aha te mea e whakakaha ana i tō whakaaturanga mō tōna karangatanga tapu?

Tirohia anōtia Hunga Tapu, 1:3–19.

Kua “mātau kore” koe i tētahi wā, kua rangirua rānei mō tētahi kōwhiringa e tino tika ana kia whakatauria? (Hōhepa Mete—Hītori 1:13). He tauira pai te āhuatanga i pā ai ki a Hōhepa Mete i 1820 hei whāinga māu mō te whakakitenga mōu ake. Hei tauira, i a koe e rapu ana Hōhepa Mete—Hītori 1:1–25, rapua ngā āhuatanga e whai pānga ana ki a koe. Ka ako koe e pā ana ki te aha:

• Mō tā Hōhepa whakarite mō tētahi āhuatanga inoi e tapu ana? (tirohia whiti 8, 11, 14–15).

• Mō te mahi a te rangahau karaipiture e hāngai ana ki te whainga atu i te whakakitenga? (tirohia whiti 11–12).

• Me aha koe ina pā mai ngā wero? (tirohia whiti 15–16, 21–26).

• Te whakaae me te mahi kia hāngai ki ngā whakautu e whiwhi ai koe? (tirohia whiti 18–25).

He aha ētahi atu tirohanga e rapua ai i tā Tumuaki Henry B. Eyring tuhinga “The First Vision: A Pattern for Personal Revelation”? (Liahona, Pēpuere 2020, 12–17).

Māu ētahi atu tauira e rapu i roto i ngā karaipiture mō ngā tāngata e kōrero atu ana ki te Atua. Ka puta he whakaaro anō i ngā whakaahua i te Gospel Art Book i ētahi atu pukapuka Haere Mai, Whai Mai i Ahau rānei. Māu ngā pātai kua whakatakotoria iho i mua mō ia tauira e whakautu. He aha ngā āhuatanga kua pā nei ki a koe mō te whakawhiwhi whakautu ki tētahi inoi? Me aha koe hei āwhina i ētahi atu kia pai ai ngā āhuatanga e pā ai ki a rātou anō hoki?

Tirohia anōtia Russell M. Nelson, “Hear Him,” Liahona, Mei 2020, 88–92; Ngā Kaupapa me ngā Pātai, “Personal Revelation,” Wharepukapuka Rongopai.

I whakawhirinaki a Hōhepa Mete mā te Atua tana inoi e whakautu, engari kāore ia i mōhio me pēhea taua whakautu e panoni ai i tana oranga—i te ao anō hoki. I a koe e pānui ana mō Hōhepa Mete, me whakaaro koe mō ngā hua o te Kitenga Tuatahi ki tō oranga.

Hei tauira, i huraina e te Kitenga Tuatahi ngā mea pono maha mō te Atua te Matua rāua ko Tana Tama, Ihu Karaiti, he mea rerekē i ngā mea i whakapono ai ngā tāngata tokomaha i ngā rā o Hōhepa. I a koe e pānui ana i Hōhepa Mete—Hītori 1:15–20, me tuhituhi iho e koe ngā huarahi rerekē hei whakaoti i tētahi rerenga pēnei: “Nā te mea i heipū ake te Kitenga Tuatahi, e mōhio ana ahau …”

He aha ō kare ā-roto i a koe e whakaaroaro ana ki ngā āhuatanga i pā ai ki a Hōhepa me ngā mea katoa hoki i puta ai i reira?

Tirohia anōtia “Ask of God: Joseph Smith’s First Vision” (whitiāhua), Wharepukapuka Rongopai; “Joseph Smith’s First Prayer,” Hymns, nama 26.

6:35

I te wā i a ia, neke atu i te whā ngā tuhinga a Hōhepa Mete mō ngā āhuatanga i pā ai ki a ia i roto i te Uru Rākau Tapu, i te nuinga o te wā he kaituhi tāna. Hei āpiti, kua tuhia ētahi atu tuhinga maha e ētahi atu tāngata i rongo noa i a Hōhepa e kōrero ana mō tana kitenga. Ahakoa he rerekē ētahi āhuatanga i ēnei tuhinga, e ai ki te kaituhi, te hunga whakarongo, me te wāhi, atu i ērā kua āhua rite. Ā, ka tāpiri atu tēnā kōrero me tēnā kōrero i ngā mea e āwhina ai i a tātou kia pai ake te mārama ki ngā āhuatanga i pā ai ki a Hōhepa Mete, pērā i tēnā me tēnā o ngā Rongopai Kawenata Hou e āwhina ai i a tātou kia pai ake tā tātou mārama ki te minitatanga o te Kaiwhakaora.

Tirohia anōtia ngā Kaupapa me ngā Pātai, “First Vision Accounts,” Wharepukapuka Rongopai.

Whai muri iho i tēnei Kitenga Tuatahi mīharo, i te hiahia noa a Hōhepa Mete ki te tohatoha atu i ngā kōrero mō ngā āhuatanga i pā ai ki a ia. I ohorere ia ki ngā mea i wero mai ai ki a ia. I a koe e pānui ana i tāna kōrero, he aha te me e whakahihiko nei i tō ngākau kia ū tonu ki tō whakaaturanga? He aha ētahi atu tauira—mai i ngā karaipiture, i tētahi tupuna, i ngā tāngata rānei e mōhio nei koe—e whakakaha nei i a koe kia ū tonu ki ngā āhuatanga ā-wairua kua pā nei ki a koe?

Tirohia Gary E. Stevenson, “Nourishing and Bearing Your Testimony,” Liahona, Noema. 2022, 111–14.

• Mā tō ako e pā ana ki te taiohinga o Hōhepa Mete e āwhina i ō tamariki kia mārama ki a ia i a rātou e ako ana e pā ana ki ngā āhuatanga i pā ai ki a ia. Tērā pea ka puritia e rātou tētahi pikitia o Hōhepa Mete me te tohatoha mai i ngā mea e mōhio nei rātou e pā ana ki a ia. Mēnā e tika ana, māu pea ētahi atu kōrero e tāpiri mōna mai i Hōhepa Mete—Hītori 1:3–14 (tirohia anōtia “Upoko 1: Hōhepa mete me Tōna Whānau,” i Ngā Paki Kōrero o te Whakaakoranga me ngā Kawenata, 6–8, i te whitiāhua rānei e hāngai ana i te Wharepukapuka Rongopai). He aha ngā mea i pā ai ki a Hōhepa nā konā whakaritea ai ia kia tū ai hei poropiti? He aha tā te Atua whakarite hei mahi mā tātou?

  

  3:22

• Me whakaatu atu ki ō tamariki ngā momo pukapuka rerekē, tae atu ana ki ngā karaipiture. Āwhinatia rātou kia huri ngā whakaaro ki ngā pātai e whakautua ai i roto i ēnei pukapuka. Kātahi ka taea te pānui tahi i Hōhepa Mete—Hītori 1:10–11 kia rapua ai he aha ngā pātai i a Hōhepa Mete, ā, he aha hoki ngā whakautu i kitea ai i ngā karaipiture.

• Ka rapua ngā kupu e ō tamariki i whiti 12 e whakamāramahia ana i ngā āhuatanga i puta ai ki a Hōhepa i tana pānui i Hēmi 1:5 . Kātahi ka taea te toha i ngā āhuatanga i pā ai ki a koe ki ētahi atu mō ngā mea whaimana i hua ake ai i tētahi whiti karaipiture. Me waiata tahi anō i tētahi waiata e pā ana ki te pānui karaipiture, pērā i “Search, Ponder, and Pray” (Children’s Songbook, 109). He aha tā te Hāhi e whakaako nei mō te take e pānui ai tātou i ngā karaipiture?

• Tērā pea me tuku pātai koutou ko ō tamariki ki a koutou anō i ngā pātai mā te whakamahi i ngā momo huarahi whakawhitiwhiti kōrero hei tīmata ake i tētahi kōrero mō te āhua e whakawhitiwhiti kōrero ai tātou ki te Matua i te Rangi, pērā i tētahi pātuhi, te waea atu, tētahi reta rānei. Me pēhea tātou e tuku pātai ai ki te Matua i te Rangi? Me pēhea tātou e whakaatu atu ai ki a Ia e aroha ana, ā, e whakahōnore ana tātou ki a Ia i roto i ō tātou inoi? Pānuitia ngātahitia Hōhepa Mete—Hītori 1:16–19 me te kōrero mō te āhua i whakautu ai te Matua i te Rangi i te inoi o Hōhepa Mete. Kātahi ka taea e koutou ko ō tamariki te kōrero mō ngā wā i inoi ake koe ki te Atua mō te āwhina kātahi ka whiwhi koe i tētahi whakautu.

• Tērā pea ka pai ki ngā tamariki te tū me te torotoro atu i ō rātou ringaringa anō nei he rākau i roto i te Uru Rākau Tapu i a koe e kōrero atu ana ki a rātou mō te Kitenga Tuatahi. Tonoa ngā tamariki kia hurahura te tinana anō nei e pūhia ana e te hau i a koe e kōrero ana mō Hōhepa e inoi ana. Kātahi ka tonoa rātou kia tū kori kore, ā, kia ngū ina kōrero atu ki a rātou, nā, i puta te Matua i te Rangi rāua ko Ihu Karaiti ki a Hōhepa.

• Tērā pea ka pai ki ngā taiohi te whakamahi i ngā pikitia i roto i tēnei whakatakotoranga mahi kia whakamōhio atu ki a koe tā rātou e mōhio nei e pā ana ki te Kitenga Tuatahi. Me akiaki i a rātou kia hoki atu ki Hōhepa Mete—Hītori 1:14–17 me te toha mai i ō rātou whakaaro me ō rātou kare ā-roto mō ngā mea i pā ai ki a Hōhepa (tirohia anōtia “Upoko 2: Te Kitenga Tuatahi a Hōhepa Mete,” i Ngā Paki Kōrero o te Whakaakoranga me ngā Kawenata, 9-12, i te whitiāhua rānei e hāngai ana i te Wharepukapuka Rongopai).

  

  3:23