“Disemba 30–Janueri 5: ‘Dispela Restoresen I Stap long Promis Bai Go Het”: Dispela Restoresen bilong Olgeta Gospel bilong Jisas Krais Kam, Bihainim Mi —Bilong Haus na Sios: Doktrin na ol Kavanen 2025 (2025)
“Dispela Restoresen bilong Olgeta Gospel bilong Jisas Krais,” Kam Bihainim Mi—Bilong Haus na Sios: 2025
Disemba 30–Janueri 5: “Dispela Restoresen I Stap long Promis Bai Go Het”
Dispela Restoresen bilong Olgeta Gospel bilong Jisas Krais
Hau bai yu makim dispela 200th anivesari bilong wanpela samting i bin kamap na senisim wol? Dispela em kwesten Namba Wan Presidensi na Kwarum bilong ol Twelpela Aposel i tingting long en taim Epril 2020 i kamap, makim 200 yias bilong Namba Wan Visin bilong Joseph Smith. “Mipela i tingting sapos wanpela monumen i mas sanap,” Presiden Russell M. Nelson i tingim. “Tasol taim mipela i tingim dispela samting we i narakain tru olsem Namba Wan Visin, mipela i pilim long kirapim wanpela monumen i no long granait o ston tasol long ol toktok … , i no long kavim long ol ‘ston tebol ’ tasol long pas long ol ‘mit ’ bilong bel bilong yumi [2 Corinthians 3:3]” (“Hear Him,” Liahona, Mei 2020, 90).
Dispela monumen bilong ol toktok ol i kamapim taitol bilong em olsem “Dispela Restoresen bilong Olgeta Fulnes bilong Gospel bilong Jisas Krais: Wanpela Baisenteniel Tokaut i go long Wol” Em i wanpela monumen i no bilong Namba Wan Visin tasol, tasol bilong olgeta samting Jisas Krais i mekim—na i wok long mekim—stat long dispela taim. Dispela Restoresen bilong gospel bilong Em i bin stat taim wanpela man i bin tanim long God na harim Em. Em bai go het long dispela sem wei: wanpela bel, wanpela sekred ekspiriens long wanpela taim—wantaim bilong yu.
Ol Aidia bilong Lainim long Haus na long Sios
“God i laikim tumas ol pikinini bilong Em long olgeta nesen bilong dispela wol.”
Long tingting bilong yu, wai bai wanpela proklemesen long dispela Restoresen i stat wantaim wanpela toktok long lav bilong God? Taim yu stadim dispela proklemesen, painim ol wei God i soim lav bilong Em bilong ol “pikinini bilong Em long olgeta nesen bilong dispela wol.” Hau dispela Restoresen bilong gospel i helpim yu pilim lav bilong Em?
Lukim tu Gerrit W. Gong, “All Nations, Kindreds, na Tongues,” Liahona, Nov. 2020, 38–41.
Dispela Restoresen i bin stat wantaim wanpela ansa long wanpela kwesten.
Yumi ken tok olsem Seivia i statim dispela Restoresen taim Em i bekim wanpela kwesten. Wanem toksave yu pilim dispela Tokaut bilong Restoresen i gat bilong wanpela wantaim ol kwesten long God, dispela gospel, o “dispela salvesen bilong sol [bilong em]”? Yu bai tu stadim Joseph Smith—History 1:5–20 long lukim wanem yu ken lainim long Joseph Smith long painim ol ansa long ol gospel kwesten.
Lukim tu ol Topik na ol Kwesten, “Seeking Answers,” Gospel Library.
Jisas Krais i restorim Sios bilong Em.
Yu save long wanem long “Nupela Testamen Sios bilong Krais,” we Seivia i restorim thru long Joseph Smith? Tingting long stadim ol dispela skripsa na listim sampela samting long SIos bilong Em:
-
Matthew 16:15–19
-
Mark 16:15–18
-
Luke 6:12–13
-
Acts 4:34–35
-
1 Corinthians 15:29
-
Ephesians 4:11–15
Bihain, yu ken metsim dispela skripsa antap wantaim ol dispela daunbilo, we i tok klia hau Jisas Krais i restorim ol dispela samting bilong Sios bilong Em thru long Joseph Smith:
-
Doktrin na ol Kavanen 18:37–38; 107:23–24
-
Doktrin na ol Kavanen 51:3; 70:14
-
Doktrin na ol Kavanen 84:64–72
-
Doktrin na ol Kavanen 110:11–16
-
Doktrin na ol Kavanen 124:31, 36
-
Ol Bilip1:6
Wai na yumi gat tenkyu long dispela Restoresen bilong gospel bilong Jisas Krais?
Elda Jeffrey R. Holland na meri bilong em wanpela taim i traim long tingim hau ol bai stap bipo long Sios i restod. Wanem samting yumi laikim long gat? Ol i askim ol yet. Ridim long ekspiriens bilong ol long “A Perfect Brightness of Hope” (Liahona, Mei 2020, 81–82). Hau na Restoresen i helpim yu inapim ol spiritual hop bilong yu?
Lukim tu ol Topik na ol Kwesten, “Apostasy and the Restoration of the Gospel,” Gospel.Library.
“Dispela Restoresen bilong Promis i go het.”
Yu bin tingim yu yet olsem pat bilong dispela Restoresen bilong gospel? Tingim ol dispela wods i kam long Presiden Dieter F. Uchtdorf: “Sampela taim yumi tingting long dispela Restoresen bilong gospel olsem samting i pinis, long taim na i stap baksait long yumi. … Tru tru, dispela Restoresen em i bai go yet; yumi stap insait long en rait nau” (“Are You Sleeping through the Restoration?,” Liahona, Mei 2014, 59).
Taim yu redi long stadim hau dispela gospel i bin resto long 1800s, yu bai stat long tingting hau em i resto long laip bilong yu. Ridim dispela Tokaut bilong Restoresen wantaim ol kwesten olsem dispela long tingting: Hau na mi kam long save olsem dispela i tru? Hau mi bai tek pat long Restoresen tede?
“Ol heven i op.”
Dispela hap tok “dispela ol heven i op” i min wanem long yu? Wanem evidens yu lukim—insait long dispela Tokaut bilong Restoresen, insait long Sios tede, insait long ol skripsa na insait long laip bilong yu—olsem ol heven tru i open?
Yu ken putim tu dispela wantaim “The Morning Breaks” (Hymns, no. 1) olsem pat bilong stadi bilong yu. Yu painim wanem insait long dispela singsing we i helpim yu long klia gut long dispela hap tok “ol heven i open”?
Lukim tu Quentin L. Cook, “The Blessing of Continuing Revelation to Prophets and Personal Revelation to Guide Our Lives,” Liahona, Mei 2020, 96–100.
Lainim wantaim Presiden Nelson invaitim yumi long “stadim [dispela Tokaut bilong Restoresen] yumi yet na wantaim family [bilong yumi] ol famili memba na prens” (“Hear Him,” 92). Tingting long hau yu bai kisim ol narapela kam insait long stadi.
Long moa aidia, lukim isu bilong dispela mun Liahona na For the Strength of Youth megesin.
Ol aidia bilong Tisim ol Pikinini
“Mipela i tok strong na klia.”
-
Taim yu ridim ol pat bilong dispela Tokaut bilong Restoresen wantaim ol pikinini bilong yu (o watsim dispela vidio bilong Presiden Nelson i ridim ), helpim ol long painim ol sentens i stat wantaim ol hap tok olsem “mipela i tokaut,” “mipela i autim tok,” o “mipela i testifai.” Wanem ol toktru ol profet na ol aposel i wok long tokaut long ol? Ating yu na ol pikinini bilong yu i ken serim ol testimoni bilong yupela yet long ol sampela dispela sem toktru.
6:0The Restoration of the Fulness of the Gospel of Jesus Christ
“Joseph Smith … i bin gat ol kwesten.”
-
Em bai interesting long ol pikinini bilong yu long painim sampela long ol dispela kwesten Joseph Smith i bin gat we i lid i go long Restoresen bilong gospel bilong Seivia. Helpim ol painim sampela eksampel long Joseph Smith—History 1:10, 29, 68. Hau yumi gat blesing tede bikos God i bekim ol kwesten bilong Joseph Smith?
-
Yu bai tu givim ol pikinini bilong yu sans long toktok long ol kwesten ol i gat. Wanem yumi lainimmlong Joseph Smith long hau long painim ol ansa? (lukim Joseph Smith—History 1:8–17; lukim tu ol veses 3 na 4 long “This Is My Beloved Son,” Children’s Songbook, 76).
“Ol lain i karim toktok i kam long Heven long instraktim Joseph.”
-
Husat em ol “lain i karim toktok i kam long heven [husat] i kam long instraktim Joseph”? Ol pikinini bilong yu bai amamas long painim ol piksa bilong ol long dispela Gospel Art Book (lukim nos. 91, 93, 94, 95). Hau na ol dispela wanwan lain bilong karim tok i helpim long “kirapim dispela Sios bilong Jisas Krais”? Ol skripsa i sagestim long dispela wik ektiviti peij i ken helpim ol pikinini bilong yu long givim ansa bilong dispela kwesten.
Jisas Krais i restorim Sios bilong Em.
-
Hau bai yu helpim ol pikinini bilong yu klia gut wanem em i min long Sios bilong Seivia bai resto? Ating ol i ken bildim wanpela tawa wantaim ol blok o kap na “restorim,” o bildim gen. O, sapos ol pikinini bilong yu i bin save long riplesim samting bikos em i lus o bagarap, yu ken komperim dispela ekspiriens long Seivia i restorim Sios bilong Em. Helpim ol painim ol spesifik samting i stap insait long dispela Tokaut bilong Restoresen we Seivia i restorim.
“Ol heven i op.”
-
Long soim wanem dispela hap tok “ol heven i open” i min, ating yu ken serim wanpela toksave wantaim ol pikinini bilong yu, thru long dua i pas na bihain thru long dua i open. Larim ol tekim ten long serim wanpela toksave tu. Wanem toksave Jisas Krais i gat bilong yumi? Wanem ol ekspiriens i helpim yumi save olsem ol heven i open long yumi?
Long moa ol aidia, lukim isu bilong dispela mun Friend megesin.