Joseph Smith—Histori 1:1–26

As bilong histori bilong Joseph Smith em “long putim yumi long save long ol trupela samting” , bikos ol toktru bilong Joseph planti taim ol man i tanim tanim.(Joseph Smith—Histori 1:1). Taim yu ridim Joseph Smith—Histori :1–26, wanem i strongim testimoni bilong yu long dispela koling i kam long God?

Lukim tu Saints, 1:3–19.

Yu bin gat taim yu bin “nogat wisdom” o pilim paul long wanpela disisen yu bin nid long mekim? (Joseph Smith—Histori 1:13). Dispela ekspiriens Joseph Smith i bin gat long 1820 i ken kamap olsem gutpela paten bilong revelesen bilong yu wan. Eksampel, taim yu painim Joseph Smith—Histori 1:5–25, painim ol ekspiriens i wankain olsem bilong yu. Wanem samting yu lainim long:

• Hau Joseph i redi long wanpela sekred ekspiriens long beten? (lukim veses 8, 11, 14–15).

• Wok bilong skripsa stadi insait long painim revelesen? (lukim veses 11–12).

• Wanem yu bai mekim taim yu pesim birua? (lukim veses 15–16, 21–26).

• Akseptim na mekim samting yu kisim long ansa? (lukim veses 18–25).

Wanem moa ol tingting yu ken kisim long atikel bilong Presiden Henry B. Eyring “The First Vision: A Pattern for Personal Revelation”? (Liahona, Feb 2020, 12–17).

Yu ken tu lukluk long ol sampela narapela eksampel long skripsa we ol pipol i toktok wantaim God. Ol piksa long Gospel Art Buk o ol narapela Kam, Bihainim Mi buk bai givim yu ol aidia. Traim bekim ol askim i stap long ol eksampel yu painim pinis. Wanem ol ekspiriens yu gat long kisim ol ansa long ol beten? Yu ken mekim wanem long helpim ol narapela gat ol gutpela ekspiriens tu?

Lukim tu Russell M. Nelson, “Harim Em,” Liahona, Mei 2020, 88-92; Ol Topiks na ol Askim, “Pesenol Revelesen,” Gospel Librari.

Joseph Smith i trastim olsem God bai bekim beten bilong em, tasol em i no wari long hau dispela bai senisim laip bilong em—na dispela wol. Taim yu ridim long ekspiriens bilong Joseph, tingting long hau ol samting i kamap long Namba Wan Visin i senisim laip bilong yu.

Olsem eksampel, dispela Nambawan Visin i autim ol sampela toktru long God Papa na pikinini man bilong Em, Jisas Krais, olsem ol i narakain long bilip bilong planti lain long taim bilong Joseph. Taim yu ridim Joseph Smith—Histori 1:15–20, tingting long raitim daun ol narapela kain wei long pinisim wanpela stetmen olsem dispela: “Bikos dispela Namba wan Visin i bin kamap, Mi save olsem …”

Wanem ol piling yu gat taim yu tingting long ol ekspiriens bilong Joseph na olgeta samting i kamap long en?

Lukim tu “Askim long of God: Namba wan Visin bilong Joseph Smith” (vidio), Gospel Librari; “Joseph Smith’s First Prayer,” Hymns, no. 26.

6:35

Long laip bilong em, Joseph Smith i bin rekotim ekspiriens bilong em insait long Sekred Bus fopela taim, em i yusim wanpela long raitim. Moa yet, i gat ol sampela narapela ol narapela lain i bin raitim husat i harim Joseph i toktok long visin bilong em. Maski ol dispela stori i narakain liklik, bikos long man i tokim stori, o ol lain husat i harim na hap ol i stap, ol i wankain long planti wei. Na wanwan stori i putim sampela moa samting i helpim yumi klia gut long ekspiriens bilong Joseph Smith, wankain olsem yumi wanwan i kisim fopela Niu Testamen Gospel i helpim yumi save gut moa long ministri bilong Seivia.

Lukim tu ol Topik na ol Askim, “First Vision Accounts,” Gospel Library.

Bihain long dispela Namba wan Visin, Joseph Smith i laik serim ekspiriens bilong em wantaim ol narapela. Birua em i pesim i mekim em kirap nogut. Taim yu ridim dispela stori, wanem gutpela tingting i kam long yu long stap tru long testimoni bilong yu? Wanem ol narapela eksampel—i kam long skripsa, wanpela tumbuna o ol pipol yu save long ol—givim yu strong long stap strong long ol spiritual ekspiriens yu bin gat?

Lukim tu Gary E. Stevenson, “Nourishing and Bearing Your Testimony,” Liahona, Nov. 2022, 111–14.

• Lainim moa long yangpela bilong Joseph Smith i ken helpim ol pikinini bilong yu long lukim ol yet taim ol i lainim long ekspiriens bilong em. Ating ol i ken holim wanpela piksa bilong Joseph Smith na serim wanem ol i save long em. Sapos i gat nid, yu bai putim sampela moa trupela tok long em i stap long Joseph Smith—Histori 1:3–14 (lukim tu “Chapter 1: Joseph Smith and His Family,” long ol stori bilong Doktrin na ol Kavanen, 6–8, o dispela long Gospel Library). Joseph i bin ekspiriensim wanem i helpim em kamap profet? God i redim yumi long kamap na mekim wanem?

  

  3:22

• Tingting long soim ol pikinini bilong yu sampela buk, wantaim ol skripsa. Helpim ol long tingim ol askim ol dispela buk i ken bekim. Bihain yu ken ridim wantaim Joseph Smith—Histori 1:10–11 long painim wanem ol askim Joseph Smith i bin gat na wanem ol ansa em bin painim insait long skripsa.

• Ol pikinini bilong yu bai i ken painim ol wods long ves 12 we i toktok long hau ridim James 1:5 i afektim Joseph. Bihain yu ken serim ol ekspiriens wantaim olgeta wanwan long wanpela hap skripsa we i gat strongpela influens long yu. Yu ken tu singsing wantaim wanpela song long dispela skripsa, olsem “Search, Ponder, and Pray” (Children’s Songbook, 109). Singsing i tisim wanem long wai yumi ritim ol skripsa?

• Long statim wanpela diskasen long hau yumi toktok wantaim Papa long Heven, ating yu na ol pikinini i ken askim wanpela narapela ol kwesten thru long ol kain wei olsem, teks, pon kol, o, hap tok yu raitim. Hau bai yumi askim ol kwesten long Papa long Heven? Hau bai yumi soim Em olsem yumi lavim na onarim em long ol beten? Rit wantaim Joseph Smith—Histori 1:16–19 na diskas hau Papa long Heven i bekim beten bilong Joseph Smith. Yu na ol pikinini bilong yu i ken serim ol ekspiriens taim yu askim God long helpim na kisim ansa.

• Ol yangpela pikinini bai amamas long sanap wantaim ol han i open na giaman olsem ol diwai long Sekred Bus taim yu tokim ol long Namba wan Visin. Askim ol pikinini long swei olsem win i blowim ol taim yu toktok long Joseph i beten. Bihain askim ol long sanap isi tru na stap isi taim yu tokim ol Papa long Heven na Jisas i bin kamap long Joseph.

• Ol bikpela pikinini i ken amamas long yusim wanpela o moa piksa long dispela autlain long tokim yu wanem ol i save long Namba wan Visin. Enkarisim ol long go bek long Joseph Smith—Histori 1:14–17 na serim ol tingting na piling long ekspiriens bilong Joseph (lukim tu “Chapter 2: Joseph Smith’s First Vision,” long Doktrin na ol Kavanen Stori, 9–12, o dispela vidio long Gospel Library.

  

  3:23