“Janueri 20–26: ‘Ol Bel bilong ol Pikinini Nai Tanim igo Long Ol Papa bilong Ol.’: Doktrin na ol Kavanen 2; Joseph Smith—Histori 1:27–65,” Kam, Bihainim Mi—Bilong Haus na Sios: Doktrin na ol Kavanen 2025 (2025)
“Doktrin na ol Kavanen 2 Joseph Smith—Histori 1:27–65,” Kam, Bihainim Mi—Bilong Haus na Sios: 2025
Ol diteil i kam long Em i kolim Mi long Nem, Michael Malm i mekim
Janueri 20-26: “Ol Bel bilong ol Pikinini Bai Tanim i go long ol Papa bilong Ol”
Doktrin na ol Kavanen 2; Joseph Smith—Histori 1:27–65
Em i tripela yias pinis taim God Papa na Pikinini Man bilong Em, Jisas Krais, i kamap long Joseph Smith insait long bus, na Joseph i no kisim moa revelesen long dispela taim i kam. Em i stat long tingting sapos Bikpela i no amamas wantaim em. Olsem yumi olgeta, em i mekim rong, na i pilim hevi bilong ol. Tasol God i gat wok bai em i wokim. Na dispela wok Joseph bai wokim em i pas long wanem God bai askim yumi long wokim. Joseph bai bringim kam dispela Buk Momon; yumi gat invitesen long serim dispela toksave. Joseph bai kisim ol prishud ki long tanim ol bel bilong ol pikinini i go long ol bel bilong ol papa bilong ol, yumi ken nau kisim ol odinens bilong ol tumbuna bilong yumi long temple. Joseph i bin kisim toktok long ol profesi bai kamap, yumi gat koling long helpim long inapim ol dispela profesi. Taim yumi tek pat long wok bilong God, yumi ken save olsem bai yumi painim ol birua, wankain olsem Profet i bin painim ol. Tasol yumi ken tu gat feit olsem Bikpela bai mekim yumi ol instramen long han bilong Em, olsem em bin wokim long Joseph.
Lukim tu Saints, 1:20–48.
Ol aidia bilong Lainim long Haus na long Sios
Joseph Smith— Histori 1:27–33
God i gat wok bilong mi long wokim.
Em i wanpela samting long bilip olsem God i bin gat wanpela wok bilong Joseph Smith long mekim—yumi ken lukluk go bek long laip bilong em na lukim wanem em i kamapim. Tasol yu bin ting olsem God i gat wanpela wok bilong yu tu? Taim yu ridim Joseph Smith—Histori 1:27–33, tingting long em bai wanem wok. Hau em bai inapim ol wok i go het long Restoresen bilong gospel bilong Seivia?
Elda Gary E. Stevenson i tis olsem: “Taim yumi kam long Krais na helpim ol narapela mekim wankain, yumi tek pat long wok bilong God long salvesen na eksaltesen, we i fokas long ol wok bilong God. … Ol dispela wok i isi, i gat gutpela tingting, bai motiveitim yu na ken wokim. Ol i stap hia:
-
Stap insait long gospel bilong Jisas Krais
-
Lukautim ol Lain i gat nid.
-
Invaitim olgeta long kisim gospel
-
Yunaitim ol famili bilong oltaim” (“Simply Beautiful—Beautifully Simple,” Liahona, Nov. 2021, 47).
Tingting long ol ekspiriens yu bin gat long wanwan long ol dispela wok God i makim yu long mekim. Seivia i laik bai yu mekim wanem gen? I gat wanpela Topiks na Kwesten peij long wanwan ol dispela wok (lukim “Wok bilong Yumi long Wok bilong God long Salvesen na Eksaltesen,” Gospel Library). Yu ken lukim ol dispela peij long helpim yu ansarim dispela kwesten.
Yu bai sampela taim pilim olsem Bikpela i no inap yusim yu bikos long ol mistek yu bin mekim. Yu lainim wanem long ekspiriens bilong Joseph Smith long Joseph Smith—Histori 1:28–29? Hau bai yu save long “stap bilong yu long ai bilong [God]”?
Askim ol kwesten i enkarisim ol diskasen i gat mining. Ol kwesten i gat moa wanpela rait ansa i save invaitim ol lain i lainim long bekim beis long wanwan tingting, piling na ekspiriens bilong ol. Ol kwesten long dispela autlain em ol eksampel bilong dispela.
Lukim tu “Youth Responsibility in the Work of Salvation” (video), ChurchofJesusChrist.org; “The Work of Salvation and Exaltation,” General Handbook, 1.2.
Youth Responsibility in the Work of Salvation
Joseph Smith— Histori 1:27–64
Wantaim restoresen bilong Gospel bilong Em, Seivia i inapim ol profesi bilong bipo.
Taim Moronai i kamap long Joseph Smith, em i toktok long sampela ol profesi long Olpela Testamen, olsem Isaiah 11; Acts 3:22–23; na Joel 2:28–32. Taim yu ritim Joseph Smith—Histori 1:34–47, tingting long wai ol dispela profesi i bin impoten long Joseph long save. Wai na yu mas save long ol?
Yu ken tu ritim wanem Elda David A. Bednar i tisim long namba wan visit bilong Moronai long Joseph Smith long “With the Power of God in Great Glory” (Liahona, Nov. 2021, 28).
With the Power of God in Great Glory
Lukim tu “An Angel from on High,” Hymns, no. 13.
Joseph Smith— Histori 1:27–64
God bai redim mi long mekim wok long kingdom bilong Em.
Joseph bin gat 17 yias tasol taim em i lukim ol gol plet namba wan taim. Ol i no kam aninit long lukaut bilong em inap fopela yias bihain. Ridim Joseph Smith—Histori 1:48–60, lukluk na painim wanem samting i kamap long laip bilong Joseph long dispela taim. Hau yu ting ol dispela samting i helpim em long redi long wok God i singautim em long mekim? Wanem ol ekspiriens yu bin gat we i helpim yu redi long sevim God na ol narapela? Wanem yu ekspiriensim nau we i ken helpim yu redi long sevis bilong bihain taim?
Doktrin na ol Kavanen 2
Bikpela i salim Elijah long tanim bel bilong mi i go long ol tumbuna bilong mi.
Ol dispela wods olsem “planim,” “bel,” na “tanim” long dispela seksen tisim yu wanem long misin bilong Elijah na ol blesing bilong prishud ki em i bringim kam bek? Hau yu pilim bel bilong yu tanim i go long ol tumbuna bilong yu? Tingting long ol wei yu ken ekspiriensim ol dispela piling planti taim. Painim ol tumbuna bilong yu na mekim ol odinens bilong ol long temple i wanpela wei (lukim FamilySearch.org). Wanem ol narapela yu ken tingim?
Lukim tu Doktrin na ol Kavanen 110:13-16; Gerrit W. Gong, “Happy and Forever,” Liahona, Nov. 2022, 83–86.
Long moa aidia, lukim isu bilong dispela mun Liahona na For the Strength of Youth megesin.
Ol aidia bilong Tisim ol Pikinini
Joseph Smith— Histori 1:28–29
Mi ken tanim bel na kisim pogivnes.
-
Yumi olgeta sampela taim i save pilim olsem yumi gat asua na ol wiknes,” olsem Joseph Smith i bin gat. Yu na ol pikinini bilong yu i ken stadim Joseph Smith—Histori 1:29 wantaim, painim ol samting Joseph i bin mekim taim em i olsem. Yumi ken lainim wanem long eksampel bilong em we bai helpim yumi taim yumi mekim mistek? Wai em i impoten long save olsem Joseph God i singautim em maski em i no bin stretpela man?
Joseph Smith— Histori 1:27–54
Papa long Heven i singautim Joseph Smith long helpim Em mekim wok bilong Em.
-
Ol pikinini bilong yu bai amamas long priten olsem ol i Joseph Smith taim yu tokim stori bilong Moronai i visit long Joseph Smith—Histori 1:27–54 o “Sapta 3: Dispela Ensel Moronai na ol Gol Plet” (long Doktrin na ol Kavanen Stori, 13–17, o dispela vidio long Gospel Librari). Eksampel, ol i ken foldim ol han bilong ol olsem ol i beten o priten long go antap long Hill Cumorah, na kain olsem. Bihain yu ken askim ol long toktok long wanem God i singautim Joseph Smith long mekim na hau yumi gat blesing bikos long dispela. Eksampel, hau na yumi gat blesing bikos Joseph Smith tanim tok long Buk Momon? Hau na ol dispela samting bai bringim yu klostu long Papa long Heven na Jisas Krais?
2:29The Angel Moroni Visits Joseph Smith: Learning about a sacred book
Doktrin na ol Kavanen 2
Papa long Heven i laikim ol famili long sil wantaim long temple.
-
Ating yu na ol pikinini bilong yu bai amamas long lukim sampela ol piksa bilong famili bilong yu, wantaim tu piksa bilong famili bilong yu long temple sapos i gat (o lukim Gospel Art Book, no. 120). Yu ken ridim Doktrin na ol Kavanen 2 na se wantaim wanpela narapela tingting bilong yu wai yumi gat ol temple na wai Papa long Heven i laikim ol famili long sil wantaim oltaim. Tingting long singsing wantaim “Families Can Be Together Forever” (Children’s Songbook, 188). Dispela singsing i tok bai yumi mekim wanem long stap wantaim ol famili bilong yumi olgeta taim?
Doktrin na ol Kavanen 2
Lainim long ol tumbuna bilong mi i ken bringim amamas long mi.
-
Ol pikinini i ken pilim amamas tru long famili histori. Long helpim, yu ken serim ol stori o piksa bilong ol tumbuna bilong yu. Toktok wantaim ol pikinini long laip i bin olsem wanem bilong ol tumbuna bilong ol taim ol i bin liklik pikinini. Ol pikinini bilong yu tu i ken amamas wantaim sampela ol famili histori ektiviti long FamilySearch.org/discovery.
Long moa aidia, lukim isu bilong dispela mun bilong Friend megesin.