“Janueri 6-12: ‘Harim gut, O Yupela ol Manmeri’: Doktrin na ol Kavanen 1,” Kam, Bihainim Mi—Bilong Haus na Sios: Doktrin na ol Kavanen 2025 (2025)
“Doktrin na ol Kavanen 1,” Kam, Bihainim Mi—Bilong Haus na Sios: 2025
Janueri 6–12: “Harim, O Yupela ol Manmeri”
Doktrin na ol Kavanen 1
Long Novemba 1831, restod Sios bilong Jisas Krais i bin gat wanpela na hap krismas. Em i gro, tasol em i bin wanpela liklik grup i gat ol bilip manmeri i stap long ol liklik taun, lida bilong ol em wanpela profet i gat tupela ten samting krismas. Tasol God i skelim ol dispela bilip lain manmeri olsem ol wokman meri bilong Em na ol lain bilong karim toktok, na Em i laikim ol revelsen Em i givim ol bai kamap ples klia long wol.
Doktrin na ol Kavanen seksen 1 em i tok i go pas bilong Bikpela , long ol dispela revelesen. Em i soim klia olsem maski membasip bilong Sios i bin liklik, toktok God i laik serim wantaim ol Seints bilong Em i no liklik. Dispela em i wanpela “nek i givim tok lukaut” bilong olgeta “lain manmeri bilong ples graun,” tisim ol long tanim bel na kirapim “kavanen bilong oltaim oltaim wantaim God” (veses 4, 8, 22). Ol wokman meri i karim dispela toktok em ol lain “i nogat strong na i gat isi pasin.” God i save singautim ol lain i gat daun pasin—long bipo taim na nau—long bringim Sios bilong Em i kam “aut long paul tingting na tudak” (veses 23, 30).
Ol Aidia bilong Lainim long Haus na long Sios
Doktrin na ol Kavanen 1
“Harim gut, O Yupela ol Manmeri”
Tok i go pas i givim toksave long buk. Em i givim ol het tok bilong buk na ol pepos bilong em long helpim ol lain bai rit redi long rit. Taim yu ridim seksen 1—“tok i go pas” bilong Doktrin na ol Kavanen (ves 6)—painim ol het tok na ol pepos Bikpela i givim bilong ol revelesen bilong Em. Yu lainim wanem i ken helpim yu long stadi bilong Doktrin na ol Kavanen dispela yia? Eksampel, yu bai tingting wanem em i minim long “harim nek bilong Bikpela” long ol dispela revelesen (ves 14) o long “painim ol dispela komanmen” (ves 37).
Lukim tu dispela introdaksen i go long dispela Doktrin na ol Kavanen.
Doktrin na ol Kavanen 1:4–6, 23–24, 37–39
Bikpela i toktok thru long ol wokman bilong Em, wantaim ol las-de profet.
Seksen 1 i stat na pinis wantaim tokaut bilong Bikpela olsem Em i toktok thru long ol wokman bilong em (lukim ol ves 4–6, 23–24, 38). Raitim daun wanem yu lainim long dispela revelesen:
-
Bikpela na nek bilong Em.
-
Wai yumi nidim ol profet long de bilong yumi.
Wanem samting yu pilim long mekim olsem risalt bilong wanem yu painim?
Wanem taim yu harim nek bilong Bikpela thru long ol nek bilong ol wokman bilong Em? (lukim ves 38).
Yu ken tingim olsem wanpela pren husat i no save long profet i stap laip i ridim seksen 1 wantaim yu. Wanem ol askim ol prens bilong yu bai gat? Wanem ol ves bai yu laik diskasim wantaim pren bilong yu long helpim em save gut piling bilong yu long gat ol profet long dispela taim?
Yu bai interes long save olsem taim wanpela kaunsil bilong ol elda i bung long 1831 long toktok long pablisim ol revelesen bilong Joseph Smith sampela lain i bin agensim dispela aidia. Ol i bin sem long raiting bilong Joseph i no gutpela tumas, na ol i wari olsem pablisim ol dispela revelesen bai kamapim moa hevi bilong ol Seint (lukim Saints, 1:140–43). Sapos yu bin wanpela memba bilong dispela kaunsil, hau bai yu stretim ol dispela wari? Wanem tingting yu painim insait long seksen 1 we i nap long helpim?(lukim, eksampel, ol veses 6, 24, 38).
Tingting long putim wanpela singsing olsem “Come, Listen to a Prophet’s Voice” (Hymns, no. 21) long stadi na lotu bilong yu. Painim ol hap tok insait long singsing i tisim ol wankain prinsipel olsem long seksen 1.
Lukim tu ol Topik na ol Kwesten, “Ol Profet,” Gospel Library.
Doktrin na ol Kavanen 1:12–30, 34–36
Restoresen i helpim mi pesim ol dispela salens bilong ol dispela las de.
Long Doktrin na ol Kavanen seksen 1, Bikpela i tok klia wai em i restorim gospel bilong Em. Lukim hamas ol risen yu ken listim taim yu ridim veses 12–23. Long ekspiriens bilong yu, hau na ol pepos bilong Bikpela bilong Restoresen i wok long kamap?
Bikpela i save olsem de bilong yumi bai gat ol hevi i nogut tru (lukim ves 17). Wanem samting yu painim insait long veses 17–30, 34–36 i helpim yu pilim bel isi na strong maski ol hevi i stap?
Lukim tu Russell M. Nelson, “Embrace the Future with Faith,” Liahona, Nov. 2020, 73–76.
Doktrin na ol Kavanen 1:19–28.
Bikpela i yusim “ol lain ino strong na i gat isi pasin” long inapim wok bilong Em.
Taim yu stadim Doktrin na ol Kavanen 1:19–28, yu bai tingting long wanem em i min long kamap wokman bilong Bikpela. Wanem ol pasin Bikpela i laikim ol wokman bilong em long gat? Wanem samting Bikpela i mekim kamap thru long ol wokman bilong Em? Hau na ol profesi long ol dispela ves i wok long kamap long wol na long laip bilong yu?
Painim Jisas Krais. Pepos bilong ol skripsa em long testifai long Seivia na gospel bilong Em. Taim yu ridim Doktrin na ol Kavanen 1, tingting long makim o noutim ol ves i tisim yu sampela samting long Jisas Krais.
Long moa aidia, lukim isu bilong dispela mun Liahona na For the Strength of Youth megesin.
Ol Aidia bilong Tisim ol Pikinini
Doktrin na ol Kavanen 1:4, 37–39
Thru long ol profet bilong Em, Bikpela i wonim mi long birua bilong spirit.
-
Long statim wanpela diskasen long ol woning i kam long Bikpela, yu ken toktok long ol woning yumi kisim long ol narapela pipol long ol birua yumi no inap lukim. Sampela eksampel bai inkludim flo i welwel, bikpela ren na win i kam o wanpela ka i kam. Ating yu na ol pikinini bilong yu i ken lukluk long ol eksampel bilong ol woning sain na komperim ol dispela woning long ol woning Bikpela i givim yumi. Long Doktrin na ol Kavanen 1:4, 37–39, hau na Bikpela i wonim yumi? Em i wonim yumi long wanem i no long taim i go? Ating yu ken watsim o ridim ol pat bilong jeneral konferens toktok na painim ol eksampel bilong “nek bilong woning.” bilong God.
-
Yupela i ken tu singim wanpela singsing long ol profet, olsem las ves bilong “Follow the Prophet” (Children Songbook, 111). Serim testimoni bilong yu olsem dispela profet i toktok long tok bilong God.
Doktrin na ol Kavanen 1:17
Restoresen i helpim mi pesim ol hevi bilong ol dispela las de.
-
Long enkarisim ol diskasen long Doktrin na ol Kavanen 1:17, yu na ol pikinini i ken tingim olsem yu redi long wanpela trip. Wanem bai yu pekim? Sapos yu save long planti taim em bai ren o olsem ka o bas bilong yu bai gat flet taia, hau dispela bai afektim redi bilong yu long dispela trip? Ridim wantaim ves 17, na toktok long wanem Bikpela i save bai kamap long yumi. Hau Em bin redi long dispela? (Sapos i gat nid, tok klia olsem “kalamiti” em i wanpela birua o hevi i kamap.) Hau ol komanmen bilong God i helpim yumi stretim ol hevi i kamap long yumi?
Doktrin na ol Kavanen 1:17, 29
Bikpela i singautim Joseph Smith long kamap profet.
-
Long lainim long wok bilong Joseph Smith long restorim gospel bilong Seivia, yu na ol pikinini i ken lukluk long wanpela piksa bilong Joseph Smith (lukim ol piksa long dispela autlain ) na toktok long wanem Seivia i givim yumi thru long Joseph Smith. Ol pikinini bilong yu i ken painim ol eksampel insait long Doktrin na ol Kavanen 1:17, 29. Tokim ol pikinini bilong yu hau yu save olsem God “i singautim wokman bilong mi Joseph Smith, Jun., na toktok long em i kam long heven.” (ves 17).
Doktrin na ol Kavanen 1:30
Sios bilong Jisas Krais bilong ol Seints long Las De em i sios bilong Bikpela “i trupela na na i stap laip.”
-
Em i min wanem long tok olsem dispela Sios em i “tru na i stap laip”? Long mekim ol pikinini i tingting long dispela askim, ating yu ken soim ol samting i gat laip na ol samting i nogat laip—olsem ol diwai i gat laip na ol diwai i dai. Hau yumi save samting i stap laip? Bihain yu ken ridim Doktrin na ol Kavanen 1:30 na toktok long en na wanem em i min long Sios i “tru na i stap laip.”
Long moa aidia, lukim isu bilong dispela mun Friend megesin.