Ol Aidia bilong Mekim Gut Lainim long Haus na long Sios.

Skripsa em tok bilong God, so askim Em long helpim long save gut long ol.

Olgeta samting testifai long Krais (lukim 2 Nifai 11:4; Moses 6:63), tingting long notim o makim ol ves i testifai long Sevia, strongim lav bilong yupela long Em, na tisim hau long bihainim Em. Sampela taim ol toktru i toktok long Seivia na Gospel bilong Em i save kam stret, na sampela taim i save kam long ol eksampel o stori. Askim yu yet, “Wanem ol toktru bilong oltaim i stap long ol dispela ves? Ol dispela toktru tisim mi wanem long Sevia?”

Harim gut ol tingting na piling bilong yu, maski sapos ol i no rileit long wanem yu ridim. Dispela ol gutpela tingting iken kamap wanem Papa long Heven i laikim yu long lainim.

I gat planti wei long rekodim ol tingting i kam taim yu stadi. Eksampel: yu bai painim olsem sampela ol wod na hap toktok insait long ol skripsa i givim yu gutpela tingting; yu ken makim ol na rekodim ol tingting bilong yu olsem nout insait long skripsa bilong yu. Yu ken tu kipim wanpela jenel i gat ol lukluk, piling na tingting yu kisim.

Diskasim ol lukluk na tingting long stadi bilong yu i gutpela wei long tisim ol narapela, na em bai helpim long strongim save bilong yu long wanem yu ridim. Serim wanem yu lainim wantaim ol famili memba na prens (taim yu bung wantaim ol o long intanet), na invaitim ol long mekim wankain.

Skelim hau ol stori na ol tising yu ridim i ken aplai long laip bilong yu. Eksampel, yu ken askim yu yet, “Wanem ol ekspiriens mi bin gat i wankain olsem wanem mi ridim?”

Taim yu stadim ol skripsa, ol kwesten bai kam long tingting bilong yu. Ol kwesten bai rileit long wanem yu ridim o long laip bilong yu. Tingting long ol dispela kwesten na painim ol ansa taim yu go get long stadim ol skripsa.

Long kisim moa tingting long ol ves yu ridim, yusim ol futnout, dispela Topical Guide, dispela Bible Dictionary, dispela Guide to the Scriptures, na ol narapela stadi bai helpim.

Yu ken painim ol tingting i gat mining long wanpela skripsa hap tok taim yu tingting long wanem em i tok, wantaim tu ol seting bilong em. Eksampel, taim yu save long sindaun na bilip bilong ol pipol God i toktok long ol long i ken helpim yu save gut long ol toktok bilong Em. Yu ken lainim long ol insait long ol Saints, Revelations in Context, ol seksen heding long Doktrin na ol Kavanen, na ol narapela risos.

Ridim wanem ol las-de profet na ol aposel i tisim long ol prinsipel yu painim insait long ol skripsa.

Skripsa stadi i noken givim yumi gutpela tingting tasol tu i mas lidim yumi senisim wei yumi stap. Harim promting bilong Spirit long mekim olsem yu rid, na bihain ekt long ol dispela promting.

Ol singsing lotu na singsing bilong ol pikinini i stap long Kam, Bihainim Mi. Yusim sekred musik long invaitim Spirit na strongim feit bilong yu na testimoni bilong toktru bilong gospel.

Selektim wanpela hap i gat mining long yu, famili bilong yu, o klas bilong yu, na memoraisim na ripitim olgeta de o taim yu pleim wanpela pilai bilong memoraisim ol samting.

Painim ol samting i rileit long ol sapta na ves yu ridim. Skelim hau wanwan samting i rileit long ol tising insait long skripsa.

Ridim sampela ves, na bihain drowim samting i rileit long wanem yu ridim. O yu ken lukluk long ol piksa long Gospel Art Book o narapela hap long Gospel Librari. Yu ken tu kisim piksa i soim wanem yu lainim.

Bihain long ridim stori, invaitim famili o klas memba long ektim. Bihain, toktok long hau dispela stori i rileit long ol samting yu i wok long ekspiriensim.

Sapos yu gat ol famili memba husat i no laik tek pat long skripsa stadi, painim ol wei long toktok wantaim ol. Eksampel, yu ken serim ol toktru bilong oltaim long ol toktok bilong yu o serim wanpela skripsa i gat mining long wei i no luk olsem yu tok strong tumas? Skripsa stadi i no nid long luk wankain long olgeta famili. Sampela ol pikinini bai orait long stadim skripsa ol wanwan. Bai yu pre na bihainim ol promting bilong Spirit.