Senis Em Gol bilong Yumi

As bilong lainim na tisim gospel em long kamapim trupela senis na helpim yumi kamap olsem Jisas Krais. Long dispela as, taim yumi stadim gospel, yumi no lukluk long painim nupela toksave tasol, yumi laik kamap “nupela man” (2 Corinthians 5:17). Em i minim olsem yumi bai rilai long Papa long Heven na Jisas Krais long helpim yumi senisim bel bilong yumi, tingting bilong yumi, na ol pasin bilong yumi.

Tasol dispela kain pasin bilong lainim gospel i save strongim bilip bilong yumi na kisim yumi go long mirakel bilong senis ino save kamap hariap tru. Em i go moa yet ausait long klasrum insait long bel bilong wanwan man na long haus. Em i nidim wok, olgeta de long save na stap insait long gospel. Trupela senis imas gat strongpela pawa bilong Holi Gos.

Holi Gos bai gaidim yumi igo long toktru na berim witnes bilong dispela toktru (lukim John 16:13). Em kliarim tingting bilong yumi, hariapim save bilong yumi, na holim bel bilong yumi wantaim revelesen i kam long God, dispela sos bilong olgeta toktru. Holi Gos i klinim ol bel bilong yumi. Em i kirapim insait long yumi, laik bilong stap insait long toktru, na Em i tok isi ol wei bilong mekim dispela. Trutru, “dispela Holi Gos … bai tisim [yumi] olgeta samting” (John 14:26).

Long ol dispela as, long ol hat wok bilong yumi long stap, lainim na tisim dispela gospel, yumi mas namba wan tru painim poroman bilong Spirit. Dispela gol i mas bosim ol sois bilong yumi na gaidim ol tingting na eksen bilong yumi. Yumi mas painim ol samting i invaitim pawa bilong Spirit na rausim wanem samting i ronim dispela pawa igo—long wanem yumi save sapos yumi stap stretpela long ai bilong Holi Gos, yumi tu ken stap stretpela long ai bilong Papa long Heven na Pikinini Man bilong Em, Jisas Krais.