Մոսիա 11–14

Նոյ թագավորը մեծ հաճույք էր ստանում բուռն կյանքից և իր ժողովրդից շատերին ամբարշտության էր տանում: Տերն ուղարկեց Աբինադի մարգարեին, որ ապաշխարության կանչեր Նոյի ժողովրդին և նախազգուշացներ նրանց վերահաս գերության մասին: Մարդիկ ընտրեցին ուշադրություն չդարձնել նախազգուշացումներին և Աբինադին բանտարկվեց իր մարգարեությունների համար: Երբ Նոյ թագավորի քահանաները հարցաքննեցին Աբինադիին, մարգարեն հանդիմանեց նրանց պատվիրաններով չապրելու կամ դրանք չսովորեցնելու համար: Աստված պաշտպանեց Աբինադիին և զորություն տվեց նրան` ավարտելու իր ուղերձն առ Նոյ թագավորը և նրա քահանաները: Մեջբերելով Եսայիային` Աբինադին վկայեց, որ բոլոր մարդիկ պետք է ապավինեին Հիսուս Քրիստոսին և Նրա Քավությանը:

Խորհեք հետևյալ հարցերի շուրջ.

• Ի՞նչ կանեիք դուք, եթե ձեր ծնողը, խնամակալը կամ ղեկավարը խորհուրդ տային, որ ձեր որոշ ընկերներ վատ ազդեցություն են ունենում ձեզ վրա:

• Ի՞նչ կանեիք դուք, եթե ձեր ծնողներից կամ Եկեղեցու ղեկավարներից մեկը խնդրեր ձեզ ավելի պատշաճ հագնվել կիրակնօրյա երկրպագության ծառայությունների և Եկեղեցու այլ միջոցառումների ժամանակ:

• Ի՞նչ կանեիք դուք, եթե մարգարեն ասեր, որ դուք պետք է փոխեք ձեր ուրախ ժամանցների չափանիշները:

Մարդիկ տարբեր կերպ կարող են արձագանքել վերևում տրված հարցերին: Երբ դուք ուսումնասիրեք այս դասը, ուշադրություն դարձրեք, թե ինչպես է Տերը ուզում, որ դուք արձագանքեք այն մարդկանց, ում Նա ուղարկում է ձեզ օգնելու արդար ապրել:

Այս հատվածները լուսաբանում են, թե ինչպես կարող են մեզ վրա ազդել այն մարդիկ, ում հետ շփվում ենք: Խորհեք, թե ինչպես են ձեր հասակակիցներն ազդում ձեր կատարած ընտրությունների վրա: Մի պահ խորհեք, թե ինչ են անում մարդիկ մեր ժամանակներում, որ կարելի է նմանեցնել «չափազանց [աշխատելուն`] անօրինությանն օժանդակելու համար» (Մոսիա 11.6):

Չնայած Նոյ թագավորը և նրա մարդիկ ընտրում էին ամբարշտություն, Տերը շարունակում էր սիրել նրանց և ցանկանում էր օգնել նրանց: Աչքի անցկացրեք Մոսիա 11.20–ի առաջին չորս տողերը և ներկայացրեք, թե ինչ արեց Տերը Նոյի մարդկանց օգնելու համար:

Ձեր սուրբ գրություններում գրեք հետևյալ ճշմարտությունը Մոսիա 11.20–ի կողքին. Աստված ուղարկում է մարգարեներ, որ օգնի մեզ ապաշխարել և խուսափել թշվառությունից:

Տերն երկու անգամ պատվիրեց Աբինադիին նախազգուշացնել ժողովրդին:

1. Հետևյալ աղյուսակը գծեք ձեր սուրբ գրությունների օրագրում, բավականաչափ տեղ թողնելով յուրաքանչյուր սուրբ գրության հղման տակ` համառոտ շարադրանք գրելու համար: Ուսումնասիրեք նշված հատվածները, և համառոտ շարադրեք Աբինադիի նախազգուշացումները և մարդկանց արձագանքները:

2. Ձեր սուրբ գրությունների օրագրում պատասխանեք հետևյալ հարցերին, թե ինչպես արձագանքեցին մարդիկ Աբինադիի նախազգուշացումներին.

   1. Ձեր կարծիքով, ինչո՞ւ մարդիկ զայրույթով արձագանքեցին Աբինադիին, ով փորձում էր օգնել նրանց: Ձեր կարծիքով, ինչո՞ւ նրանք պաշտպանեցին Նոյ թագավորին, ով առաջնորդում էր նրանց դեպի թշվառություն:

   2. Մոսիա 11.29–ում ուշադրություն դարձրեք «ժողովրդի աչքերը կուրացված էին» արտահայտությանը: Որո՞նք են վարքագծի և ազդեցությունների որոշ օրինակները, որոնց վրա, ձեր կարծիքով, Սատանան ջանասիրաբար աշխատում է, որպեսզի լավ մարդիկ «կուրացված» լինեն մեր օրերում:

   3. Ի՞նչ կարող եք դուք անել խոնարհություն ցուցաբերելու համար, երբ ընտանիքի անդամները, Եկեղեցու ղեկավարները և մարգարեները խրախուսում են ձեզ հետևել Աստծո խոսքին:

Նախքան Մոսիա 12-ի ձեր ուսումնասիրությունը շարունակելը գնահատեք ձեզ 1-10 միավորներով (10-ը լինելով լիակատար համաձանյություն), թե որքանով են հետևյալ նախադասությունները նկարագրում ձեզ հենց այժմ.

Ես գիտեմ, թե ինչ պետք է անեմ Հիսուս Քրիստոսի ավետարանով ապրելու համար:

Ես ապրում եմ Հիսուս Քրիստոսի ավետարանին համաձայն:

Երբ դուք սովորեք Նոյ թագավորի և նրա քահանաների մասին, խորհեք, թե որքանով նրանք գիտեին և որքանով էին ապրում պատվիրաններով: Երբ Նոյը Աբինադիին դուրս բերեց բանտից, քահանաները սկսեցին հարցաքննել նրան սուրբ գրությունների մասին: Կարդացեք Մոսիա 12.26–30 և նշեք, թե ինչ է ասել Աբինադին` Նոյին և նրա քահանաներին հանդիմանելու համար:

Ձեր կարծիքով, որքանո՞վ էին Նոյը և նրա քահանաները համապատասխանում պատվիրանները իմանալու և դրանցով ապրելու 1-10 սանդղակին: Ձեր կարծիքով, ի՞նչ է նշանակում մեր «սրտերը [նվիրել] հասկանալուն» (տես Մոսիա 12.27): Մոսիա 12.33-ում ընդգծեք մի սկզբունք, որը շեշտում է, թե ինչու է կարևոր ապրել պատվիրաններով:

Աբինադին հայտարարեց այս ճշմարտությունը. Եթե մենք պահենք Աստծո պատվիրանները, մենք կփրկվենք: Ինչո՞ւ իմանալը բավական չէ փրկությանն արժանանալու համար:

Աբինադին Նոյ թագավորին և նրա քահանաներին ասաց, որ նրանք չէին ապրում կամ ուսուցանում պատվիրանները, և նա սկսեց թվարկել Տասը Պատվիրանները: Սա բարկացրեց թագավորին, և նա պատվիրեց, որ Աբինադին մահվան ենթարկվեր: Աստված պաշտպանեց Աբինադիին և զորություն տվեց նրան` շարունակելու Տասը Պատվիրանների մասին ուսուցանելը: Դուք կարող եք նշել և համարակալել դրանք Մոսիա 12.35–36 և Մոսիա 13.12–24-ում: Հետևյալ ցանկը կօգնի ձեզ ներկայացնել Տասը Պատվիրաններից յուրաքանչյուրը.

Աբինադին քաջաբար հանդիմանեց Նոյին և նրա քահանաներին Տասը պատվիրանները չպահելու համար, ասելով. «Ես զգում եմ, որ դրանք գրված չեն ձեր սրտերում» (Մոսիա 13.11): Որպեսզի օգնենք ձեզ մտածել այն մասին, թե որքանով եք դուք ապրում Տասը Պատվիրաններով, կատարեք հետևյալ ինքնագնահատականը.

3. Կրկին անդրադարձեք ձեր պատասխաններին և նպատակ դրեք ավելի լավ կատարել Տասը Պատվիրաններից մեկը: Ձեր նպատակը գրեք ձեր սուրբ գրությունների օրագրում:

Կարդացեք Մոսիա 13.28, 32–35 և նշեք ցանկացած բառ կամ արտահայտություն, որը կարող է լրացնել Տասներկու Առաքյալների Քվորումից Երեց Դալլին Հ. Օքսի հետևյալ մեջբերումը. «Մեր ողջ հնազանդությունից և լավ գործերից հետո մենք չենք կարող փրկվել մահից կամ մեր սեփական մեղքերից` առանց »:

Երեց Օուքսի ողջ մեջբերումը հետևյալն է. «Մեր ողջ հնազանդությունից և լավ գործերից հետո մենք չենք կարող փրկվել մահից կամ մեր սեփական մեղքերից` առանց Հիսուս Քրիստոսի քավության շնորհի» (“Another Testament of Jesus Christ,” Ensign, Mar. 1994, 67):

Դուք կարող եք գրել այս ճշմարտությունը Մոսիա 13.28–ի կողքին. Ոչ ոք չի կարող փրկվել առանց Հիսուս Քրիստոսի Քավության:

Մի քանի րոպե տրամադրեք Մոսիա 14.1–12–ի ուսումնասիրությանը և նշեք բառեր և արտահայտություններ, որոնք նկարագրում են, թե ինչ արեց Հիսուս Քրիստոսը մահկանացու կյանքում, որ օգներ ձեզ վերադառնալ տուն` մեր Երկնային Հոր մոտ: Մտածեք վշտի, տառապանքի և մեղքերի մասին, որոնք Հիսուս Քրիստոսը տարել է ձեր փոխարեն: Այս հատվածները համապատասխանում են Եսայիա ԾԳ.1–12-ին: Աբինադին մեջբերում էր այն, ինչ գրել էր Եսայիան (տես Մոսիա 14.1):

4. Ձեր սուրբ գրությունների օրագրում գրեք, թե ինչպես ձեր ընկերոջը կբացատրեիք այն, ինչ Մոսիա 14.4–5 է ուսուցանում Հիսուս Քրիստոսի մասին:

5. Գրեք հետևյալը սուրբ գրությունների ուսումնասիրության ձեր օրագրում՝ այսօրվա հանձնարարության տակ.

   Ես ուսումնասիրեցի Մոսիա 11–14 և ավարտեցի այս դասը (ամսաթիվ):

   Լրացուցիչ հարցեր, մտքեր և ներշնչումներ, որոնցով ես կցանկանայի կիսվել իմ ուսուցչի հետ.