Wanpela Nupela Ples long Promis Len

Famili bilong Lihai na Saraia i go bikpela long promis len. Ol pikinini bilong ol i bin gat ol pikinini bilong ol yet. Lihai i wok long kamap lapun. Bipo em i dai, em i givim ol blesing long ol pipol long famili bilong em. Em i tokim ol olsem taim ol i holim gut ol komanmen bilong God, Bikpela bai helpim ol.

2 Nifai 4:3–12

Bihain long Lihai i dai, Nifai i lidim ol pipol. Em i tokim ol long bihainim Bikpela. Leman na Lemuel i kros Ol i laik kilim Nifai na kisim ples long lidim ol pipol.

2 Nifai 4:13; 5:1–4

Bikpela i tokim Nifai long go wantaim famili bilong em na husat narapela i laik bihainim Bikpela. Ol i wokabaut planti de na painim nupela ples long stap.

2 Nifai 5:1, 5–8

Ol lain i go wantaim Nifai ol i kolim ol lain bilong Nifai, na ol husat i stap bek em ol lain bilong Leman. Ol lain bilong Nifai i askim Nifai long lidim ol. Ol i wok hat. Ol i wokim fam, lukautim ol enimol, na bildim wanpela temple na ol narapela bilding. Ol pris na ol tisa i tisim ol long Bikpela, na ol pipol i bin amamas.

2 Nifai 5:9–11, 13–17, 26–27