Lihai na Saraia i Lusim Jerusalem

Lihai na Saraia i bin stap long Jerusalem wantaim ol pikinini bilong ol. Lihai i lukim visen i kam long Bikpela Em i lukim olsem wanpela Seivia bai kam long wol wanpela de. Bikpela i soim em tu olsem Jerusalem bai bagarap.

1 Nifai 1:4–18

Lihai i tokim ol pipol long visen bilong em. Em i tokim ol Jisas Krais bai kam wanpela de long seivim wol.

1 Nifai 1:18–19

Lihai i tokim ol pipol olsem Jerusalem bai bagarap. Em i invaitim ol long tanim bel.

1 Nifai 1:14, 18–19

Ol pipol i bin belhat. Bikpela i toktok long Lihai gen long driman. Lihai i lainim olsem em na famili bai no inap seif long Jerusalem. Ol i mas igo.

1 Nifai 1:19–20; 2:1–2

Lihai na Saraia i bihainim tok bilong Bikpela. Ol i lusim siti wantaim famili bilong ol. Lihai na Saraia i gat fopela pikinini man nem bilong ol Leman, Lemuel, Sam, na Nifai. Ol i bin lusim haus bilong ol na ol gutpela samting.

1 Nifai 2:3–5

Famili i wokabaut long ples nogat man i stap arere long Ret Si. Lihai i tenkim Bikpela long blesing bilong famili. Em i tisim famili long bihainim Bikpela na kipim ol komanmen.

1 Nifai 2:5–10

Leman na Lemuel i tok bel hevi. Ol i misim ples na olgeta samting ol i lusim bihain. Ol i no klia gut wai na Bikpela i askim ol long lusim ples. Ol i no bilip bikpela siti olsem Jerusalem bai bagarap.

1 Nifai 2:11–13

Leman na Lemuel i tingting Lihai i wok long giaman tingting long ol visen. Wanem bai kamap sapos famili i lus olgeta long ples nogat man i stap?

1 Nifai 2:11

Nifai i laik save gut olsem wanem Lihai i tok em i tru. Em i pre na askim Bikpela.

1 Nifai 2:16

Bikpela i salim Holi Gos long helpim Nifai bilipim ol toktok bilong Papa bilong em. Nifai bilipim Bikpela na serim wanem em i lainim long ol brata bilong em. Sam harim tok bilong Nifai na bilip long em, tasol Leman na Lemuel i no bin harim.

1 Nifai 2:16–18