“Ismael na Famili bilong Em,” Ol Buk Momon Stori (2023)
Ismael na Famili bilong Em
Kam wantaim long wokabaut i go long promis len.
Famili bilong Lihai na Saraia i stap ol yet long ples nogat man i stap. Wanpela de, Bikpela i tokim Lihai long salim ol pikinini man bilong em, Leman na Lemuel, Sam na Nifai go, long Jerusalem. Ol bin go long askim Ismael na famili bilong em long kam wantaim ol. Ol famili bilong ol i ken bung wantaim na kamapim ol pikinini long promis len.
Ismael na famili i laik bihainim Bikpela. Ol i bilip Bikpela i laikim ol long go wantaim famili bilong Lihai na Saraia. Ol i sus long lusim Jerusalem na bungim Lihai long ples nogat man i stap.
Taim ol i go, sampela i no laik bihainim tok moa. Ol i laik go bek long ples. Nifai askim ol long gat feit long Bikpela.
Nifai i tok Bikpela i ken mekim samting sapos ol i gat feit. Tasol Leman na Lemuel i belhat. Ol i pasim Nifai na i laik lusim em long ples i nogat man.
Nifai i pre long helpim. Ol rop i kamap lus, na Nifai i sanap stret. Tasol Leman na Lemuel i laik bagarapim em yet. Wanpela ol pikinini meri bilong Ismael i banisim Nifai. Mama bilong em na wanpela brata bilong em tu i banisim em. Leman na Lemuel i harim ol na i stop long bagarapim Nifai.
Leman na Lemuel i sore long pasin ol i mekim. Ol i askim Nifai long pogivim ol. Nifai i pogivim ol brata bilong em. Bihain Leman na Lemuel i pre na askim Bikpela long pogivim ol.
Olgeta i go het long wokabaut bilong ol na kamap long haus sel bilong Lihai na Saraia. Bihain tru, tupela famili i kam stap wantaim. Ol i tenkim Bikpela na lotu long Em.