Kakabwaiaaki man Aia Rongorongo Abotoro n Boong Aikai

Suva Uoote 2, Suva Fiji Titeiki

Inanon Tebetembwa te ririki ae nako, I mwananga nako tinaniku man au tabo n mwakuri ao I rineia bwa nna anaa au motirawa tabeua te wiiki ngkana I kona. Ni katoa te wiiki are I mena iai i kiraroa, I aki toki n bon tutuangai bwa nna kabwaka au kabwiianibwai ngkana I oki. Ngke I a okirikaaki nakon mwengau tabeua te wiiki imwiina, I kunea bwa ai teniua te namwakaina imwiin au kabanea n tai n kabwaka au kabwiianibwai. Au moan Taabati n taromauri I kabwaka au kabwiianibwai ti ibukin te moan namwakaina are I nako iai ao I a rawawata n au iango. Te tai ibukin te kakamwakuri aika kaunga ea roko. E riai bwa nna bon kabwakaa?

Ibukin karekean te rau n nanon ao I kanakoa au rongorongo nakon au bitiobi ao tibwauaa te bwai are I a rinanona iaan te kaantaninga are ena nanoangaai ao n tuangai te bwai are I kan ongo. E titirakinai, “Ko tangiria n nakon te tembora ke ko aki?” Inanon te tai ae maan n au ururing, te tua aio e riai irakina.

I ataia inanou bwa e kataaki au onimaki ao I a katibanakoi kakabwaia ake e a tia n berita te Uea nakoia ake a kakaonimaki n kabwakai aia kabwiianibwai. “E na kaukii wintoon karawa ao n karangaa te kakabwaia, are e na aki tau nneia iroum n butimwaai.”

N ana marooro are, Te Kabwianibwai: Kaukan Wintoon Karawa, Unimwaane Neil L, Andersen e tibwauaia:

“Wintoon karawa a uki n aanga aika mwaiti. Tabetai n angaa n rabwata, ma e bati riki n aanga n tamnei. Tabetai e aki rongoaa ao e bebete aki norakina. Onimakina ana tai te Uea; te kakabwaia ena roroko n taainako.”

N aron n ake buun bwa tia n mate, te tina ma natina te aine ae moan te tamaroa, te karo ae akea buuna, ao te moan kauntira n ana Bootaki n Aine ara uoote, I kan iaon kakabwaia aika tia n beritanaki aikai.

Te kimwareirei are I namakinna, te rau are e kaonai are e aki kona n reke ngke arona bwa I aki kokoaua ao n kakaonimaki n karaoan ae rti. I ataia ma te koaua bwa berita aikai a koaua ao n aki tarai kangaanga ake I a tia n tokanikai iaoia, maiu e a tia ni kakabwaiaaki ni katoa tai.

Toahotu Uoote, Tahiti Taravao Titeiki

Ni koauana, ni kabane taian rongorongo n te maungatabu ni kabuta a kamaruruna tamneiu. . . ni katoa tai.

N te Okitobwa 2023 maungatabu, bukina bwa I rinanon raoi te tai ae rang karawawatai au namakin, te rongorongo are man ana marooro Unimwaane Alan T. Philipps in his talk, E Kinako ao E Tangiriko te Atua, e anganai karauan nanou. E buokai ni kauringai bwa ngai natin Tamau are Akea Tokina ae kakawaki ao au Tia Kamaiiu Iesu. E kabooa tamneiu. Man Ana Anga Karea, I kona n raira nanou ni katoa te tai are I kairua iai ao n kekeiaki ni katamaroaai nakon au kabanea n tamaroa.

E ngae ngkana ake te nano-matoa irou, ma te Uea e mena irariku, ao iai irou te korakora n teimatoa rinanon au kangaanga. E raoiroi te tang, te tei, ao te bwaka. . . bukina bwa ena iai te ingabong ae ena tamaroa riki ma te kimwareirei, te tangira, ao te onimaki. I kakaitau kai I ataia bwa te Atua e tangiriira n tatabemaniira ao E katauraoi bwaai ni kabane ibukin kukureira. Beretitenti Russell M. Nelson ao ni kabane taan kairiiri n te Ekaretia bon tabonibain Tamara are i Karawa ni kaiririira rinanon ara kangaanga.

Ririki aika uoua aika nako aikai, rongorongo man te maungatabu ni kabuta kanga taian rain ni kamaiu. . .kaekaan au tataro. A tia n buokai rinanon n tataona nanou inanou nanokawakiu inanou teimatoau iaon kawain te berita ae tabu. I kataa au kabane ni kona n iriira ana taeka n reirei Beretitenti Nelson n bwaina te akoi ao ni karekea iangoan te abanuea are te tiretio. Bwaai ana tabe n nakoraoi, uotara ana bebete uotakiia. N akea aia tangira, nna bon aki kona n teimatoa iaon kawain te berita. I ataia bwa e tangiriira te Atua, ao ai bon aio kabiran nanou ao tamneiu.

Massey Park Uoote, Auckland Papatoetoe Titeiki

Ana marooro n te maungatabu ni kabuta Beretitenti Russell M. Nelson ae atuuna n te Kimwareirei ao Kamaiuan te Tamnei (Okitobwa 2016) e a tia n ringa maiu n te aro ae korakora. E reireinai bwa te kingin te reirei nakon kamaiuan te tamnei, moarara riki n tain te rawawata, bon “A riki aomata bwa aonga ni karekea te kimwareirei.”

Inanon August 2014, au karo aika a a tamaroa Kalisi ma Fa’amanatu Alofipo a motirawa inanon te wiiki ae ti teuana man te aoraki. Au karo a rairaki nakon Ana Ekaretia Iesu Kristo ibukiia Aika Itiaki ni Boong aika Kaitira, ao ngke a rairaki, a teimatoa ni karokoa te toki n riki bwa ana reirei ni koaua Iesu Kristo. Ngaia are nna kanga n karekea te kimwareirei n buaia au karo ni kauoman ngkana nanokawakiu e a nang korakora?

E kauringai Beretitenti Nelson bwa:

“Ti kona n waaki man ‘taarakin Iesu are te tia koro karaki ao tokin ara onimaki,’ ao, n iango ni kabane.’ Ti anga ara karabwarabwa Nakoina n ara tataro ao man kawakinan ara berita aika tabu ti riki ma Ngaia ao Tamara are i Karawa. Ngkai ara Tia Kamaiu e tabe n rabwata iroura ao ti bubuti Ana kimwareirei bwa tina anganaki, ao kimwareireira e keerake.”

I ataa aio bwa e koaua ao I kakoauaa bwa te kimwareirei ni koaua e reke rinanon Iesu Kristo ao Ana Mwakuri ni Kamaiu ae Akea Tokina. E reke man kawakinan au berita aika tabu, ake amoai nakon au Tia Kamaiu ao n anganai te kariaiakaki nako Mwaakana are e rietata ao ni kaitarai kangaanga ma rawawata. Te kimwareirei e reke man kabaeakiu bwa te utu ae akea tokina n t tembora ae tabu—nakoia au karo, ma kainabau Alofa ao natira te aine ae Ane.

Te kimwareirei e reke man te kakaonimaki ni beku ibukiia tarira ma mwaanera ake a kaoti nakoira n aia tai ni kainano.

E kakoauaa Beretitenti Nelson bwa: “Te kimwareirei bon te bwaintangira nakoia aika kakaonimaki. Bon te bwaintangira ae reke man maiuakinan raoi te maiu ae kororaoi, are e reiakinaki iroun Iesu Kristo.”