“Kariaia te Uea bwa E na Kaira Maium,” Riaona, Teb. 2022.
Kairake n Ikawai
Kariaia te Uea bwa E na Kaira Maium
I aki kona n taainako n nooria bwa kanga ni kamwakuraki bwaai, ma ngkana I karaoia ma te onimaki, te kakabwaiai te Uea.
Taekan te Aro e aki tatangiraki n ara auti ngke I rikirake—e ngae ngke au karo a rangi n onimaki inanon maiuia, aorakin tamau te kaentia are e kuneaki, ibuakon kangaanga ake tabeua, kairia nako man te aro are a kaikawaki i nanona. Ai tibwa aua au ririki ngke e mate n te kaentia ao bon te kabanea n uarereke ngai ibuakoia 13 ataei, ao tinau ae akea buna e aki kona ni kakoaua bwa te Atua e konaa ni karika aio inanon ara utu.
Ma ngke ai 14 au ririki, i namakinna bwa iai te bwai ae bua inanon maiu. I mimi ngkana iai te kantaninga ae bubura ibukiu ae I aki ataia. I namakina ae kanga ai aron Iotebwa Timiti, ngke ”au iango e bon kaungaaki ao te aki rau e korakora” (Iotebwa timiti—Rongorongo 1:8). E ngae ngke I tuai man ongo taekan Iotebwa Timiti n te tai anne, I moana kakaean ae kuri titebo ma ngaia ngke I kawari ekaretia ma te kantaninga bwa N na kunea te koaua.
Ao I bon kunea, n te bong teuana, ngke I noria uoman ataeinimwaane n oneaia ni kawara mwengaia kaain rarikiu. I rangi ni kan ataia ao I a titiraki ngkana I kona n roko n aia tai are a kabaea imwina. Imwin karekean te kariaia mairoun tinau, I moana te maroro ma mitinare ao inanon taina I a kaaina te Ekaretia.
Kaainakin Ana Ekaretia Iesu Kristo ibukiia Aika Itiaki ni Boong Aika Kaitira e buokai ni kunea te kantaninga ibukiu, moararariki inanon au ririki ni kairake n ikawai ngke I riai ni karaoi babaire aika a mwaiti bwa aomata ake irarikiu aki booraoi ma ngaia. Ma e ngae ngke iai te kantaninga ibukiu ao te kairiiri, N taainako I aki koaua bwa a kanga ni nakoraoi bwaai nako.
E ngae n anne, ngke I kaitara ma bwaai aika aki ataaki ao karawawata ao au konaa e bati, ana kairiri Tamara i Karawa e teimatoa ngkai I nakoina. I reiakina kawai tabeua n onimaki Irouna ao au onimaki bwa e na buokai ni waaki rake ao n teimatoa ni kunea te kantaninga ibukiu.
Waaki rake ma te iango ae e na koro bukina
N te roro are angiia raraou a katauraoi nakon te reirei are iaona riki, I kakaea bwa n na kanga ni mwananga nakon te mwakuri ni mitinare. I Chile, ni kabane a riai ni karaoa te ukeuke imwain ae a rin te kuura ae rietata. E kakaraoaki anne te taina n te ririki, ao ngkana I nako n mwakuri ni mitinare, N na karimwia au reirei uoua te ririki ao n tataninga riki teuana te ririki nakon te reirei imwain anne.
Au utu, riki tinau, e kaitaraa te mwakuri ni mitinare. E rangi ni kakaawaki irouna bwa N na karekea au reirei n kura ae rietata. Ma I kakoaua bwa te Uea e na buokai ni karaoi aika a tau, ma ngaia are I tataroakina moan katauraoau.
Ngke e a roko au bitiobi nakon au auti ma beban te mwakuri ni mitinare are e a bane arona ao e tuanga tinau ibukin ana tiaina, e rangi ni mimi, I aki tuangnga ae I reita karaoan te mwakuri ni mitinare. E anaa te tai ae tau ibukin karekean nanona bwa e na kariaia, ma te Uea e karaua nanona ao ni buokia bwa e na ota bwa I tangira ni beku.
Te euangkerio e anganai te karaunano bwa I karaoa ae eti, ma bon man ti waaki rake, teutana mwiin teuana, ma te onimaki—e ngae ngkana au titiraki ni kabane ao raraomau—,ma N na kekerake.
Rimwian Kaotioti imwiin Kaotioti
Okiu nakon mwengau man au mition e kananona naba te oki nakon te aki koaua raoi. Ngkai I kakaea te kairiri mairoun Tamara are i Karawa n te tataro ao te aki mamatam, I karekea te kaotioti bwa I kainanoaki ni mwaing nakon United States ao n reirei n te Brigham Young University, are taraana e kuri rang kangaanga.
I karaoa au kabanea ni kona karekei mwiina kawai aika a rangi n tamaroa. N taai tabetai I namakinna bwa I nakon taabo aika akea mwiina—I rangi ni mwakuri korakora nakon are I kona, ma I aki ataia raoi bwa korakorau anne e na buokai ni karokoai n au kouru. E ngae n anne, te moani koutu bon iriran are e tangiria te Uea nakoiu bwa n na karaoia, ao te kouru anne e rangi ni kakaawaki nakoiu.
Ma korakorau akanne, n te bong teuana I namakina te kairaki iroun te tamnei bwa n na kawariia raraou aika a raraoi ake man te United States ao a maeka n te tabo are I maeka iai naba. I aki ataia bwa a na kanga bwaai ni waaki raoi n te tai anne—I kawari ibukina te Tamnei e kairai ni—karika raraou ao tamana bwa bwaai ni ibuobuoki nakoiu n ataia bwa tera ae n na karaoia ni kanoaa ao ni karekea te beban mwanangau ae I kainnanoia ni kamatebwai iai i BYU. Man aia ibuobuoki ao aia anganano ae bubura e karokoa tinau ni kabwaka mwane ibukin mwanangau, Ao I roko raoi ikekei. Bon te kakai.
E tabe ni kekerake maiu n te aro anne. I bon karaoa au kabanea ni konaa ao imwina karekea te kairi, teuana te bwai n teuana te tai, bwa tera ae I riai ni karaoia imwina. N te aro anne, I karekea au mwakuri n te tienta ni kataneiai ni mitinare, kunea kawai ni kabwakaa roou, iangoia bwa tera ae n na anaia ae moanibwai, karekea au beeba inanon taina, ao ni mareaki.
Kaeka ake I karekei n taainako aki roko ngkekei naba ao I aki au babaire ae kororaoi, ma I karekea te karau nano bwa te Uea e kukurei ma kawaiu are I nako iai.
Ngkana Kaotioti aki Boo ma Aongina
Tabeua te ririki imwina , I reiakina nakoraoin te mwakuri ni ibuobuoki man maiuakinan te euangkerio. Ngkana ti tangira te uea bwa e na anganira ara kantaninga ao kairara, ti riai ni kariaia n nakon te kairiiri anne.
Imwiin te reirei, aki nakoraoi bwaai nakon are e kantaningaaki ma te kambwana are I mwakuri ngkoa iai, ngaia are ngai ma buu a tei uoua rinerine: ti na tiku i United States ke n oki nako Chile. Ti karekea te namakin ae itiaki bwa ti riai n oki nako chile. E taraa n nakoraoi tangiran te oki rikaaki nakon mwengara, ma te tai e rangi ni kangaanga. E aki rangi ni mwaiti mwakuri i Chile. I kunea te kangaanga ngke I kabonakoa mwengara. Ma te mwane ao nakoina, tiaki te bwai ae tamaroa karaoana; ara utu a taku bwa tiaki te iango ae wanawana anne.
Tera ae ko na karaoia ngkana a kaoti kaotioti inanon tain te mangaongao ma iango aika tau? E ngae ngke e kangaanga, ngai ma kainnabau ti ata te bwai ae ti na karaoia. Ti kauringia bwa te euangkerio e uotira ni karokoira n arora aio. N akean te Uea, E na aki reke te kairi are e na buokai ni beku ni mwakuri ni mitinare, karekean au reirei, ao kaitiboakiu ma kaainabau. Ti na onimaki bwa tera babaire, ti riai n oki nako Chile.
Ti katuka ara auti nakon ara bitiobi bwa e aonga ni kaboaki kaainakina ni karokoa e kabonakoaki, ao ti a mwaing nako. E rangi ni kangaanga, ma ti rinanon kakabwaia ma kakai aika a mwaiti ngke ti kaea ana wewete te Uea. E ataia te uea bwa iaa ae ti nako iai ao iaa ae ti na beku raoi iai n Ana Kantaninga, ao E kakabwaiara ibukin ongeabara.
Kakaean Katokan Kangaanga ma te Uea
Au kantaninga bwa kairake n ikawai ngkai ana irira ana katooto tarin Iareta. E ngae ngke Iaretaite a ataia bwa a kainanoaki ni mwananga nakon te aba ni berita, aki koaua raoi bwa a na kanga n roko raoi ikekei. Ao tarin Iareta e “wetea aran te Uea” (Ita 2:15), E anga nakoia tabeua iango. E tuangaki iroun te Uea bwa e na kabae te kaibuke ao n anga nakoina te kairiri aron katauraoan te eea ibukia ake n te kaibuke.
Ma te Uea e titirakina tarin Iareta te titiraki aei: “Tera ae ko tangiria bwa N na karaoia bwa e aonga n ae e reke te oota i nanon ami kaibuke?” (Ita 2:23). Ngke e na tuanga tarin Iareta te bwai raoi ae e na karaoia, te Uea e tuanga bwa e na nako ao n ukora oin ana iango.
Ao anne aron te mwakurin te maiu. N taai tabetai te uea e anga kaetieti aika a matata. N taai tabetai E tataningaai bwa na roko Nakoina ma oin au iango. N te aro akanne, e ngae n anne, e nakoraoi bwa n na kairia inanon karaoan te waaki. Aki Mamatam, tataro, ao taeka n ibuobuoki ma te uea bon kawai aika nakoraoi ibukia aomata ake a kataia ni karaoi babaire ibukin maiuia.
Ibukiia kairake n ikawai karekean riki kantaninga, I anga au taeka n ibuobuoki: Nakon te Uea ibukin karekean am kaotioti ae onoti. Okiokira n taai nako am Kakabwaia n Tamanuea. Ao anga nanom ni anga baika a karako kakawakiia ni maium ngkana te Uea e tuangko bwa iai ana kantaninga ibukin ae korakora.
I tangira te Uea. Te euangkerio bon bwaai ni kabane ibukiu. I ataia bwa te Uea e kaoka e noora am konabwai ao n tangiria ni buokiko ni karekea am kantaninga mairoun te Atua.