Te Baeten ae Korakora ibukia Kaaro

Karekeann ana euangkerio Iesu Kristo ao n te kamatebwai ae boutokaaki iaoia kaaro ti kinai teniua kairiri iaon moan tua ibukin nabean aia namakin ataei ao karikirakean tamnei. Ngkana a bootakiaki, itera aika a katuruturuaki aikai a katea te baeten ae korakora are e kona ni buokia utu ni katobibia te aonaaba.

E korakora te baeten aei ibukina bwa e botii koaua nako n te euangkerio ma iango man karikirakean te waaki iaon te tararua ni karo ao ataei. Ukoran kaotioti iroun temanna bwa ko na kanga n kamwakurii tua n te baeten aei a kona n buokiko ni karekea te rau n am utu ao ni katea mwengam ae boto iroun Iesu Kristo.

Teniua anga ke tua ni kairiri:

1. Karika te tangira n te reitaki n utu

2. Karikirakea karekean te rabakau ao te rikirake

3. Karikirakea boonano ao te korakora inanon te beku

Te baeten aei e buokira ni katurui ara kantaninga iaon bwaai aika a kakawaki riki. Mwakoron te baeten aio ni kabane e rangi ni kakaawaki bwa e kakorakoraia ara utu. Te uaia ni mwakuri, a kaungaa te reitaki ao taneiai aika a nakoraoi, buokia ara utu ni kaitara te kangaanga, ao ni karikirakea te kona ao te nakoraoi.

Ngkai ti rikirake bwa kaaro, te baeten aei e kona ni mwakuri bwa te kawai ni ibuobuoki ibukin kuneana bwa e kanga n reirei raoi riki ao ni kanakoraoia ataei ni kabane.

Ae i mwiina bon taraan mwakoro ni kabane n te baeten ao te katooto ni maiun te Tia Kamaiu are e na kairira ni kabongana te baeten aei ni maiura. Rongorongo riki iaon aia waaki n tararua kaaro, ao taian kaeka nakon titiraki aika a okioki nakon aei a tauraoi n family.ChurchofJesusChrist.org.

Te tua aio e kauringira ni moanibwaia te reitaki n tangira ma Tamara i Karawa, te Tia Kamaiu, buura, ao natira. Reitaki n te utu aikai a karuanikai. Kinaakia natira mai karawa ao taian reitaki a otinako man taian koaua bwa “ni kabane bon te nati n tamnei mwane ao aine aika a tangiraki irouia ara karo ikarawa, ao, n anne, n tatabemania, iai arona mairoun te Atua.”¹

Ti kona ni kaungaa nanoia bwa a na kina te Atua ao Iesu Kristo rinanon te onimaki, tataro, kamatebwaian koroboki aika a tabu, ao ana kaotioti temanna mairoun te Tamnei ae Raoiroi (taraa Ioane 17:3). Ti kona ni kaunga karikirakean te onimaki man uaboboan aia “tangiria ni kakoaua” ara ataei (Aramwa 32:27) ao ni buokia bwa a na namakina ana tangira te Atua. E kakaawaki ibukia ara ataei bwa a na ataia bwa Tamara i Karawa ao te Tia Kamaiu a ota raoi, kororaoi tangiraia, ao n tangiria ni buokiia bwa a na tokanikai (taraa I -Rom 8:38–39).²

Ngkai karo, e kakaawaki karikan te reitaki n tangira ma ataei ni kabane ae kaonaki n namakinan te tangira ao te nanoanga. Ataakin aia iango ara ataei ao ara kakauongo ma te karinerine nakon are a taekinna e karekea te reitaki n tangira ae mano. Natira a riai n ataia bwa ti nano irouia, tabe nanora n aia namakin, ao ti mena ikekei bwa ti na buokia. Ara waaki n tararua ao n reitaki ma natira e na buokia ni karikirakea te taratara ae tamaroa ibukia, kinai kakawakia mai karawa, ao ni karika te onimakinaki n te reitaki ma te Atua ao Iesu Kristo.

N raonakin anne, kain te utu a kona n anga aia boutoka ae bubura nakoia n tatabemania. Ti konaa ni kaunga te reitaki n te utu ngkai ti botira ni kabane n reitaki, tataro, anga taeka ni ibuobuoki, ao karekea kukureira.

Tararuaa rikirakeia natimi man boutokaan anuaia aika a kanaokoro, angania te tangira ae aki bwabwaka, ao boutokaa aia kekeiaki. Kunea bwa a bwaka iaa natimi n rikirakeia ao tararua am boutoka bwa e na bootau ma kainnanoia ae onoti. Am, katooto, kaetieti, kairiri, ao am kaunganano a rangi ni bongana ni karikirakea ana konabwai natim ao ana onimaki n arona. Kan ataia ao nanoanga ngkai am ataei a reiakina te rabakau rinanon taian waaki.

Kaaro aika taan boutoka a kararoai naba man te kairoro, anganga te kariaia ae riao, n rangi n tauraoi ni karaoan bwaai nako. Katauraon taian tia aika a tau, mwakuri aika a okioki, ao katautau aika a riai e na karikirakea rikiraken natim. N aron Tamara are i Karawa, kaaro a riai ni katurua riki aia taratara iaon ana ni karikirakean natia nakon kamwengaraoaia (taraa 2 Nibwaai 28:30; Reirei ao Berita aika Tabu 50:24, 40).

Kairiiri, kawakinaki, ao nakonako irarikia natimi a reiakina bwa a na rimwiin Iesu Kristo.³ Reireiniia bwa a na kanga n rairaki nakon te Tia Kamaiu ibukin Ana kamaiu bwa e na buokia n rikirake. Teutana mwiin teutana natim ana kunea man am katooto ao aia taneiai bwa a “kona ni karaoi bwaai nako iroun Kristo,” are e kabwarai bure ao ni kamatoaia (I-Biribi 4:13). Rikirake ao Bitaki a kona ni matoa ao tangira te tai ni mwakuriaki ae mwaiti. Kaaro aika raoiroi, ao ni botumwaka a reireia natia aron “te nakonako inanon kawain te koaua” (Motiaea 4:15) ma a kaota naba bukin karaoana. Karikirakean aia atatai ao boutoka aia raoiroi ni kabonganan inaomataia ma aia waaki ni kabane ake a karaoi.

“Te Tia Kamaiu e reirei nakoia Ana reirei ‘kam na i tangitangiri; n ai arou ngkai I tangiringkami’ (Ioane 13:34). Ngkai ko anga te rau n nano, tabekarake, ao ni beku ibukin temanna, ko kabutanako ana tangira ae itiaki Kristo ao n riki n ai Arona. Te Atua e katauraoa kawai aika a bati ibukia natim bwa ana reiakinaki ao n rikirake man karaoan Ana mwakuri ao ni kakoroan aia berita ni beku ibukia tabeman (taraa Moote 1:39; Motiaea 18:7–11). Tibwauakin ana tangira Kristo ao kaotaan Ana ota e na bitiia ma ake a beku ibukia.

Am utu a reke naba kabwaiaia man kaainakin te uoote ke mwaanga ike a anga ao ni karekea te tangira ao te boutoka iai natim. Rarangaan nanomi “te nano ae ti teuana i nanon te tangira imarenaia” (Motiaea 18:21) e karika te ngao ae rarangaaki ni boutokaa te irekereke ao taneiai aika a tamaroa are a kakorakoraia am utu. Ngkana ko beku ibukia tabeman ma ana tangira Kristo, ko kona ni buoka katean Tion inanon am utu ao n am kaawa ae bwanin (taraa Moote 7:18).

Reireia natim bwa te mwakuri ni ibuobuoki e kona n riki bwa te kataneiai ni katoa bong nakon te karikirake ae onoti. Kataakin te beku ibukia tabeman e na buokia natim ao kairake ni kunea te maiu ae tabwanin raoi ngkai aia taraa riki are iaon are a bon kainnanoia nakon aia kainnano temwangina. E rangi n kamimi bwa katean Tion e kateiraoia naba aomatan Tion.

Tua ni kairiiri aikai e kona ni buokiko ni katurua arom ni karo ni katoa bong. N te katooto, n te bong aei ko konaa ni iangoia ni karaoia ma nanom karaoan te rereitaki n tangira , karikirakea karekean te rabakau, ke katean raoi tabeman. Mwakurian te baeten aei e karikirakea reiakinan te Euangkerio, kanakoraoa rikiraken natim, ao boutokaa katuruan te waaki ae tamaroa are e na buoka ao ni kakabwaia am utu. Mwakurian tua aikai e kona ni kanakoraoa am waaki n reirei ni mwengam are e katauraoaki man te Ekaretia n aron Nakomai, Irirai ao aia Burokuraem Ataei ao Kairake.

A mwaiti kawai ake ko kona ni mwakuri tua aika n te baeten aei. Tatauraoi ao ukora am kaotioti ni kabongana nakon kainnanon am utu. “Karaoan, tararuan, katean” te baeten e aki tau ibukin karaoan ae bati riki. E na kona n iai bwaai tabeua ae ko namakina bwa ko na mwakuria ni ikotia ma ake ko bon mwakuria ngkai, te baeten e katauaki ni buokiko bwa ko kanakoraoa ami tai ae reke iroumi ni bootaki.

Ngkana ko karaoa te bwai teuana ni karika rereitaki n tangira, karikirakea te rabakau ao te rikirake, ke katea raoi te ikotaki ao te korakora rinanon te mwakuri ni ibuobuoki, ko kawenea aan te waaki ae matoa ibukin bwaai ni kabane ake ko karaoi ni mwengam.

E kakaawaki bwa e na uringaki bwa ko aki kainnanoia bwa ko na kororaoi bwa ko aonga n riki bwa kaaro aika a tamaroa. Ma, ukora bwa ko na onimakinaki raoi ibukin te tangira ao te boutoka ibukia natim. Te reitaki ma natim ae tau ae tara n anga aika a uarereke e kona ni karika te bitaki ae bubura.

Ngkana e kabwara nano namakinan te tararua ni karo, uringa ni ikeike, ana te motirawa ae tau, ao keiaki kataia. Ko kona ni waaki rake ma te onimaki n ataia bwa te Tia Kamaiu e tabeakiniko ni koaua ma natim ao e na kabubura am konabwai ao am iango aika raoiroi.

Ngkai ko keiaki ni karaoi bwaai ni kabane ae ko konaa n tangiria, kawakinna, ao ni kakorakoraia ataei n tatabemania, temanna mwiin temanna, ngke ma am utu kam kona ni karekea te kantaninga iroun Kristo ibukin Ana berita ae akea tokina nakoimi: “Tai maaku, ataei, aika a uarereke, bwa au bwai ngkami, ao I a tia n tokanikai iaon te aonaaba” (Reirei ao Berita aika Tabu 50:41).