Tera Ana Koroboki Itaia ae Reiakinai ibukin Iesu Kristo?

Koreaki tao 2,700 te ririki nako, ana taeka Itaia e kona n tabetai n tara ni karawawata ke ni kamino nano nakoira. Ao ngkai, warekan ana boki Itaia bon teuana te kabanea ni raoiroi ni kawai ae ti kona n reiakina riki taekan Iesu Kristo. Nibwaai e taekina Itaia bwa ea onga n kona riki [taian Nibwaite] ni kakoaua iroun te Uea aia Tia Kabooi Maiura” (1 Nibwaai 19:23). N ota riki iroun Itaia, kataia katurau am kamatebwain ana reirei Itaia ibukin te Tia Kamaiu.

Tarai kaekaan titiraki aika imwiina ngkai ko kamatebwai mwakoro aikai:

• E kanga Eriakim n tei ibukin Iesu Kristo? (Taraa Itaia 22:20–25.)

• Tera ae e karaoia Kristo ibukira te mangauti? (Taraa Itaia 25:8.)

• E kanga Kristo n reiakinia Ana aomata? (Taraa Itaia 28:10.)

• E kanga ana kabwarabwara Itaia n te euangkerio ae Kaokaki iroun Iesu Kristo ni boong aikai? (Taraa Itaia 29:14.)

• Tera arona ngkana Kristo e a manga roko naba? (Taraa Itaia 35:10.)

Itaia e kaokiokia n taekina aron ana kamaiu te Uea ni kamaiu, ao ni karaunano. … Tamneina e kamaiu; e kaitiaki; e karaunano; e anga te maiu ae boou nakoia ake a bua aia kantaninga. Iai te mwaaka ni bita ae tarabuaka ao ni iowawa ao n akea bongana n te maiu nakon te bwai ae kakaawaki ao ni kakukurei arona. Iai mwaakana n rairi mannangin te maiu aei nakon te tamaroa ae akea tokina” (Tad R. Callister, The Infinite Atonement [2000], 206–7).