Tamaroan te Kairikaaki

I uringa ngke te ataei ngai ao I tataraa bwarukurukun kunin taban tibuu te unaine. Raain a kakorakora te koona ni matana, raain aika a uarereke nakon riana are ieta. I titirakinna N na kanga n aki rotaki n te bwaruku.

“Tai wingare,” e taku. “Ao tai tang.”

I karaoa are e tuangai—n ti tebongina. Mwiina e bwara nanou. E na kanga temanna ni maeka n aki mata ngare ao n tang? I motikia e raoiroi riki iai ubuu ae kaota raainin te ngare ao ranimata.

N Ana Boki Moomon. e reirei Riaai nakon natina Iakobwa bwa ti mena ikai ibukin te maiu ae mamate bwa ti na karekea te kimwareirei (taraa 2 Nibwaai 2:25). Ma e reirei naba bwa kinakin te kimwareirei, ti riai n rinanon te rawawata (taraa 2 Nibwaai 2:22–23). I a tia n noora te kakoaua ibukin te kimwareirei ao te rawawata, are e oti n ubuia te koraki ake a tia ni maeka n te maiu aei. Ubuia e uotii taian karaki ni maiuia.

Titebo ma te aomata are e kangai, “Aomata aika a kara aika a tamaroa bon mwakuri n tamnei.”¹ Tabeman aomata a karikirakea te anua n aia ririki are e karikirakeia bwa a na tamaroa. Ibukin te katooto, I a tia ni karaua n taraa mataia taan mwakuri n te tembora ao mainain iraia ao n kubanako n tamaroan te ota are e kia inanon mataia ao n ota n riki n moangareia.

Ngkai I a kara, I reiakinna bwa iai aekani kimwareirei ae roko man te kairikaaki. Te katooto, I a rikirake riki ni mwengaraoi ni bon rabwatau. I boni ti kakatonga bwa e boni mwakuri naba! Tao N na nakonako riki ni karaurau ao ni taetae riki ni karaurau nakon are I karaoia tetaina. Aoni waeu mai ieta a kona n tangira kamatenakia, ao baiu a rikirake riki n maraurau. Ma I tangiria n iangoia bwa au riring e a rangi n aamarau naba.

I ataia bwa I kona ni kateimatoa naba te rikirake ao n reiakinaki, bwa tera aron moantua ibukin te wanawana are ti karekea n te maiu aei, ti na uti ma ngaia n te manga uti”.(Reirei ao Berita aika Tabu 130:18). Ao ngkanne, I taratara ni waerake nakon reirei ake I kona naba n reiakin. Ma riki, I kona ni buokia tabeman—n aroia tibuu—n reiakinaki man karakinakin maiu are I kona n tibwaua ma ngaia.

Kaotaki irouia taan kan raweaki tamneia

Ngai ma Kainabau ti kona riki ni kariaia arora ao n ataia bwa ngaira, naba, ti kona n reiakinaki ao ni kaai n rikirake. Ara mare e a tia n rangi n onrake ibukin tain angibuaka are ti a bon tia kamanoaki iai ni kauoman. Natira a ikawairake ao n rangi ni kamoamoa irouia ke n raraoma irouia, ni bon nakon kanoan te bong. Tibura a uota te kimwareirei ao te kimwareirei ae raka arona.

Ao ma te ririki e roko te kaotioti bwa te maiu aei e aki tiku nako n akea tokina. Ngkai te tai ni karaoi bwaai ake I a tia n katauaki ni karaoi. Ngkana tiaki ngkai, ngkanne nningai? “Nooria te bong ni maiu aei n te maiu aei bon te bong are aomata a na karaoi aia beku” (Aramwa 34:32). Te kantaninga, ma te ririki ti ataia bwa ngkai bon te tai ni taekini taeka ake a tuai man taekinaki, kamaoi rekereke nako, ao kakoroi bukin kouru ake a tuai karaoaki.

Ngke I a ikawai riki, I iangoa taekan rikiau ni bwaibwai are N na katikua nakoia au kariki. I kantaningaia bwa mwakorona bwa N na namakina te kimwareirei ao te rawawata, I kunea te wanawana. Ao ibukin anne, I kunea tikiraoin te kairikaaki.