“Le Ngak a Llomes el Kiriu Lurrekodel er Ngii”

Aikel mla medung el chisel a klaumera er tial ongdibel, eak dochelii a sioning er ngak el apostol el kmo a Jesus Kristo a Ngelekel a Dios, el Rubak er kid e Osobeled, e Olsobel er a rokui el ngelekel a Chedam. Ngokiu a Tngakireng er Ngii, ea Jesus Kristo a uchul eng sebeched, a lsekum e kede klikiid, el muut el mo er a rengedel a Chedam er a Babaluades e dmak el telungalek el mo cherechar.

A Osobel a diak ledibus er a klengar kid er a chutem. Aika el mereko leru el klebesei e kede mla rongesii el mengedecheduch lokiu a rengellitel loungerachel me bol sebeched el mo kmeed er Ngii. Cherengel a taem, e ultuil er a beltikelreng me a chubechub er Ngii, e Ngii a melisiich er kid sel bodechau olibesongel er a klengar. A Nephi smodii el kmo: “A Dios a ngii a mla klisichek; e mla omekrael er ngak er a ringel bla ksiseb er a chelsel. … Ng mla mekekak er a beltikelreng er ngii.”

Tial beltikereng a bleketakl sel dolisiich er a ta me a tang er a Urerel.

Kede oldubech er a ngar el profet er a temel a klou el ongdibel, me a First Presidency, me a Chelechad er a Teruich me a terung, ma re General Authorities, me a Remengeteklel a Ikelesia. A oldubech a belkul a kmo kede kongei er a tara chad, el mngai osenged el msang, e otilii a klaumera er kid er tir, e oltirakl a tekingir. Tirka mengedecheduch lokiu ulekrael er a Rubak; e medengei chetituokel er chelechal taem, dikea metebechelii beluu, me a cherarou el di mengisois a urelel el melemall er a uldesuel a Chedam. Sel dodersii chimad el mo er a bab, e ngolchotel a blakelreng er kid lolngeseu, el diak di seikid el taem kede melemolem er a klengar kid er a bek el sils.

A oldubech a uldimukl er ngii odersel chimad el mora re merredel a stake ma rebisop, roungerachel a chelechad me a cheldebechel, resensei, me a roungerachel a camp me a omilil er a ward me a stakes. A denguu er a blai, e kede olngeseu er a rebechid el redil me a sechal, rengalek, rechedam me a rechedil, redekauchad el chad, me a retonari. Sel dolngeseu er a ta ma tang eng belkul a kmo, “Ak ngar tiang el kirem, ng diak di dodersii chimad el mo er bab e denguu el me riou el merekong kede bai mo mengelaod e melisiich er a chad.”

A teletael er a olngeseu a delalm el ngara chedaol llechukl. Sera le ngara Ralm er a Mormon, e tirkal dirk miltecholb el chedal a Ikelesia a tilbir “el mo ngosuir a tang me a tang er a chelngelel;… [e] mengelaod er a ngara klengit el reng, e mo dechor el sioning er a Dios er a rokui el taem me a rokui el tekoi, me a ngii di el basio”

A Jesus a dilu er a re Nephites el kmo: “Modersii el morbab a llomes el mobang me bol diich el mora beluulechad. Le Ngak a llomes el kiriu loldars er ngii.” Kede odersii a llomes er a Rubak sel durrekodel a telbiled e dekengei er a ngar el profet er kid sel losaod a tekingel a Dios.

A President Russell M. Nelson a millekoi el kmo, sel dosiou er a chelsel a Chelechad er a Teruich ma teru el Apostol ea, “Kengei er kemam el kirel a profet a ultuil er a blakelreng el mo kongei loltirakl aikel ledung.”

A kongei er a profet a chedaol ureor. Ng diak ki di mchelellakl aki bai mesisiich el mesebechakl er ngii, oltirakl a tekingel, e olisechakl a tekingel, e meluluuch el kirel.

A King Benjamin, er a chelsel a Babier er a Mormon, a dilu er a rechad el kmo, “Ngak a di uai kemiu, el soiseb er a betok el ringel er a bedengek me a uldesuek; eng di ak mla mengilt… e mesebechakl er a chimal a Rubak… e mucheliu er a klisichel, el mo mesiou er kemiu loba klisichek, uldesuek me a bedengek el Rubak a mla meskak.”

Osisiu, e a President Nelson, el dart a rekil a mla mesebechakl e mucheliu er a Rubak. A President Harold B. Lee, er sel taem el chedal a First Presidency, a dilii okesiu er a Moses er a ledechor er a rois el Rephidim. “A chimal a [Merredel er a Ikelesia] a locha mo mechitechut,” ng millekoi. “Ng locha mo ko er a ulekebekabs er a berredel a ngerchelel a uchul; eng di a bo durrekodel, e doltirakl er ngii, e dobengkel, e a chesmerel a beluu er a ngau a diak a klisichel er kau me a Israel. A uchul a sebecheklem me a sebecheklam a ultuil er a kmo kede oltirakl er tirkel tir a Rubak a mla ngoiteterir el mo menguteling er a Ikelesia er Ngii. Ngii a medengelii ngike el soal el mo oungerachel er tial Ikelesia, e ngii a diak el mecheuid.”

A President Nelson a meketeketa el rak losiou er a Rubak. A kllou el chad er ngii, betok a lodengei, e mellomes, me a melemolem chedaol ocholt lolai a kmal tokubets el melutk er chelechal sils er kid. Ng mla dmu el kmo: “A Ikelesia er a Jesus Kristo er a Uriul-klebesei el Santo a mengedmokl er a beluulechad el kirel sel sils el ‘beluulechad a mo mui er a llemesel a Rubak’ (Isaiah 11:9). … Tial ureor a nguu a klisichel lokiu a chedaol chais el tilobed er sera erul dart el rak er a memong. El di mle kleuid a tekoi er a chelsel: ’Ngkakid a Betik er a Renguk el Ngelekek. Mrengesii!’ (mesa Joseph Smith—History 1:17

A President Nelson a dirrek el mla melekoi el kmo: “Ng dirkak er a reksi er a beluulechad el klemedengei el kirel Osobel a kmal imis el mla mo klou a ultutelel el mo er a dersta el chad. Ka momtab er a rechedel a meringel mondai er a beluulechad el rokir—me a ikel ngara klengar er a dersta er kid—el mo mesmechokl omko kede rokui el melilt el mo oltirakl er a Jesus Kristo e olngesenges Osischeklel.”

Rodam me a rodos, ng kirel muut el mo blak a rengud el mesebechakl e mengesadel a mondai, lmuut el mo urrekodel a tekingel a Rubak, me a Teletelel, me a profet er Ngii, el ngii a mla dmu el kmo: “A tara kot el klou el ringel er chelechal taem a merritel er a delongelel a klemerang er a Dios me a chelbeldil a Diablong. Tiaikid a uchul e a Rubak a soal a ‘deblechoel meluluuch, … me luchul e [kid] bo de mesisiich er a Diablong, e bol … sebeched el chemiis er a chimorir a remesiungel a Diablong el melmolem ra [urellel] a cherareu.’ [Doctrine and Covenants 10:5; tmolech lomsodel].”

Tial mlomerek el Ongeua el buil, e a Sister Rasband me ngak a mlorngii a techellam el mesa profet er kid me a Sister Nelson er sel oterkeklel a Manti Utah Templo.

A Profet Nelson chilas a rengrir a rechad er a lesiseb er a delmerab. Le te di mle kesai er kemam a mle medengei el kmo ngmei. Sera lesiseb, eak di mle mereched el mo melchesuar a llomes me a chedaol dui er a ulaoch lobang. A deureng er a osengir a rechad el milsang a di mereko ngar ngak el mo cherechar.

Sel nglunguchel er a oterkeklel a templo, ea President Nelson a ulengit er a Rubak me tial Chedaol Blil bo lolisiich er tirkel rokui el me soiseb er a templo, “me lengai a chedaol klengeltengat e lolemolem el klikiid e blak a rengrir er a telbilir… me tial blai bol blai er a budech, e blai er a ongelaod, e blai er a chedaol ocholt el mo er tirkel rokui el klikiid el me soiseb er a chelsel.”

Ng kired el mo selbechakl lokiu ra Rubak el ngara budech, ongelaod, e sel kmal ngaruchei a chedaol ocholt bol sobecheklid er a dakt, iilkolk, me a ultok el mui er a beluulechad.

Uchei er a ki momuchel, ea ki dilchor rikl lobengkel a President me a Sister Nelson lomes er tial klebokel basio. A President Nelson a betok a rechedal el chad er tiaikid el basio. A re teai er a rulmechell er a rulmechell er ngii a kiliei er a bita er a templo, luldimukl er a rebebil er a rechedak. A demal a demak el rubak er a Andrew Anderson a ulureor lobengterir a redaiksang er tirkel mle uchelel a ikelesia el ulureor el teruich me a tal rak lomekedechor er a Manti Templo, longedei el templo el ngara Rocky Mountains.

Sera ki mdechor lobengkel a President Nelson, eng mlarngii a techellam el loldubech e olngeseu er a profet er a Dios er tial ungil klebesei er a oterkeklel a chedaol blil a Rubak. Ng meral diak kubes er ngii el sils.

“Kede omekedechor a templo lolchotel omengull el mo er a Rubak,” ng millekoi a President Nelson er tiakid el chedaol sils. “Aika mokedechor el kirel omengull ng diak el kirel osongel. Kede meruul a diak a ulebengelel chedaol ruoll er a chelsel.” Kede mengideb er a Israel.

A President Nelson me a reprofet ruchei er ngii a kmal lomekerreu aika el chedaol templo. Chelecha el sils, er a chelsel a beluulechad el rokir, e ngarngii a edei el dart me a okeim el chedaol blil a Rubak el usbechall, mla muchais a okedecherul, a lechub eng merael okedecherul er chelechang. Sera bol profet, er a 2018, e a President Nelson a mla ouchais a urerel a dart me a okolem me a kleai el templo.

“Chelecha el taem,” ngii a millekoi, “ea rokui, el merkong, e cherrungel el uldekial a rokui el renged, kiis, me a klisiich a mo merenged el mo dmak. (mesa Doctrine and Covenants 128:18) Aikaikid el chedaol moktek a uchul, e a chedaol templo a beriid er a beluulechad. Ak lmuut el meketeklii el kmo a okedecherul aika el templo a locha diak el ngedechii a klengar kau, eng di a ruoll er a chelsel a kmal mo ngodechii.”

“A Osobel me a Osischeklel a kmal chaidirengul a tmeplo,” ng melekoi a President. “A rokui el mosisechakl er a chelsol a templo, lokiu osisechakl me a Reng, a dochel a klemedengei er kid er a Jesus Kristo. A ikel klou a ultutelel chedaol ruoll er Ngii a rongedid el mo er ngii lokiu a chedaol telbiil er a priesthood. Me sel, doltirakl a telbiled, e Ngii a ousengk el me er kid Sel omekungil, omelisiich er Ngii.”

“A rokui el mo ngara omengull er a chelsel a templo,” ng mla melekoi a President Nelson, “a mo nguu a klisichel a Dios e a reanghel a mo ‘mengkerengir’ [Doctrine and Covenants 109:22]. Ng mekera a bol dechel a kellou el reng er kemiu sel modengei el kmo, kau el redil a dang e ke sechal el mla ngmai a chedaol klengeltengat er a templo [malechub e ke ngeasek el lomais el mora templo] el bleiull er a klisichel a Dios, meng diak bom chau er tial klengar el di kau el tang? Ng kol uangera el klisichel a reng sel modengei el kmo a reanghel a mo ngosukemiu?”

A reanghel el mo olngeseu er kid a ulecholt er a chedaol llechukl er sera Jesus Kristo bo loutubaruach el loba kle ngariou reng er a Sers er a Gethsemane. Ngokiu a ringel el mlo er Ngii eng kildmeklii a Tngakireng. “Seikid,” ng melekoi a President Nelson, “a kot el ngarbab lolchotel a beltikelreng er a chelsel a rokui el reksi…. Seikid er a lengara Gethsemane, e a Rubak a ’mlo er a ringel el kirir a rokui el chad, me tir el rokui… bo louchel a rengrir e lemei er ngii’ [Doctrine and Covenants 18:11].”

“Mnguu tial ringel er ngak,” A Jesus Kristo a ulelengit, “eng di diak lultuil er a soak, ng bai sel soam, bol motirakl.

“Ea anghel er a babeluades a dilum er ngii, el melisiich er ngii.”

Kid a iliuekl er a reanghel er chelechal sils. A President Nelson a mla melekoi el kmo, “[Chelsel a templo,] e ko mesuub el melai er a kateng er a eanged me a chutem, me a ongtmiu er a reanghel er a Dios el mo olngeseu er kemiu.”

A reanghel a oba llomes. Llomes er a Dios. A tekingel el mo er a re Apostol er Ngii el re Nephite e a Jesus a dilu, “Ngak a llomes el kiriu lurrekodel er ngii el morbab.” Mesel doldubech er a profet er kid, e kede ouchais el kmo ng mlokedong er a Osobel, el ngii a “llomes … er a beluulechad.”

President Nelson, a kumtechei er a rechedal me a resechelei er a Ikelesia er a Rubak el meliuekl er a beluulechad, aki omelchesiu el ngeltengat lurrekodel osischeklem, e urrekodel okesium el kiei el ua blekerdelel a Kristo, e urrekodel er a mesisiich el klaumera er kau er a Rubak e Osobeled, el Lolsobel er kid el rokui.

A kuchais er a sioning er ngak el apostol el kmo a Jesus Kristo a “llomes… er a beluulechad.” Kid el rokui, loltirakl er Ngii, “di durrekodel” er a llomes er Ngii. Loba ngklel a Jesus Kristo, amen.