Diyink’eh Na’idikidgo Ach’į’ Náhane’ Bikáha’jiłkid

Tracy Y. Browning Áyiilaa

Áłchíní Nantinjí alą́ą́jį’ yá Dahnahaztanígíí naaki gone’ dahsidá.

Azhé’é Ya’ąąshdę́ę́’ dóó Jesus Christ bina’nitin t’áá aníí ádiníígo bina’ádiiłkidgo binahjį’ nihíká’anáhi’nilchééhgo dadíníilzeeł.

Doochǫǫł shį́į́ dinosįįł, ndi t’áá shiidą́ądii nashá, áko benáshniih éí ólt’a’di yá biyi’di nahast’éi planets nahasdzaan yináákah nihídi’níínt’ę́ę́’ íídą́ą́’. Ła’ Planet, 1930 yęędąą’ hadazdees’į́į́’, Pluto yosyé’, at’ééd Venetia Barney ła’tsáádah binááhaigo yizhi’ yáh áyiilaa Oxford, Englandę́ę́’. Áádóó Pluto yá bi’yidí ts’ídá alááhdi si’ą haníígo 1992jį’ nihoolzhiizh. Iidą́ą́’’, da’olt’a’gone’ naaltsoos planets bida’alyaago dahnidaalchąąłgo Pluto aláahdi ahééhábąąsgo bidahwiiląą’ dóó íhoo’aah daníl’į́ bee’nahódahont’aah ńt’ę́ę́’. Ídahooł’ą́ą́’go nida’ałkaahígíí ádeenízin planets ałkéé nínil bilááhgóó, t’óó áhádin dóó doo siláhágóó hazą’.

Ákóndi, na’ádikid hólǫ́ íhoo’aah biłnahaząągi ła’ comet léi’ sǫ’ nahalingo t’áá aghą́ą́h dayoo’į́į́ ńdeełk’aahgo áko éish háádę́ę́’ daaní. Dóó t’áá éí bina’ádikidgo lą’í nááhai áko’índa nízaadi ła naahast’ao’ yináádadeezt’ą́ nihíyá biláádi. T’áá’ayá’hágo ééhózin choodayosįįd, nida’ałkaahígíí nináháhááh bit’a’ bá ashja’iilaago béésh nitsikeesí ła’ yénááda’deezt’ąągo t’ah biláhádi ináádahool’aah dóó ninááda’ałkaah. Ayóo á’t’éego yee’dadiizt’ąąnígíí éí nihíyá bilááhdi nááhast’ąądi pluto t’áá sahdi biłha’hoodzo’go alyaa áko kad éí tseebí planets nihíyá bii’.

Sǫ dóó planets alą́ąjį’ naazíigo yaada’ooł’t’a’ígíí dóó nida’ałkaahíí New Horizons wolyéego yá biyi’góó nida’ałt’a’í pluto áyíídídoo deinił’į́į́go ádaaní: “Nihíyá biłáhoot’éhígíí nihiłbéédahózin hwiindzin ńt’ę́ę́’. Doo nihiłbéédahózinda lą́. T’áá át’é planets nihíyá biyí dahnaaznilígíí nihiłbéédahózingo ádaat’éh daníídzin ńt’éé’. Dóó da’siilziih lą́.”

Shíni’ yideesnáá’ígíí éí yá ádaateii naalkaahgo hazhó’ó bik’i’da’diit’įįhgo hoolzhish bááłtiist’gí éí Diyin God bitsąądę́ę́’ nihiikááh ba’áłchíní daniidlį́go éí binahji’ bik’idadiit’įįhgo nihiłhoolzhish, diyink’ehgo na’ídiilkid nihich’į’ náhodooni’ bik’áhádeet’į́’. Ayissíígii, diyink’eh ak’i’diit’įįh nihiłnidantłago haadadiinííł dóó hait’áo naaniilzeełdoo nihiziilgo bich’į’ hasht’e’ ádadidiilnííłzin t’ááła’í niidzinígo—dóó háádę́ę́’ nihíká i’doowoł.

Bíhoo’aahígíí ałkéé’ sinil

Na’ádikid dóó ak’i’diit’įįh bikah ha’iilzíidgo éí t’áá ákwiit’į́į́ dooleełgo ánihi’diilyaa dóó bee ni’ bikaa iiná ádeilnééh. Łahda, na’ádikid doo tsį́į́łgo t’áá hoshch’į́’ ałtso nihił iishjąą ádaalne’da áko éehodoozį́į́l yę́ę t’ahdii bihwiilzááh łeh, áádóó éí bitsąądóó yiní doodaii’ haada’hoot’įįh. T’áádóó beenoolninída, Yá’ąąshdę́ę́’ Azhé’é bee’iłhózhǫ́ bihoot’ááł éí t’áá’ánííltso nihá át’é éí bee naas yidaał biniiyé azhą́ bi’ohnííl’ą́ą’ ndi dóó ha’át’í shį́į́ t’áá nihízhání ch’ééh baa’at’í’t’į́įh łeh, azhą́ doo t’áá áłtsoní bik’i’diitį́į́hda ndi. Diyin God bihoot’aał ajooba’ át’é éí nida’ ayiilzííhgo biniiyé; nihiYisdá’́íińíilii, Jesus Christ, nihich’į’ ayííł’a’, Na’niłkaadí Yá’át’ééhii; dóó sih yee nihidiisnáágo t’áá nihí ádéeniidzingo bikéé nisiidzį́.

Elder Dieter F. Uchtdorf na’neeztąą’ éí “na’ízhdilkidgo éí doo hadziilgo áha’níída,”ndi “bee anooséél át’é”. T’áá aaníínii hadíít’į́į́’go Diyin God yáhalne’ii, President Nelson ánihiłní, “nihijéi bitłaahdę́ę́’ laanaa daníídzingo” dóó tsodadiilzin nihijéi biyidę́ę́’ [dóó] t’áá aaníí ádadiiníígo [Jesus] Christ deeníídlą. Áádóó nináánhineezt’ąą’ éí t’áá aaníí íinosingo diyingo hiłhoone’go bik’ehgoo ádiinííł.”

T’áá nihí iłééhózin beedadíníílzeełgo nihi na’ádikid baantsíkeesgo, da’nidantła’ish ałta’niniłgo doodaii ha’át’iishą, nák’ee sinilí biníkáadę́ę́’ ná’iłnaanígíí dóó bohodit’í’ii, haalzíídgo ha’át’áo’sh kót’é ha’níígo áádóó baayah’at’i’go nihił éédahoozįįh’ dóó daatsí ilinę́ę ééhózin ádadoołnííł. Diyink’eh iłééhózin biká ájit’į́į́go, díí baa ntsáhákeezgo baa yá’át’́i’ ałkéé’ honí’ąą, ákondi, t’áá bi’oh yileeh ndi łahda t’á chooįįh’, éí t’áá bizhanígo, doo bííghahda. Hozdosingo holbééhózin Yá’ąąshdę́ę́ Azhé’é Bí dóó nihí Yisda’iiníiłii, Jesus Christ, Bina’nitin, BiSodizin, dóó Bihoot’áał t’áá ałtso nihá át’é.

Diyin God Azhé’é dóó BiYe’ kót’éego Biłééhózin éí ts’ídá áłtséh Diyingo Ayi’sizíinii bi’ádziil yidiikił éí t’áá ła’í níídzinígo nihina’nt’inii nilį́ Jesus Christ nihí’iina’ áłníígi iníílzingo dóó yiniidłąągo Bi’ach’į’ náháhne’ dóó Bi’ák’i’diit’įįh hádíit’į́į́’ dooleeł. T’áá’aniiníí nihiłbééhoozįįh nihiłní bee niná dahwiit’ááhgo Diyin God Bizaad deinííltá’doo dóó dííj́į́į́di t’áá’aníínii nihiłiishją ályaa’ígíí hádiit’į́į́’ éí nihá át’é, díísh jį́į́góó Diyin God yá dahalne’ii dóó bikee naazíínii yee nihiłdahalne’. Ńdanhookąąh Diyin God bighan góne’ t’áá’hąąh dahoodíínósingo yah’andaakah nitséédadogohgo sodadolzin “yá’ąąshdę́ę́’ hoł’ééhoozįįh biniyé.” Sermon on the Mountgi t’áá aaníínii deididootsįįł biniiyé ahííkaa’igíí éí Jesus yich’į́’ ádeehadoodzííh éí ni’bikáágóó yee na’neezt’ąąnę́ę́’ dííjį́į́di t’ahdii t’áá ákoní: “Na’ádíłkid, niłhodooní; hadini’į́, yidííltsééł; daadilkał naniłt’ąsh, áko ná ąą’ádoolnííł.” NihiYisdá’íiníilii ání éí “nihiZhé’é yá’ąąshdi hólǫǫnii t’áádoo le’é yá’át’ééhii nihee doolééł bíínókeedgo.

Diyin Bóhólnííhii díígi’át’éego na’nitin “ałkéé’ dasdzohgo, bina’nitin ałkéé’ sinilgo.” Kóda’nihididoonííł “t’ah áłtséh Diyin Bóhólnííhii biba’” ałkéé dasdzohgo biki’diit’aanígíí bit’a’ honí’ą́, dóó naa’bikéédę́ę́’ ła’ nihich’į’ kwináádoolnííł. Díí hodilzingo haz’ą́gi nihi’iiná ayoi át’eego łahgo ádoonííł diyinkehgo diníílzeeł—ákwe’é “iłhodeezyééł nihiłhólǫ́ǫ́go” t’áá íiyisíí biká ádeet’į́ dóó nihidziil nídiidłeeł áko Diyin God biłaha’dadiit’ą́ąnę́ę náádadiiníílzin dooleeł.

Yá’ąąshdę́ę́’ Azhé’é dóó Jesus Christ biłaha’dadiit’ąąnę́ę́’ binahjį’ biłhaząądi yah’anáhidiikah. Dóó áádi nááhoníídlǫǫ dooleełgo nihí’iina’ hazhó’ó ádiilnííł diyinkeh iiná beehaz’áanii biiłt’éego dóó yéego hoodiiníílzingo anóosééł bóhwiidiiląął.

Ak’ehół’į́

Naaltsoos Mormon wolyéhígíí na’nitin biyi’ éí t’áá ákónéehee át’éii Diyin God ba’áłchíní ak’ehołį́ yee ádadiistł’is dóó ałha’dit’aah deedósingo, diyink’ehgo áká’aná’áwo’ bee bik’ihojídlii’go hoozhiizh. Diyin God ánihiłní ak’eh dahónííł’į́į́’go dóó wołí bee ádeit’́įįhgo, nihiłéédahódoozį́į́ł dóó dahoníídzą́ą dooleeł. Diyin God yeehas’áanii dóó bibeehaz’áanii doo nihí’iiná yidinółtł’a biniiyéhda ndi adziilgo bee hoot’įį’go nihiłiishjąą é’éł’į́ dóó dadílzinii bóhwiidiil’ááł. President Nelson t’áá ayissíí t’áá’aaníinii yee na’neeztąą’ éí “Diyin God bits’ą́ą́dę́ę́’ hane’ hooláágóó Bibeehaz’áanii biłdeit’éeh” áádóó éí “tsídá doo Bina’nitin bits’ą́ą́jí yileehda.” Diyin God bibeehaaz’áanii t’áá ni’íininízingo bik’eh honíł’į́, azhą́h biniiyé aníłninígíí doo niłbééhózinda ndi, Bádahalne’ii bitah honilǫ́ǫ́ andoolííł. Moses ashdla’go hazą́ yee na’nitin éí Adam dóó Diyin God bá naal’a’í bita’gi áhóót’įįd.

Diyin God “beehaz’áanii” Adam dóó Eve yeediní’ą, áádóó bik’idjį’ “Diyin God diinósin, dóó naaldłooshii áłtsé nidaach’íhígíí, nááhiłnííh Diyin God bich’į́’,” Bizaad ání éí “Adam yik’eh hóół’įįd Diyin God bibeehaz’áanii.” Naas da’ííníilt’a’go “lą’í yiskáádóó bik’idjį’ Diyin God bá naal’a’í Adam yaniyáágo, nabídííłkid: Ha’á’tíísh biniiyé náá’ayílniih? Áádóó Adam kóiyidííniid: Doo shił bééhózinda, ndi Diyin God áshidííniid.“

Adam bi’ak’ehół’í aląąji’ áádóó bee ak’i’diitįįh dóó hasht’e’dinééh baadoolyééłgo éí iłééhózin dolzinii éí atah e’elééh dilzinii bee bik’i’diit’įįh éí Jesus Christ bi’dił yee nihá niná’idla át’é. Hojooba’íníídzingo ak’ehóníílį́įgo, ákot’áo, nihá ashja’iilaago Diyin God bi’ í’oołįįł bik’i’didíítįįł dóó diyingo bee í’oołįįł éí t’áá ła’í niidzinígo niha át’é. Yéigo ak’ehónííł’íígo Yisdá’íiníiłii, Jesus Christ nihił hólǫ́o dooleeł, háálá Yee’has’áanii dóó Bibeehaz’áanii bik’ehonííłįįgo bich’í’ ha’ííníílní.

T’áá biláhágo, baa’ahéé ilí íihoo’ąah dóó iłééhózin t’áá idąą’ bee nihikihojisdłíí’ Diyin bina’nitin dóó Diyin God bił ałha’dadiit’anígíí diníílzingo éí íyisíí bee hasht’e’ hanéé Diyingo IIsizíínii nihiłhólǫ́ǫ biká anéélwo’ doodłeeł.

Yá’ąąshdę́ę́’ Azhé’é dóó Jesus Christ bits’ą́ą́dę́ę́’ t’áá aníinii t’áá ałtso deiít’éé dóó Biłééhózin nihich’į’ yeedlee’. Áádóó, nihiłbééhózin bik’i’dadiit’anígíí doo t’áá nihí ádeet’įįda Diyin God t’áá bídin ndi t’áá heishį́į́ nihíká ádoolwołígíí yich’į́’ anhidooł’aał dóó haadi niha’ahódlí nidiilyééł.

Ayoo Ba’hodłi

Diyin Bizaad Sání biyi’dę́ę́’ hane’ éí Naaman bá nidaabaahii yinaat’ááh nilį́į́go łod naałnįį bidoolna’go Diyin yá halne’ii Elisha nábííłdzíí’, éí hane’ ayóo bíneeshdlį́. Díí bee ak’i’diit’įįhgo hane’ “naala’í yázhí” joolyé hwe’oodlą bidziilgo diné ła’ bi’iina’ łahgo ayiila, dóó bééhoozį́į́d éí Diyin God bi’ajooba’ bidadéiłnįįd Bada’ólíígo da’boodláanígíí t’áá ałtso, dóó Bá dahalne’ii. Bizhi’ ádin ndi, díí t’ah at’ééd nilį́įgo ałdó’ nihi’aki’diitįįh nihá yíideezyil náásgóó yit’ih dooleełgo. Dóó Naaman at’eed yázhí bi’oodlą’ bidiisnáágo oosdląąd áádóó Diyin God bá halne’í yik’ah cho’osįįd ná’ádziih biniiyé.

Diyin God yá halne’ii Elisha bina’ntin Naaman bee biłhoone’ éí Jordan tooh nlínígíí bíí’ tá’ádidoogisgo nt’éé áłtsé ayahoozlíí’ áádóó yik’ee nídiilt’ááł. Ndi Diyin God yá’halne’í bina’nitin bik’ehoniil’į́ bi’doonííd áko nidoodzihígíí bá ashja’iilaa dóó Diyin God t’áá’aaníí át’éíigo biłbééhoozin.

Diyink’ehgo ákáh’e’eyeed yinííkeedgo ła’ ach’į’náháne’ t’áá bééhózínígo bik’ididiit’į́į́łgo át’é ńt’ę́ę́’ dóó doo shį́į́ yéego bik’ee t’ihwíidiiłníhda. Doodaii’, Naamangi’át’áo, biki’didiit’į́į́ł éí t’ah alááh adziilgo nihich’į’ nidahwiił’ná éí bik’ee da’hóyéé’ dóó ndantł’a’go ałtah’át’éego baadanihíni.’ Doodaii, yá biyi’ sǫ’ ndeełkaahii solar system kot’é dadiinííd t’óó áłtsé éígi’át’áó, hada’níít’áhígíí éí diyink’eh t’áá’aniiníi, t’áá nihábííghahígíí bik’i’ da’diit’į́į́hgo dóó éí t’éiya ba’da’ííníídłíígo doo hazhó’ó nihiłééhózinda dooleeł, ąąhnahakaad dóó t’óó baahasti’ígi áhoodzaago Diyin God biłaha’dadiit’ą́ąnę́ę́’ bits’ą́ąjigo anhidínóó’a. Dóó naa’áłdó, ła na’ídikid shį́į́ t’áá nihi’da’diił’á’ Diyin God, éí “ayóo áboodziil” dóó “t’áá áłtsojį́ biłééhózin,” dóó t’áá ałtsoní yik’i’diit’įįh, éí “t’áá ałtsoní yaa’ákónízin” Bi’ajooba’ yee, nihi’oodłą’ bidziil dooleeł Bizhí binahjį’.

Łah éí t’áá ti’ída Naaman doo Diyin God yeehasánígíí dóó bibeehaz’áanii doo yike’hoolį́į́góó bi’oodła doo dinǫ́ǫ́sééłda doodaii yidinǫ́ǫ́łtlah. Nihi kí’hojisdłii’ Jesus Christ Tsídí Aláhdi nihi Na’áłdziihii nilí. Diyin God yee has’áanígíí dóó bibeehaz’áanii bik’ehooníilį́į́go nihi Yisda’iinííłii bich’į́’ nihá ąą’áhodoonííł áko aki’didiitį́į́h dóó nanhidooldzih éí bidin’níídłį́į́go biłbééhózin, yee nanhidoołdzihígíí nihá yinahazą́.

Elder Richard G. Scott naneeztąą’ éí “díí iiná bitsąądóó Diyin ba’ódlí bíhoo’aah —Jesus Christ ba’ííníídlí, Bina’nt’in ba’ííníídlí, t’áá binííl’anígo Diyin Ii’zizíínii nihił hólǫ́ǫ na’nitin bik’eh honííl’į́į́go t’áá k’ad nihił hózhǫ́ biniyé dóó naasjį’, ayóo át’éego nihiłdahózhǫ́ǫ ahooláá dooleeł. Diyin God ba’joolíígo bik’ihojił’į́į́ dooleeł azhą́ kodóó dóó nee’nijį’ doo hołééhózinda ndi (ninił’í Prov. 3:5–7). Tsin bineest’́ą dínííłt’į́į́łgo, Diyin God baa’íínlíhígíí alááh bidziilgo bee ánít’į́į́doo dóó alááhgóó t’áá ákwot’éedoo éí bee ádaajííndlíígo ntsín’keesígíí dóó ániłínígíí t’áá a’oh.

Elder Scott t’ah na’nitin: “Hwi’oodlą bidziil dooleełgo Diyin God biłbééhózinígíí joodłą dooleeł haayit’éego nindoolnish dóó ła’yidoolííł ahooláágóó ná yá’át’ééhígíí azhą́ doo bik’ídiit’įįhda ndi.”

Oodlą’ bee ałchį́’ánálnééh

Yá’át’ééh shik’is nołíiníí, íinishdłąą díí na’nitin t’áá’aníí áha’níígo na’ázhdiiłkidgo Zhé’é Diyin Ya’ąshdę́ę́’ dóó Jesus Christ ak’idiit’į́į́h yee nihíká análwo’go dinííłzééł. T’áá shí Diyin Bóhólníihii diyink’ehgo na’ádishkidgo diyink’ehgo ach’į’ náháne’ biinishkeedgo—ałkidą́ą́’ígíí doo diijídi’ígíí—saad bit’a’nahaz’ą́ą́’góó ak’i’diisht’įįh dóó Diyin God bizaad nabinisht’aago bik’eh honish’iish dóó diyink’ehgo shiłbééhózinígíí éísh diinísin.

Díí shi’oodłą’go ádishní éí nihiZh’é’é Yá’ąąshdę́ę́’ dóó Bá dahalne’í nihich’į’ ayiis’a’ígíí bada’iiníídłíígo, nihíká anáhjahgo diyink’eh nihi’oodlą deigo dahdinoosééł dóó naasjigo Diyin God ́biyá k’ee’ąą hodilzhíísh bich’i. Han’sidígíí łahgo ádoonííl háálá ní łahgo ádiinííł. Diyin God biłbééhózin t’ahwodaahádi honílǫǫgo, t’áá nizáádgóó ííní’į́. NihiYisda’iiníiłii ákóde haninááh niłní. Jesus Christ bízhi’ binahjį’, aamen.