Peñesentra témplore

Che hermano ha hermana-kuéra pohayhuetéva, ko’ã cinco conferencia general sesiõ hechapyrãitévape, jahecha jey yvagakuéra ojepe’árõ! Añembo’e taperregistra ha pesegi umi pene impresiõ. Ñande Ru Yvagagua ha Ita’ýra Ohayhuetéva, Jesucristo oĩmbaite hikuái penepytyvõ hag̃ua. Pomokyre’ỹ peñeha’ãve hag̃ua pehekávo Ipytyvõ.

Ramoite, hermana Nelson ha che rorekókuri oportunida rohecha hag̃ua pe temporada pyahu irundyha serie Mormón Kuatiañe’ẽ videokuéra rehegua.¹ Roñeinspirákuri hesekuéra! Pehejami tahechauka peẽme michĩmi upe escena orrepresentávagui pe Salvador jehechauka nefita-kuérape.

Imba’eguasu pe Salvador oiporavo hague ojehechauka tekovekuérape témplope. Hóga ningo. Henyhẽ Ipokatúgui. Ani araka’eve ndajahechái Ñandejára ojapóva hína ñanderehe. Ha’e ojapo hína hasy’ỹve jahupyty Itemplokuéra. Oñembopya’e hína ritmo oñemopu’ãháicha templokuéra. Ha’e ñanembokatupyryve hína ñaipytyvõ hag̃ua Israel ñembyatýpe. Ha’e ojapo avei hína hasy’ỹve ñandéve ñañerrefina espiritualmente. Apromete peẽme pehasavérõ tiempo témplope upéva ohovasataha pende rekove umi forma ijojaha’ỹvape.

Ko’ag̃aite jaguereko 168 templo ofuncionáva ha 53 templo pyahu oñemopu’ãva hína ha ambue 54 oĩva hína construcción mboyve diséño fásepe!² Cherory a’anunsiávo ore plan romopu’ã haĝua peteĩ templo pyahu ko’ã tendápe:Busan, Korea; Naga, Philippines; Santiago, Philippines; Eket, Nigeria; Chiclayo, Peru; Buenos Aires City Center, Argentina; Londrina, Brazil; Ribeirão Prêto, Brazil; Huehuetenango, Guatemala; Jacksonville, Florida; Grand Rapids, Michigan; Prosper, Texas; Lone Mountain, Nevada; ha Tacoma, Washington.

Avei roplanea hína romopu’ãvo heta témplo umi área metropolitana guasúpe ojeiporavopyréva, pe tiémpo ojeho hag̃ua témplo oĩvape ijetu’uetereihápe. Upévare, avy’a a’anunsiávo irundy tenda adicional Ciudad de México ypýpe oñemopu’ãtahápe umi témplo pyahu, Cuernavaca, Pachuca, Toluca, ha Tula.

Che Hermano ha hermana pohayhuetéva, añembo’e tapeñesentra hag̃ua témplope araka’eve pejapo haguéicha. Pohovasa peñemo’ag̃uive hag̃ua Tupã ha Jesucristo-re ára ha ára. Che Pohayhu. Tupã toĩ penendive jajuecha jey peve, ajerure’asy Jesucristo réra sagrádope. Amén.