Peteĩ discipuládo oduráva
Jajuhukuaa confianza ha py’aguapy espiritual ñamongakuaávo umi marangatu reko ha tekojoja rutina ikatúva omantene ha oalimenta ñande jerovia.
Verano ohasava’ekuépe, hetave 150.000-gui ñane huventukuéra opa mundo jerére okakuaa ijeroviápe oasistívo peteĩ umi cientos-gui conferencia “Para la Fortaleza de la Juventud térã FSY-pe, oduráva peteĩ semana. Hetápe g̃uarã, oasisti upe conferencia-pe ha’ékuri peteĩ acto de fe, pe aislamiento rire pandemia rupi. Heta umi huventu opartisipáva osegívaicha peteĩ kúrva peichaguáva, ohóva yvate gotyo peteĩ konversiõ pypukuvépe. Opávo upe semana che aporandu jepi chupekuéra: “Mba’etekópa oikora’e?
Sapy’ánte ombohovái hikuái kóicha: “Néi, Lunes che pochýkuri che sy ndie chembou haguére ha ojapouka chéve kóva. Ha ndaikuaái mavavépe. Ha apensa ndachegustamo’ãiha. Ha ndarekoichéne ni peteĩ angirũ. … Ha katu ko’ág̃a viernes, ha apytasénte ko’ápe. Añandusénte pe Espíritu che rekovépe. Avivise kóicha.”
Peteĩteĩ hikuái oreko hembiasakue omombe’ukuaáva umi momento hesakã porãvagui, dones espirituales ombyaho’i ha omyañáva chupekuéra yvate gotyo upe kúrva jekakuaa reheguávape. Ko verano-pe FSY chemoambue chéve avei, ahecha rupi Tupã Espíritu ombohovaimemévo umi potapy joja oĩva umi multitu huventu korasõme, oñembopy’aguasuva’ekue ojerovia hag̃ua Hese ha oñemoĩ peteĩ semana aja Iñemo’ã guýpe.
Umi ygáicha ijape acero-guigua ojajáiva mar-pe, ñande jaiko peteĩ ambiente korrosívope ñamanteneva’erãhape a conciencia umi ñane convicción overapáva, térã ndaupeichairõ, ikatu ojerraja, ojekorroe ha upéi oñembyaipa.
Mba’e mba’e ikatu jajapo ñamantene hag̃ua umi ñane convicción rata?
Umi experiencia conferencia FSY –ichagua, campamento, reunión sacramental ha misiõ ñanepytyvõkuaa japuli ñane testimonio ha ñandegueraha umi kúrva jekakuaa ha descubrimiento espiritual rupi tenda oĩháme py’aguapy. Ha katu mba’e jajapova’erã japyta hag̃ua upépe ha [ña]ñemotenonde ñemovãʼỹme Cristo-pe” (2 Nefi 31:20) jajevy rangue? Jajapomemeva’erã umi mba’e ñandegueruva’ekue upépe peve, raẽvete, ñañembo’e py’ỹi, ñañapymi escritura-kuérape ha jaservi añete.
Alguno ñande apytépegui ikatu oñeikotevẽ ñamomba’apo ñande jerovia Ñandejárare jaha hag̃ua reunión Sacramental-pe. Ha katu ñaime rire upépe, Ñandejára Santa Cena influencia oporomongueráva, umi evanhélio principio-gua infusiõ ha tupaogua comunida jepytaso ojapokuaa tajaha jey ñande rógape ñanembaretevévo.
¿Moogui ou pe pu’aka oĩva ñandeatyrõ en persona?
FSY-pe cientos de miles ha hetave ñande huventu ou oikuaa porãve hag̃ua Salvador-pe, upe simple formula rupi ijatývo oñondie, oĩhápe mokõi térã hetave ijatýva Hérape (tojehecha Mateo 18:20ostudiávo ha omoĩvo en práctica pe evanhélio ha escritura-kuéra, opurahéivo oñondie, oñembo’évo oñondie ha ojuhúvo py’aguapy Cristo-pe. Upéva ha’e formula nembaretéva ñemombay espiritual-rã.
Ko tuicha hermano ha hermana-kuéra aty ohóma ko’ág̃a hógape odetermina hag̃ua mba’épa he’ise jasegi “jajeroviávo Ñandejárare”(Proverbios 3:5; 2022 huventu téma) ñaime vove pe mundo sarambi ryapu mbytépe. Peteĩ mba’e “ñahendu Chupe” (José Smith—Historia 1:17) peteĩ tenda kirirĩme libros canónicos abiertos reheve. Ha katu ambue mba’e jasegi ñande discipuládo mundogua distracción avalancha guýpe, ñañeha’ãva’erãhápe “ñahendu hag̃ua Chupe”, jepe pe ayvu mbytépe heñóiva egocentrismo ha jeguerovia’ỹme. Ndaipóri duda ñane huventukuéra ohechaukaha umi héroe rehegua kalida añetéva oiporavórõ ikorasõ ha iñakã opytataha firme umi ko’ag̃agua valores morales oñemoambue mantéva renondépe.
Mba’e ikatu familiakuera ojapo hógape omantene hag̃ua pe ímpetu ome’ẽva tupaogua actividakuéra?
Sapy’a aja aservi Mujeres Jóvenes de estaca-gua presidenta ména ramo. Peteĩ pyhare oñeasigna chéve amoĩ hag̃ua galletita pasíllope che rembireko oreko aja peteĩ charla fogonera umi túva ha itajyrakuéra ndie ojepreparáva hína Mujeres Jóvenes campamento-rã semana oúvape. Omohesakã rire moõpa ijatýta hikuái ha mba’épa oguerahava’erã, ha’e he’i: “Martes pyhareve pehejávo pende rajykuérape autobús ykére, peñañua hatã, ha pehetũ chupekuéra despedida ramo, ndojevymo’ãigui hikuái”.
Ahendu peteĩ pyahẽ’imi, ha añeme’ẽ en cuenta chehákuri. ¿Ndojevymo’ãi hikuái?
Ha katu ha’e he’ive: “Peheja vove umi mitãkuñame upe martes pyhareve, ha’ekuéra ohejáta tapykuépe umi distracción mba’e iñimportante’ỹva rehegua ha ohasáta peteĩ semana oñondie oaprendévo, okakuaávo ha ojeroviávo Ñandejárare. Roñembo’éta oñondie, ropurahéita ha roñekosináta ha rojoservíta ha rokompartíta ore testimonio oñondie ha rojapóta umi mba’e ojapótava toñandu hikuái ñande Ru Yvagagua Espiritu opa upe semana aja, opyta peve impregnado ikanguekuéra peve. Umi mitãkuña pehechátava oguejývo pe autobús-gui pe sábado ndaha’emo’ãi umi pehejava’ekue martes. Ha katu ha’éta mitãkuña pyahu. Peipytyvorõ chupekuéra oñemantene hag̃ua upe plano ijyvatevévape, ha’ekuéra penemondýita. Ha’ekuéra okontinuáta oñemoambue ha okakuaávo. Ha pene familia avei”.
Upe sábado oiko ha’e he’ihaichaitékuri. Ambyaty aja umi tienda de campaña, ahendu che rembireko ñe’ẽ pe anfiteatro michĩ ha ijyvyramáta hetávape ijaty haguépe umi mitãkuña oho jey mboyve hógape. Ahendu ha’e he’i: “Oh ko’ápe peime hína. Ore poroha’arõ hína kuri opa pe semana. Ore mitãkuña sábado-gua”.
Umi Sión-gua huventu hekojojáva onavega peteĩ ára hechapyrãitévare. Oreko pe tembiaporã ojuhu hag̃ua vy’apavẽ ko mundo guyryry ojeprofetisava’ekue mbytépe, ha’e’ỹre parte upe múndogui, iciégova umi mba’e marangatúpe. Ojapo cien áño rupi G. K Chesterton oñe’ẽ ohecharõguáicha upe tembiaporã okonsistiha oñecentrávo ógape ha oñepytyvõvo tupaóre he’ívo: “Jahechava’erã ko universo peteĩ ogro castillo-icha, jajagarrava’erã por asalto, ha katu upéicha avei, ñande cabaña-icha ikatuhápe jaha jey pyharekue” (Orthodoxy [1909], 130).
Po’arã, ha’ekuéra ndohoiva’erã ha’eño ñora’irõme. Ha katu oreko ojupe. Ha pendeguereko peẽme. Ha osegi hikuái peteĩ proféta oikovévape, presidente Russell M. Nelson, oisãmbyhýva ikyre’ỹ intencional reheve vidente ramo omomarandúvo pe tembiapo tuichavéva ko arapegua—Israel ñembyaty—tuichaiterei ha hechapyrãta. ( tojehecha “Juventud de Israel” [devocional mundial para jóvenes, junio 3, 2018-pe], HopeofIsrael.ChurchofJesusChrist.org).
Ko verano-pe, che rembireko, Kallen, ha che rojapo eskála Amsterdam-pe, pe tavaguasu ag̃uahẽ haguépe misionero pyahúicha ojapóma heta ary. Heta mese roñeha’ã rire roaprende hag̃ua pe neerlandés ñe’ẽ, ore vuelo KLM og̃uahẽ pota ha pe capitán ojapo peteĩ anuncio noñentendéiva pe parlánte rupi. Peteĩ momento kirirĩ rire, che rembireko he’i mbeguemi: “upéva ha’évaicha chéve neerlandés”. Roma’ẽ ojuehe roleévo ore mente: Ñakañyetema.
Ha katu nda’opamba’éi oĩkuri perdido Che mandu’a aja maravillado umi salto de fe rome’ẽva’ekue upéramo roguatávo upe aeropuerto-re umi milagro gotyo oñehẽtava ore ári misionero ramo, peteĩ misionero, oikovéva, ojupíva hína pe aviõme oho jey hag̃ua hógape, che gueru sapy’a de golpe upe momento-pe. Ha’e oñepresenta ha oporandu chéve: “Presidente Lund, mba’épa ajapóta ko’ág̃a? Mba’épa ajapova’erã añemantene hag̃ua mbarete?”
Néi, upéva ha’e porandu ojejapóva umi huventu opakuévo FSY conferencia, campamento, témplope jeho ha káda oñandu jave umi yvága pu’aka.
Añandu peteĩ mborayhu tuicha upe misionero oservíva hína umi hi’aravo paha imisiõme, ha upe momento kirirĩ espíritu rehegua, ahendu che ñe’ẽpu ojeka’imi ha’évo chupe sencillamente: Nde ningo natekotevẽi regueraha peteĩ placa regueraha hag̃ua Héra”.
Amoise che po ijati’y ári ha ha’e chupe: “Rejapóta kóva: Tereho ógape ha ha’e ndete ha’eháicha ko’ág̃a. Nde niko neguenoiterei haimete remimbíva pytũmbýpe. Umi disciplina ha jehasa’asy misiõmegua ojapo ndehegui peteĩ Tupã ra’y hechapyrãitéva. Ejapomeme nde rógape pe rejapova’ekue ko’ápe ha oikoporãiteava’ekue ndéve g̃uarã. Reaprendeva’ekue mba’éichapa reñembo’eva’erã, mávapepa reñembo’e ha pe ñembo’e ñe’ẽ. Restudia Iñe’enguéra ha rehayhu pe Salvador-pe reñeha’ãvo ha’e hag̃ua Ha’éicha. Rehayhu Túva Yvagaguápe, pe Salvador ohayhu haguéicha ITúvape; reservi ambuekuérape Ha’e oservi haguéicha, revivi mandamiento-kuéra Ha’e ovivi haguéicha, ha ndaikatúi vove, eñearrepenti. Nde discipuládo ndaha’éi peteĩ eslógan peteĩ camisétape; ko’ág̃a nde discipuládo ha’e revivi nde rekove ambuekuérape g̃uarã. Ko’ág̃a, tereho ógape, ha ejapo upéicha. Taha’e upéva. Emantene upe ímpetu espiritual nde rekove pukukue.
Aikuaa jajeroviávo Ñandejára Jesucristo-re ha Ikonveniokuéra rapére, jajuhukuaa confianza ha py’aguapy espiritual ñamongakuaávo umi marangatu reko ha tekojoja rutina ikatúva omantene ha oalimenta ñande jerovia. Tañañembojave upe tata akuvýre ha taha’e ha’éva pe oikóva, japyta upépe. Jesucristo rérape, Amén.