ʻOku ʻIlo ʻe Lusi ʻa e Moʻoní

Ko e fakaava ʻe ha kiʻi taʻahine ʻa e matapaá ki ha kulupu ʻo ha kau tangata kae tangutu ha fefine ʻi ha meʻangāue lalanga tupenu

ʻI ha ʻaho ʻe taha, naʻe tokoni ʻa e taʻu 15 ko Lusi Moalií ki hono kaungāʻapi ko ʻApikale Tanielá, ke lalanga ha tupenu. ʻI heʻena ngāué, naʻe tukituki atu ha kau faifekau ʻe toko tolu ʻi he matapaá. Naʻa nau pehē naʻe fekauʻi kinautolu ʻe Sīsū Kalaisi ke vahevahe ha pōpoaki.

Fakafulofula ʻa e fefine ʻi he lalangaʻanga tupenú kae talanoa ʻa e kau tangatá mo e kiʻi taʻahiné

Naʻe talaange ʻe he kau tangatá kia ʻApikale mo Lusi kuo ui ʻa Siosefa Sāmita ke hoko ko ha palōfita. Naʻa nau fakamatala foki kiate kinaua fekauʻaki mo e Tohi ʻa Molomoná.

Ko hono tuli ʻe ha fefine ʻita ha kakai tangata mei hono ʻapí

Naʻe fuʻu ʻohovale ʻa Lusi ʻi he ʻita ʻa ʻApikalé. Naʻá ne fekau ke mavahe ʻa e kau faifekaú.

ʻOku sio ki mui ʻa e kau tangatá kae tulimui atu ʻa e kiʻi taʻahiné ʻiate kinautolu

Naʻe ʻiloʻi ʻe Lusi ko e kau faifekaú ko ha kau tamaioʻeiki kinautolu ʻa e ʻOtuá. Naʻá ne talaange ke nau ʻaʻahi ange ki hono fāmilí naʻa nau nofo ofi mai pē.

Kau tangata ʻi he tēpile maʻu meʻatokoní mo e kiʻi taʻahiné mo hono fāmilí

Naʻe ʻalu ʻa e kau faifekaú ki he ʻapi ʻo Moalií. Naʻe fakaafeʻi ʻe he ongomātuʻa ʻa Lusí ʻa e kau faifekaú ke akoʻi kinautolu mo honau ngaahi kaungāmeʻá.

Taʻahine ʻokú ne ʻai ha taueli ʻi he uma ʻo ha fefine lolotonga hono papitaiso ʻo ha taha kehe ʻi ha vaitafe mei mui

Naʻe papitaiso ha kakai ʻe toko 17 ʻi he pō ko iá. ʻI he ngaahi ʻaho siʻi hono hokó, naʻe fanongo ha kakai tokolahi ange ʻe toko 50 ki he kau faifekaú pea papitaiso kinautolu. Naʻe aʻu pē ki he kaungāʻapi ʻo Lusi ko ʻApikalé naʻe liliu ʻene fakakaukaú. Naʻá ne fili mo hono husepānití, fakataha mo Lusi mo e kau mēmipa ʻo hono fāmilí, ke muimui ʻia Sīsū Kalaisi ʻaki ʻenau papitaiso.