Pagpangandam ug Pagtudlo sa mga Leksiyon sa Pagpangandam sa Kinabuhi: Pagtudlo sa usa ka Leksiyon

Sister Katrina Hunt: Sige. Karon, kamo mga higala, gusto ko nga kamo maghisgot diha sa inyong mga lamesa kon unsa ang mahagiton nga mga kahimtang sa pagbati nga giagian sa mga tin-edyer? Sige, atong hisgotan sa usag usa sulod sa usa ka minuto.

Klase: (Chatter)

Sister Hunt: Sa inyong journal sa pagtuon karon, gusto ko nga inyong isulat ang mahagiton nga kahimtang sa pagbati nga kasamtangan ninyong giagian.

Ang akong panghinaot alang kaninyo karon mao nga sa inyong pagbiya, nga kamo mobati nga mas masaligon nga ang Manluluwas makatabang kaninyo, ug motabang kaninyo, latas sa inyong mga hagit nga kasamtangan ninyong giagian, latas sa bisan unsang mga hagit nga umaabot pa.

Sige. Busa, sa pagsugod karon, kinsa ang atong labing maayong ehemplo sa tanang butang?

KLASE: Jesukristo.

Sister Hunt: Nindot. Ganahan ko niini. Busa mahimo ba kamong tanan mopakli sa Isaias kapitulo 53? Ug mahimo ba kamong moadto sa mga bersikulo 3 hangtod 5? Mahimo bang inyong basahon sa hilom sa inyong kaugalingon? Ug niining sticky note, mahimo bang inyong isulat ang hugpong sa mga pulong nga inyong ganahan? Sa luyo adunay usa ka kinutlo gikan ni Elder Soares. Mahimo bang badlisan lang ninyo ang mga butang nga inyong nagustohan, sama lang sa inyong gibuhat sa mga kasulatan?

Gamit ang inyong lamesa, hunahunaon ba ninyo kining kasulatan, Isaias 53:3–5, ug ang kinutlo gikan ni Elder Soares? Ug mahimo bang makapili kamo og usa ka kamatuoran nga atong makuha gikan niining duha ka balaanong gitudlo nga mga tinubdan? Padayon.

Klase: (Chatter)

Sister Hunt: Segi. Aduna bay grupo nga gusto nga mopakigbahin kanamo? Unsa nga mga kamatuoran ang inyong nakit-an?

Opia.

Opia: Ang kamatuoran nga akong nakit-an anaa sa kinutlo. Kini nag-ingon, “Ang Manluluwas nagtanyag kanato og tabang ug kahupayan.” Ug usa ka butang nga akong nagustohan niana mao nga Siya nasayod unsa ang atong giagian, ug Siya kanunayng anaa alang kanato. Ug usahay kita maghunahuna nga kita nag-inusara gayod, apan kon kita modangop lang ngadto Kaniya, Siya kanunay nga motubag kanato.

Sister Hunt: Ganahan ko niana. Ang Manluluwas nahibalo kon unsay atong giagian.

Ug unsa ang Iyang mahimo mahitungod niini?

Opia: Siya makatanyag kanato og usa ka tawo nga mahimong anaa alang kanato, usa ka tawo nga kita nakahibalo nga atong kadangpan sa kanunay, magahatag kanato og kalinaw sa hunahuna.

Sister Hunt: ganahan ko niana. Ug sa sinugdanan gayod, gihisgotan usab nimo, sama sa, paghupay kanato, di ba? Siya makahatag kanato og kalinaw ug kahupay.

Kamo mga higala, nasayod ko nga kining kamatuoran nga inyong gikuha gikan sa mga kasulatan ug gikan ni Elder Soares, tinuod kini. Sa akong kinabuhi, adunay mga panahon nga, ug walay laing tawo nga tingali masayod kon unsa ang akong gibati. Apan nasayod ko nga ang Manluluwas nahibalo, ug nga Siya mihatag kanako og kalinaw ug kahupay. Ug busa sulayan nato kini pinaagi ra sa paghanduraw.

Sige. Busa kamong tanan mopiyong lang sa inyong mga mata. Ug mahimo bang kamong tanan maghunahuna mahitungod sa emosyonal nga mahagiton nga sitwasyon nga inyong gisulat diha sa inyong journal sa pagtuon? Ug mangutana lang ko kaninyo og pipila ka mga pangutana. Ug gusto lang nako nga maghunahuna kamo mahitungod niini. Human niana, sa pipila ka minuto, akong ipabuka ang inyong mga mata, ug akong ipasulat kaninyo ang pipila ka mga hunahuna ug mga pagbati. Okey?

Unang pangutana: Kon ang Manluluwas uban kaninyo, unsa kaha ang buhaton sa Manluluwas? Unsa sa inyong hunahuna ang buhaton sa Manluluwas samtang kamo nagsinati sa inyong emosyonal nga mahagiton nga sitwasyon? Unsa kaha ang inyong hunahunaon ug bation?

Laing pangutana: Unsa man kaha ang Iyang isulti diha kaninyo? Unsa kahay Iyang ipabuhat kaninyo?

Sunod nga butang: Sa unsang paagi ang Iyang presensiya, gugma, ug suporta makatabang ninyo nga madumala ug mabuntog ang inyong emosyonal nga kaugtas [stress]?

Mahimo bang inyo nang bukhon ang inyong mga mata ug diha sa inyong journal sa personal nga pagtuon, mahimong bang isulat ninyo ang bisan unsang hunahuna ug mga pagbati nga inyong naangkon?