Seventies Hall

Sama sa dagko nga mga bilding sa Nauvoo, ang Seventies Hall nakahatag og dapit diin ang mga tawo magpundok alang sa pagsimba, instruksiyon, tambag, ug sosyal nga mga kalihokan. Sa pipila sa labing importante nga mga miting nga gihmo niini nga bilding, ang Ginoo midasig sa Iyang apostoles samtang giorganisar nila ang mga tawo nga mobiya sa Nauvoo ug mopanaw padulong sa kasadpan sa tingtugnaw sa 1846.

Ang orihinal nga Seventies Hall gitukod niadtong 1844 sa yuta nga gidonar ni Edward ug Ann Hunter. Ang matag sakop sa daghang korum sa Seventy gidapit sa pag-amot og kwarta ug trabaho sa pagtukod niini. Ang hall gipahinungod sa pito ka sesyon tali sa Adlaw sa Pasko sa 1844 ug Adlaw sa Bag-ong tuig sa 1845. Ang hall gibaligya niadtong Hunyo 1846 ug gigamit isip usa ka simbahan ug eskwelahan sa wala pa kini gub-a pagka-1869. Gitukod kini pag-usab sa iyang orihinal nga pundasyon niadtong 1972.

Ang hall kay alang sa mga sakop sa mga korum sa Seventy aron mapahigayon ang mga atimanonon sa korum, modawat og instruksiyon, ug makighalobelo. Atol sa unang tuig sa paggamit niini, ang hall adunay librarya, usa ka eskwelahan, usa ka opisina sa doktor, ug usa ka studio sa pintor. Usa sa halandomon nga okasyon niadtong Enero 1845, si Brigham Young mibarog sa pulpito ug mitawag sa Seventy sa pagtuman og mga misyon sa palibot nga mga lalawigan. Unya nianang Tingpamulak, ang Konseho sa Kalim-an nagmiting dinhi aron hisgotan ang mga plano sa pagbiya sa Nauvoo. Sa ingon, ang hall nahimong usa ka dapit sa pagpadayag samtang ang apostoles nagtinambagay ug nagtinguha og balaan nga giya.

Unsa ang Mapaabot

Ang Seventies Hall mao ang giniyahan nga paglibot sa usa ka kwarto. Adunay usa ka opsiyonal nga eksibit ug librarya sa taas sa ikaduhang andana. Human sa Seventies Hall, ikaw molakaw ngadto sa Pandayanan sa Puthaw ni Webb aron ipadayon ang paglibot sa Giagian sa mga Pioneer.

360° nga Pag-aninaw sa Tibuok Palibot