Makasaysayanong mga Dapit
Makasaysayanon nga Nauvoo Illinois ug Bilanggoan sa Carthage
Ang Makasaysayanon nga Nauvoo Illinois ug Bilanggoan sa Carthage mao ang mga dapit diin ang importante nga mga panghitabo nahitabo atol sa unang kasaysayan sa Ang Simbahan ni Jesukristo sa mga Santos sa Ulahing mga Adlaw. Pagkat-on pa og dugang mahitungod sa mga pundasyon sa Simbahan ug sa matinud-anong mga miyembro niini nga nagpundok ug mitukod sa siyudad sa Nauvoo.
Diskobreha ang Nauvoo ug Carthage
Ang Makasaysayanon nga Nauvoo ug Bilanggoan sa Carthage nagtanyag og daghang oportunidad alang sa pagkat-on ug inspirasyon. Bisan kon ikaw magbisita sa personal o sa online, gidapit ka namo sa pagsuhid sa makasaysayanong mga bilding, modiskobre sa bag-ong mga istorya, ug mokonektar sa nangagi.
Kat-oni ang kasaysayan sa mga Santos didto sa Nauvoo ug Carthage samtang ilang gitukod ang komunidad sa pakigsaad.
Diskobreha kon sa unsa nga paagi nga ang Templo sa Nauvoo nakatabang sa mga Santos nga makahibalo sa gisaad nga mga panalangin sa Ginoo.
Basaha og dugang ang mahitungod sa kinabuhi nila ni Joseph ug Emma sa Nauvoo.
Mahitungod sa Makasaysayanon nga Nauvoo Illinois
Ang Makasaysayanon nga Nauvoo naghatag sa mga bisita og oportunidad sa pagsinati sa nangagi ug makat-on kon giunsa pagpuyo ug pagsimba sa unang mga miyembro sa Ang Simbahan ni Jesukristo sa mga Santos sa Ulahing mga Adlaw. Niadtong mga 1840, ang Nauvoo nahimong malamboon nga siyudad nga adunay usa ka maanindot nga bato nga templo, usa ka simbolo sa pagtuo, determinasyon, ug kakugi sa mga Santos. Samtang ang mga Santos kinahanglan nga mobiya sa Nauvoo ug magsugod pag-usab sa Utah, ang mga pundasyon nga gipahimutang dinhi padayon nga nakaapekto sa Simbahan karon. Pinaagi sa gipahiuli ug gitukod pag-usab nga mga bilding, mahinumdoman nato ang mga istorya niadtong matinud-anong mga indibidwal nga mitabang sa pagtukod niinining may pakigsaad nga komunidad.