Cultural Hall

Gidisenyo nga makapasulod og dakong pundok, ang cultural hall nagtugot sa mga Santos sa Nauvoo aron magkapundok. Labing importante, ang temporal ug espirituwal nga gihiusa sa sulod sa bongbong niini sa pagtabang nga matukod ang lig-on nga komunidad.

Ang cultural hall, nga nailhan usab nga Masonic Hall, gitukod isip usa ka dapit nga kamitingan alang sa mga Freemason sa Nauvoo. Usa ka komitiba sa bilding ang gipili pagka-Pebrero 1843, ug ang konstruksyon nagsugod niana nga ting-init. Ang arkitekto nga si William Weeks, nga midisenyo usab sa Templo sa Nauvoo, mihatag sa mga plano alang sa bilding ug si Lucius Scovil ang midumala sa konstruksyon niini. Ang bilding gipahinungod pagka Abril 5, 1844, sa usa ka pormal nga seremonya nga gitambongan sa gibanabana nga lima ka gatos ka tawo. Sukad sa Abril 1844 hangtod sa Pebrero 1846, ang cultural hall nagserbisyo isip importanteng kapundokan nga dapit alang sa mga residente sa Nauvoo.

Samtang ang mga Freemason migamit sa ikatulong andana sa dapit alang sa ilang mga miting, ang tibuok cultural hall—ang silong ug ang unang duha ka andana—napuno sa ubang mga kalihokan. Ang simbahan, mga negosyo, ug mga lider sa sibiko mipahigayon og mga miting, mga titser nagtudlo sa eskwelahan, mga artist mipasundayag sa ilang mga binuhat, mga musikero nagkonsyerto, ug ang mga tig-abi-abi mipahigayon og mga kalingawan. Sa wala pa ang mga Santos mobiya sa Nauvoo pagka-1846, ang cultural hall misangkap og luna nga katipigan sa lugas, pag-andam og mga ginabas nga kahoy, ug gani nagtukod og mga karwahe [wagon].

Unsay Malaoman

Ang Kinabuhing Pioneer nga paglibot magsugod dapit sa cultural hall. Ang cultural hall upat ka kwarto nga adunay tiggiya nga paglibot sa una, ikaduha, ug ikatulong andana. Ang ikaduha ug ikatulong andana walay mga kasangkapan. Human makalibot sa cultural hall, molakaw ka o magbrayb ngadto sa Lyon Drug Store aron ipadayon ang paglibot sa Kinabuhing Pioneer.

Atol sa ting-init ug sa tinglarag, ang buhi nga mga pasundayag ipahigayon sulod sa unang andanda.

360° nga Pag-aninaw sa Tibuok Palibot