Nofoaga Faasolopito o le Vao Paia

I se aso o le tautotogo i le 1820, sa alu toatasi ai Iosefa Samita e 14-tausaga le matua i lenei togavao o laau ma tatalo ai. I le popole ai i lona lava tulaga i luma o le Atua ma le le mautonu i faamatalaga eseese o lotu eseese o ona aso, sa saili ai e Iosefa le poto lea sa ia talitonu e na o le Atua lava e mafai ona saunia. I le tali mai i lana tatalo faatauvaa, na faaali mai ai le Atua le Tama ma Iesu Keriso ia Iosefa. O tali na La tuuina atu ia Iosefa i lena aso na suia ai lona olaga ma faaauau ai pea ona suia olaga o le faitau miliona o tagata i le lalolagi atoa.

O le Nofoaga o Faasolopito o le Vao Paia ua valaaulia ai tagata uma e o mai ma iloa lenei nofoaga lea na maua ai e le taulealea o Iosefa Samita lena tali loloto i lana tatalo. I le taimi nei, o loo tausia se vaega o le faatoaga o se vaomatua maloloina, ma faalenatura e faatusa i le vaomatua tuufua lea na alu ai Iosefa e tatalo. O auala savili e ui atu i le vaomatua e maua ai nofoaga mo tagata asiasi e mafaufau ai i mea na tutupu iinei.

I le aso 21 o Setema, 1823, i le fogafale pito i luga o le Fale o Iosefa Samita a o Talavou, na muai asiasi mai ai le agelu o Moronae ia Iosefa Samita i le fale ogalaau laitiiti o le aiga. I le fa tausaga mulimuli ane, sa nonofo ai Iosefa ma lona faletua o Ema i le Fale Tele o le Faatoaga a Samita ina ua ia mauaina papatusi auro i luga o le Mauga o Kumora. E toavalu tagata, ua ta‘ua nei o Molimau e Toavalu o le Tusi a Mamona, na faaali atu i ai papatusi auro na latalata ane i le taumafanafana o le 1829. O le asō, e mafai ona e asiasi i le Faatoaga a le Aiga o Samita ma le vaipanoa na tutupu ai nei mea. Iuga o le fanua i le taimi nei o loo iai le Welcome Center, Fale o Iosefa a o Talavou (o le Fale Ogalaau), o le Fale Faatoaga a Samita, o se Fale Sasa Saito, ma se Faleoloa o Cooper. O loo maua maimoa taamilo o fale e faia e faifeautalai.