Vao Paia

I le tautotogo o le 1820, Na faaali mai ai le Atua le Tama ma Lona Alo, Iesu Keriso ia Iosefa Samita le Itiiti i le togavao e latalata i lona fale. Sa 14 tausaga o Iosefa ina ua ia filifili e tatau ona ia fesili atu i le Atua e ala i le tatalo ina ua uma ona faitau i le Iakopo 1:5 “A e afai ua leai se poto i so outou, ina ole atu ia i le Atua, o lē foai tele mai i tagata uma, ma le lē toe ta’uta’ua.” Sa ola ae Iosefa i se eria sa matuā fiafia lava i lotu. Sa popole Iosefa i lona lava faaolataga ma sa fiailoa po o le fea ekalesia e mafai ona aumaia o ia i le Atua. I le amataga o le tautotogo, sa alu atu ai Iosefa i se nofoaga na muai filimaotiina i le togavao e latalata i lona fale ma tootuli ai i le tatalo. Na ofo o ia, ona sa asiasi mai le Atua le Tama ma Iesu Keriso ia te ia. O le faatonuga na la tuuina mai ia te ia o se tali i lana tatalo na faaosofia ai le amataga o le toefuataiga o le ekalesia a Keriso i le lalolagi.

O le eria e 20-eka, o le vaomatua ua leva ona vaoa i tuaoi i sisifo o le Nofoaga Faasolopito o le Vao Paia ua ta‘ua o le Vao Paia talu mai le amataga o le 1905. Ina ua siitia atu le aiga o Samita i lenei fanua e 100-eka i le 1818, sa ufitia le fanua i le togavao. E oo atu i le tautotogo o le 1820, ua uma ona faamamāina e le aiga le 30 eka mo le faatoaga ae na tuua ai ni vaega tetele o laau fua tele i itu i sasae ma sisifo o le faatoaga. I aso nei, o loo iai i lenei vaomatua ua faasaoina ma le faaeteete se faasologa o auala e maua ai e tagata asiasi se nofoaga faaaloalo mo le mafaufau loloto filemu.

Faitau atili e uiga i le aafiaga o Iosefa i le Vao Paia i le Au Paia, Voluma 1, Mataupu 2.

O Mea e Faamoemoe i ai

O lau asiasiga i le Vao Paia e taialaina e oe lava ia, ma o le a valaaulia oe e faifeautalai e suesue i ai pe a uma le maimoaga taamilo i fale i le Faatoaga a le Aiga o Samita. E mafai ona e faaaluina le umi e te manao ai i le Vao Paia, ma e i ai nofoa i nisi taimi pe afai e te manao e nofo i lalo mo se manatunatuga filemu. O auala agai i le Togalaau atoa e aafia i tulaga o le tau ae e iai nofoa faataavalevale mo autafa o le auala e maua i le Welcome Center.

360° Faasologa