Fale Faatoaga a le au Samita

I lenei fale, sa aoao atu ai e Iosefa Samita le Itiiti lona aiga e uiga i mea sa ia aoaoina mai le agelu o Moronae i le taimi o ana asiasiga faaletausaga i le Mauga o Kumora a o ia sauniuni e maua papatusi auro.

Na amata ona fausia e le Aiga o Samita le fale i le 1823 ina ua amata ona fausia e Alevini, o lē sa avea ma se faufale faaaperenitisi, le fale e sili atu ona tele mo ona matua. Ina ua mavae le maliu o Alevini ia Novema 1823, sa faamae’aina e le vaega o totoe o le Aiga o Samita le fausiaina o le fale. I le 1825, na siitia atu ai e Iosefa le Matua ma Lusi Maki Samita lo la aiga i totonu o le fale.

Ina ua mae’a le la faaipoipoga ia Ianuari 1827, sa aumai foi e Iosefa lana avā faaipoipo fou, o Ema, i le fale lenei lea sa la nonofo ai mo le tele o le 1827. Ina ua maua e Iosefa papatusi auro ia Setema 1827, sa ia natia i latou i le tele o nofoaga i totonu ma autafa o le fale e puipuia ai i latou mai tagata sue oa o loo sueina papatusi. O iina foi na iloa ai e Iosefa Samita ua leiloloa ia Matini Harisi le vaega muamua o tusitusiga o le Tusi a Mamona (tagai i le Mataupu Faavae ma Feagaiga 3).

O loo tu pea le Fale o le Aiga o Samita ua toe faafouina i lona uluai faavae.

Faitau atili e uiga i mea na tutupu i le fale laupapa i le Au Paia, Voluma 1, Mataupu 4

O Mea e Faamoemoe i ai

O le Fale Faatoaga a le Aiga o Samita o se vaega o le maimoaga taamilo taialaina e tuuina atu e faifeautalai o fale i le Faatoaga a le Aiga o Samita. O le a latou taialaina oe i potu taitasi i le fogafale muamua ma faamatala tala e uiga i le Aiga o Samita. E amata maimoaga i le Sacred Grove Welcome Center.

360° Faasologa