Iloa Niu Ioka ma Penisilevania
Ina ua siitia atu le au Samita i Manaseta, Niu Ioka, sa pei i latou o se isi lava aiga o loo saili e maua se olaga sili atu mo i latou lava. Ae, i le tautotogo o le 1820 ina ua alu atu Iosefa i le togavao i lo latou fanua e fesili atu i le Atua i se fesili faamaoni, o le a le toe tutusa ai lava le aiga ma le eria lata ane. O le eria lata ane faatasi ai ma isi taulaga laiti i Niu Ioka i sisifo ma Penisilevania i matusisifo o le a avea ma afuaga o le toefuataiga o le Ekalesia a Keriso. O punaoa nei o le a fesoasoani ia te oe e malamalama lelei ai i amataga o lena toefuataiga.
O Niu Ioka ma Penisilevania o ni nofoaga e taua faasolopito i Le Ekalesia a Iesu Keriso o le Au Paia o Aso e Gata Ai.
O le Vao Paia i Palamaira, Niu Ioka, o iina na asiasi mai ai le Tama Faalelagi ma Lona Alo, o Iesu Keriso, i le taulealea o Iosefa Samita le Itiiti i le 1820.
O le Maupuepue o Kumora o le nofoaga lea na feiloai ai Iosefa Samita ma le agelu o Moronae ma maua ai papatusi auro lea o le a faaliliuina mai ai le Tusi a Mamona.
Aoao e Uiga i Nofoaga Faasolopito i Niu Ioka ma Penisilevania
O nofoaga faasolopito i Niu Ioka ma Penisilevania o nofoaga ia o gaoioiga e totonugalemu i le talafaasolopito o Le Ekalesia a Iesu Keriso o le Au Paia o Aso e Gata Ai. O Le Vao Paia, Maupuepue o Kumora, Nofoaga o le Toefuataiga o le Perisitua, Faatoaga a Uitimera, ma le Fale o Grandin o loo faamatala uma ai se tala o le faatuatua, finafinau, ma le faamoemoe. Ua faasaoina mo tagata asiasi ina ia fiafia ai a le o le i le tagata lava ia pe ala i le faaeletonika.
Aoao i le auala na saunia ai e le siitia atu o le aiga o Samita i Palemaira, Niu Ioka, ia Iosefa Samita talavou e maua le Uluai Faaaliga.
Mulimuli i le Tusi a Mamona mai i le Maupuepue o Kumora agai atu i le Falelomitusi o Grandin.
Suesue pe na faapefea ona toefuataiina mai le pule tatau o le perisitua ia Iosefa Samita ma Oliva Kaotui.
Aoao atili e uiga i sauniuniga a Iosefa Samita e faatulaga le Ekalesia i le aso 6 o Aperila, 1830.
Punaoa Faaopoopo mo le Aoaoina
Aoao atili e uiga i le talafaasolopito o le Togavao Paia ma le Faatoaga a le Aiga o Samita.
Aoao atili e uiga i le Perisitua Arona ua toefuataiina.
Aoao atili e uiga i le talafaasolopito o le Perisitua Mekisateko ua toefuataiina.
Faitau e uiga i mea paia na tutupu i Niu Ioka ma Penisilevania.