Digital Lamang
10 ka Istorya nga Makadasig og Kristohanong Pagserbisyo ug Kahayag sa Kalibotan
Makahimo kamo sa pagpalambo sa kalibotan pinaagi sa paghatag og gugma ug serbisyo karong panahon sa Pasko.
Ang panahon sa Pasko mao ang panahon sa pagpamalandong sa mapaubsanong pagkahimugso ug milagrosong kinabuhi sa Manluluwas. Samtang maghunahuna kamo bahin sa mga anghel nga nangalagad sa mga magbalantay ug mipahibalo sa pagkahimugso ni Kristo, mahimong madasig kamo sa pagpakigbahin usab sa “maayong balita nga makalipay kaayo” (Lucas 2:10). Si Elder Ulisses Soares sa Korum sa Napulog Duha ka Apostoles miingon, “Sa atong pagsugat sa Pasko, naghunahuna ko kon kita mahisama ba sa langitnong panon pinaagi sa pagbisita sa moderno nga mga magbalantay aron sa paghatag og maayong balita ni Kristo, kalinaw ug kahupayan.”
Si Pablo mipalanog sa Manluluwas sa dihang siya miingon, “Labaw nga bulahan ang paghatag kay sa pagdawat” (Mga Buhat 20:35). Samtang magbasa kamo niining 10 ka istorya sa Kristohanong gugma nga putli ug pagserbisyo, tingali maghunahuna kamo og mga paagi nga mahimo kamong anghel sa kinabuhi niadtong anaa sa inyong pamilya ug komunidad. Aron makakita og dugang nga mga paagi sa pagserbisyo ug pagkat-on mahitungod sa kampanya sa Simbahan nga Dan-agi ang Kalibotan, bisitaha ang lighttheworld.org.
1. “Ikaw Ba ang Akong Papa?”
Sa diha nga ang anak nga lalaki sa tagsulat nahibalo mahitungod sa usa ka pamilya nga nakigbisog tungod sa kamatayon sa ilang inahan, siya abtik nga milihok sa pagtigom sa mga gidonar nga mga gasa ug salapi alang sa mga bata.
2. “7 ka Ten-edyer Kinsa Nakahimo og Kausaban sa Kalibotan”
Ang edad dili limitasyon alang niining mga ten-edyer sa tibuok kalibotan nga nakakita og talagsaon nga mga paagi sa pagserbisyo sa ilang mga komunidad.
3. “Pagmabination Lamang”
Duha ka igsoong babaye ang nadasig sa pagbaligya sa mga pinintalan nga mga karatula nga nag-awhag sa mga tawo nga “magmabination” ug idonar ang ginansiya ngadto sa organisasyon sa kaluoy [charity].
4. “Hapin sa Punoan sa Christmas Tree ni Sharon”
Usa ka babaye ang gipahinumdoman sa abilidad sa Manluluwas sa pagtubos kanato sa dihang iyang giregalo sa iyang bayaw nga babaye ang usa ka inato [homemade] nga hapin sa punoan sa Christmas tree ug isip balos nakadawat usab og nindot nga hapin sa punoan sa Christmas tree.
5. “Ako Ba Adunay Panahon sa Pagserbisyo sa Akong Klasmeyt?”
Usa ka batan-ong lalaki gikan sa Venezuela mipadaplin sa iyang kaugalingon nga mga kabalaka bahin sa mga klase sa unibersidad sa dihang siya gihatagan sa oportunidad sa pagserbisyo sa usa ka klasmeyt.
6. “Usa ka Dagway diha sa Bentana”
Usa ka babaye gikan sa Finland nakig-uban sa iyang tigulang nga silingan ug naghupay sa iyang kamingaw pinaagi sa pagdala kaniya og pan.
7. “Pagpamasol alang sa Tinuod nga Kahulogan sa Pasko”
Usa ka misyonaryo nga nagserbisyo sa Pilipinas nakasinati og Pasko sa bag-ong paagi samtang iyang gibaylo ang Christmas party ngadto sa pagpangisda alang sa panihapon sa usa ka pamilya.
8. “Unsa ang Akong Nakat-onan mahitungod sa Pagpangalagad pinaagi sa usa ka Pan”
Sa diha nga ang usa ka babaye mibati nga nabug-atan sa mga responsibilidad, ang usa ka silingan tayming kaayo nga naghatag og pan.
9. “Gikinahanglan Ako nga Moserbisyo Kaniya”
Ang usa ka babaye nakakat-on kon sa unsang paagi ang pagserbisyo nagkonektar sa mga tawo ug nag-usab sa pagpangalagad gikan sa usa ka obligasyon ngadto sa usa ka oportunidad.
10. “Pagserbisyo sa Balay Tipiganan”
Usa ka batan-ong lalaki nakakat-on mahitungod sa hingpit nga kalipay sa pagserbisyo samtang nagtabang siya sa balay tipiganan sa bishop uban sa iyang inahan.