Founga ʻe Lava ke Vahevahe ai ʻe he Kakai Lalahí ʻa e Ongoongoleleí

• Talaange ki ha taha ʻoku ʻofa ʻa e ʻOtuá ʻiate kinautolu pehē foki mo koe.

• Fakafanongo ki ha kaungāmeʻa ʻo ʻikai te ke fakamaau, pea vahevahe hoʻo loto-falala ʻe tokoniʻi kinautolu ʻe he ʻOtuá.

• Fakafiemālieʻi ha kaungāmeʻa ʻoku fefaʻuhi mo ha faingataʻa—pea lotu mo kinautolu pea mo lotu maʻanautolu.

• Text ki ha kaungāmeʻa kuo fuoloa haʻo taʻe lea ki ai, ʻo talaange ke nau ʻiloʻi hoʻo tokanga ange kiate kinautolú.

• Talanoa fekauʻaki mo e meʻa naʻá ke ako ʻi he lotú ʻi he fakaʻosinga ʻo e uiké.

• Vahevahe ha ʻekitivitī fakauooti ʻi ha post ʻi he mītia fakasōsialé pe ko ha fakaafe fakataautaha.

• Vahevahe ha potufolofola mo ha kaungāmeʻa ʻoku feʻao mo ha faingataʻa.

• Fakafeʻiloaki koe ki ha tokotaha ʻaʻahi ʻi he lotú, pe tangutu mo ha tokotaha foʻou.

• Fakaafeʻi ha kaungāmeʻa ke mo ʻalu ki ha kalasi moʻui fakafalala pē kiate kita pe ko ha kalasi EnglishConnect.

• Ngaahi Vitiō ʻo e Tohi Tapú

• Ngaahi Vitiō ʻo e Tohi ʻa Molomoná

• Inspirational Picture Quotes

• Come Unto Christ YouTube channel

• Church of Jesus Christ YouTube channel

• Tabernacle Choir at Temple Square YouTube channel

• Haʻu, ʻo Muimui ʻIate Au

• Tokoni ki he Moʻuí

ʻOku ʻi ai hoʻo faingamālie ʻi he ʻaho kotoa ke vahevahe ʻa e ongoongoleleí mo e kakai ʻoku mou feohí mo tokoniʻi kinautolu ke nau manga ʻaki ha sitepu ʻe taha kimuʻa kia Sīsū Kalaisi. Kuo fakapapauʻi mai ʻe Palesiteni Lāsolo M. Nalesoni: “ʻE fiemaʻu ʻe he taha kotoa pē ha faingamālie ke ne ʻilo fekauʻaki mo e ongoongolelei ʻo Sīsū Kalaisi kuo fakafoki maí. ʻE fiemaʻu ʻe he taha kotoa pē ke ne ʻilo e feituʻu te nau lava ke maʻu ai e ʻamanaki lelei mo e melino ʻoku ‘[ope] atu ʻi he ʻilo kotoa pē’ [Filipai 4:7]” (“Malangaʻi e Ongoongolelei ʻo e Melinó,” Liahona, Mē 2022, 7).

Fakakau ʻa e Tamai Hēvaní ʻi hoʻo ngaahi feingá, pea kole kiate Ia ha tokoni ʻi hoʻo ngāueʻi ʻa e ngaahi tefitoʻi moʻoni ʻo e “ʻofá, vahevahé, mo e fakaafé.” Te ne fakahinohinoʻi koe ki he ngaahi fiemaʻu pau ʻa kinautolu ʻoku mou feohí. Te ne ʻiate koe ʻi he taimi ʻokú ke fai ai ha ngaahi fakaafe te ne feau ai ʻenau ngaahi fiemaʻú.

ʻI hoʻo lotua ha ngaahi faingamālie mo ngāueʻi iá, te ke maʻu ha kakai ʻoku nau mateuteu ke fakahoko mo tauhi ha ngaahi fuakava. Te ke maʻu ʻa e mahino lahi ange ki hono ʻuhinga ʻo e hoko ko ha meʻangāue ʻi hono tokoniʻi ʻa e niʻihi kehé ke nau hū ki he hala ʻo e fuakavá. ʻE fakafonu ʻe he Tamai Hēvaní hoʻo moʻuí ʻaki ʻa e fiefia, ʻi hoʻo tokoniʻi ʻa e ngaahi kaungāmeʻá ke nau ongoʻi ʻa e Laumālié mo ʻunuʻunu ke ofi ange kia Sīsū Kalaisi.

Fakakaukau ke ngāue fakafaifekau taimi kakato pe ko ha ngāue fakafaifekau tokoni pe ko ha hoamali pe fakafoʻituitui ʻo ka fakaʻatā ʻe hoʻo tūkungá. “ʻOku lahi ʻa e ngaahi founga ʻoku lava ke fakahoko ʻe he kau faifekau matuʻotuʻá ʻoku ʻikai ke toe lava ia ʻe ha taha. ʻOku mou hoko ko ha mālohi maʻongoʻonga ke fai ha ngāue lelei maʻá e Siasí, pea mateuteu ke tokoniʻi mo fakahaofi ʻa e fānau ʻa e ʻOtuá. … ʻI hoʻo ngāué, te ke ongoʻi ai ʻa e ʻofa ʻa e ʻEikí ʻi hoʻo moʻuí, te ke ʻiloʻi Ia, te Ne ʻafioʻi koe, pea ʻe ‘lahi pehē fau ʻa hoʻomou fiefiá’ [Tokāteline mo e Ngaahi Fuakava 18:15]” (Ronald A. Rasband, “ʻE Lahi Pehē Fau ʻa Hoʻomou Fiefiá,” Liahona, Nōvema 2023, 53, 54).