Founga ʻe Lava ke Vahevahe ai ʻe he Fānaú ʻa e Ongoongoleleí

• Lotua ha tokoni mei he Tamai Hēvaní.

• Fakamanatu ki ha taha ʻoku ʻofeina kinautolu ʻe he ʻOtuá—pehē foki mo koe!

• Fakafeohi ki ha kaungāmeʻa foʻou.

• Kole ki ho ongomātuʻá ke nau tokoniʻi koe ke ke ngāue tokoni ki ha kaungāʻapi.

• Vahevahe ha talanoa fekauʻaki mo e founga ʻoku tali ai ʻe he ʻOtuá hoʻo ngaahi lotú.

• Hoko ko ha faʻifaʻitakiʻanga lelei ki he niʻihi kehé.

• Fakaafeʻi ha kaungāmeʻa ke haʻu mo koe ki he lotú pe ko ha ʻekitivitī ʻa e Palaimelí.

• Makasini Ko e Kaumeʻá

• Friend Instagram

• Polokalama Gospel for Kids

• Ngaahi Talanoa mei he Folofolá

• Gospel for Kids YouTube channel

• Videos for Children

Kuo tala mai ʻe Palesiteni Lāsolo M. Nalesoni kiate kitautolu “ʻoku ʻi ai [e] fatongia toputapu [ʻa e tokotaha] takitaha ke vahevahe e melino ʻa Sīsū Kalaisí kiate kinautolu kotoa pē ʻe fanongó”—ʻo aʻu ki he fānau. Te ke lava ʻo vahevahe ʻa e ongoongoleleí he taimí ni mo teuteu ke hoko ko ha faifekau taimi kakato ʻaki hoʻo “hoko ko ha faʻifaʻitakiʻanga lelei” mo “muimui ʻia Sīsū Kalaisi kae lava ke ulo atu ʻEne māmá ʻi ho fofongá” (“Founga Te Ke Lava Ai ʻo Hoko ko ha Faifekaú,” Ko e Kaumeʻá, Siulai 2023, 2).

Lotu ʻo kole ki he Tamai Hēvaní ke tokoni atu ke ke fakakaukau ki ha ngaahi founga ke vahevahe ai ʻa e ongoongoleleí. Te Ne lava ʻo tokoni atu ke ke ʻilo ko hai kuo mateuteu ke ako lahi ange fekauʻaki mo Sīsū Kalaisí. Te Ne lava ʻo tokoni atu ke ke loto-toʻa mo ʻiloʻi ʻa e meʻa ke lea ʻakí. Te Ne lava ʻo tokoni atu ke ke vahevahe ʻa e ʻofa ʻa Sīsū Kalaisí mo e niʻihi kehé. Pea te Ne lava ʻo tokoni atu ke ke ongoʻi fiefia mo nonga ʻi hoʻo fai iá!