Fakamālohia ʻo e Kāingalotu Foʻoú mo Foki Maí
Fealeaʻaki mo e kāingalotu ʻo e uōtí mo e kau faifekaú fekauʻaki mo e ngaahi founga te ke lava ai ʻo tokoniʻi e kāingalotu foʻoú mo kinautolu foki maí ke nau ongoʻi ʻoku ʻofeina, fakafehokotaki mo fiemaʻu kinautolu.
ʻOkú ke fakahaaʻi ʻa e ʻofá ʻi hoʻo ngāue fakaetauhi ki he kāingalotu foʻou mo foki maí. Te ke lava ʻo vahevahe mo kinautolu ʻi hoʻo kau atu ki he ngaahi lēsoni ʻa e mēmipa foʻoú mo fakafeʻao kinautolu ki he ʻū kalasi ʻi he Sāpaté. Te nau tupulaki ʻo ʻofa mo tokoni ki he niʻihi kehé ʻi hoʻo fakaafeʻi kinautolu ke nau ngāue fakaetauhi mo ngāue ʻi ha ngaahi uiuiʻi fakauooti.
Te ke lava foki ʻo tokoniʻi e kāingalotu foʻou mo foki maí ke fakalahi ʻenau tuʻunga fakaākongá mo e fakalakalaka ʻi he hala ʻo e fuakavá ʻaki hono tokoniʻi kinautolu ke nau maʻu ha ngaahi aʻusia Ko Hoku Hala ʻo e Fuakavá ʻi he polokalama Member Tools. Ke mahino e founga ke tokoniʻi ʻaki ʻa e kāingalotu foʻou mo foki maí ke nau ngāueʻi ʻa e Ko Hoku Hala ʻo e Fuakavá, mamataʻi ʻa e vitiō talateu ʻi laló.