Ko Hono Vahevahe ʻo e Ngaahi Maʻuʻanga Tokoni ʻa e Siasí
ʻI he taimi ne ʻi māmani ai ʻa Sīsū Kalaisí, naʻá Ne tokoniʻi e kakaí ʻi heʻenau ngaahi fiemaʻu fakatuʻasinó pehē foki ki heʻenau ngaahi fiemaʻu fakalaumālié. Naʻá Ne fafangaʻi ʻa e fiekaiá mo fakamoʻui ʻa e mahakí. Naʻá Ne hiki hake kinautolu mo fakafiemālieʻi ʻa kinautolu ne feohi mo Iá. ʻOku faʻa faingataʻa ki he kakaí ke nau tupulaki fakalaumālie ʻi he taimi ʻoku ʻikai ai ke nau lava ʻo feau ʻenau ngaahi fiemaʻu tefitó.
Kuo faʻu ʻe he Siasí ha ngaahi maʻuʻanga tokoni ke ne tokoniʻi e ngaahi fiemaʻu fakatuʻasino mo fakalaumālie ʻo e kakaí ʻi he ʻahó ni. ʻOku kau ʻi he ngaahi maʻuʻanga tokoni ko ʻení ʻa e ngaahi kalasi moʻui fakafalala pē kiate kitá, kalasi EnglishConnect, ngaahi kulupu fakaakeake mei he maʻunimaá, ngaahi kalasi mo e polokalama fakaako, mo ha ngaahi meʻa lahi. Ko hono fakaafeʻi ko ia ʻo e ngaahi kaungāmeʻa taʻesiasí ke nau maʻu ha lelei mei he ngaahi maʻuʻanga tokoni ko ʻeni ʻo e Siasí, ko ha founga lelei ia ke vahevahe ai ʻa e ongoongoleleí. ʻE lava ke tokoni ʻa e ngaahi maʻuʻanga tokoni ko ʻení ke nau fakalakalakaʻi ʻenau tōʻonga moʻuí mo fakatupulaki ʻenau ngaahi vā fetuʻutaki mo e kau mēmipa ʻo e Siasí.
ʻI he hoko ko e takí, fakakaukau ki he ngaahi fiemaʻu ʻa e kakai ʻi ho koló. ʻE anga fēfē nai ha ʻaonga ʻa e ngaahi maʻuʻanga tokoni ʻa e Siasí ki heʻenau moʻuí?
-
Fakahinohino ʻa e Takí ki hono Vahevahe ʻo e Ngaahi Maʻuʻanga Tokoni ʻa e Siasí
-
Fakahinohino ki hono ʻOatu e Ngaahi Maʻuʻanga Tokoni ʻa e Siasí