ʻOku fakaʻaongaʻi e lipooti Fakalakalaka ʻi he Hala ʻo e Fuakavá ke tokoni ki he kau mēmipa foʻoú mo e mēmipa foki maí ke muimuiʻi ʻenau fakalakalaka ʻi he hala ʻo e fuakavá lolotonga e fuofua taʻu ʻe ua ʻenau mēmipa ʻi he Siasí pe ko e foki ki he ʻekitivitī ʻa e Siasí. ʻOku fakaʻaongaʻi foki ia ke tokoniʻi e kakai ʻoku akoʻi ʻe he kau faifekaú. ʻOku ʻatā ia ki he kau taki fakalotofonuá ʻi he lisi ʻo e Ngaahi Lipōtí ʻi he polokalama ʻo e Ngaahi Meʻangāue ʻa e Mēmipá mo e Maʻuʻanga Tokoni ki he Takí mo e Kalaké (LCR).
ʻOku fakatahaʻi ʻa e lipooti Fakalakalaka ʻi he Hala ʻo e Fuakavá mo e polokalama Malanga ʻAki ʻEku Ongoongoleleí ʻa ia ʻoku fakaʻaongaʻi ʻe he kau faifekau taimi kakató. ʻI he taimi ʻoku liliu ai ha fakamatala ʻi ha taha ʻiate kinaua, ʻoku liliu ai pē ʻi he taimi ko iá mo e fakamatala ʻi he polokalama ʻe tahá. ʻOku totonu ke fakaʻaongaʻi ʻa e lipōtí ʻe he kau taki fakalotofonuá ko ha meʻangāue fakafekauʻaki mahuʻinga. ʻOku totonu ke nau fakaava mo toe vakaiʻi maʻu pē ia, fakakau ia ko ha konga ʻo e fakataha alēlea fakauōtí, ngaahi fakataha fakafekauʻakí, pea mo ʻenau fakataha mo e kau faifekau taimi-kakató.
Te ke lava ʻo fakaʻaongaʻi e fakamatala ako ko ʻení ke ako lahi ange mo akoʻi e kau taki fakalotofonua ʻi hoʻo siteikí, vahefonuá, uōtí pē koló ʻi hono fakaʻaongaʻi e meʻangāue mahuʻingá ni fakataha mo e ngaahi maʻuʻanga tokoni ki he Ko Hoku Hala ʻo e Fuakavá.