Fekauʻaki mo e Member Tools

ʻI he konga kimuʻa ʻo e 2026, ʻoku fakafeʻiloaki atu ʻe he Member Tools tatau 5.5 ha ngaahi meʻa foʻou ke tokoni ki he kau takí mo e kāingalotú ke nau ngāue lelei ange ʻi honau ngaahi uiuiʻí mo e ngāue fakaetauhí.

• Faʻu e Ngaahi Lekooti ʻo e Fānaú: ʻE lava he taimí ni ʻe he kau kalake fakauōtí ʻo faʻu ha lekooti mēmipasipi maʻá e fānau ʻo e lekōtí.
  

• Home: Fulihi ho screen Home ʻo kehe mei ha toe taimi kimuʻa. ʻAi ke siʻisiʻi, toe fokotuʻutuʻu, mo toe fakalanulanuʻi hoʻo tailá—pe tānaki mo toʻo kinautolu ke ngaohi ia ke fakataautaha.
• Kumi: Kumi ʻa e meʻa ʻokú ke fiemaʻú ʻi ha lau sekoni. Fekumi ʻi he polokalamá ʻaki e hingoa ʻo e mēmipá, uiuiʻí, pe hingoa ʻi he tailá—vave mo faingofua.
• Menu: Faingofua ʻa e fekumí. Fakaʻaongaʻi ʻa e menu foʻoú ke maʻu vave kae ʻoua ʻe scroll ʻi he ʻū tailá.
• Puipuituʻá: Tauhi hoʻo fakamatalá ke foʻou. Fakatonutonu ʻa e fakaikiiki ʻo e fetuʻutakí, liliu ʻa e settings ki hono fakaʻasí, upload e ʻū tā ʻo e fāmilí, pea vakai ki he fakaikiiki hoʻo mēmipasipí mo e fāmilí—ʻi ha feituʻu pē ʻe taha.
• Settings: Ngaohi ia ke fakataautaha. Taufetongi ʻi he ngaahi fōtunga māmá mo e fakapōpōʻulí, fokotuʻu ʻa e ngaahi meʻa ʻokú ke loto ki ai ki he download taá, pea tuku ke kei fehokotaki pē ʻa e kau taki fakamisiona mālōlō kimuʻá.
• Tokoni: Nofo maʻu ʻi he ʻiló. ʻIloʻi ʻa e meʻa ʻoku foʻoú, maʻu ʻa e ngaahi tali ki he ngaahi FAQ, pea vahevahe ha fakamatala tokoni ke toe lelei ange e ngāue ʻa e polokalamá.
• Sync: ʻIloʻi e meʻa kotoa pē ʻoku hokó. Fakamoʻui ʻa e auto-sync pe refresh hoʻo fakamatalá ʻi he taimi kotoa pē te ke fiemaʻu ai.
• Ngaahi Ngāué mo e Ngaahi Pōpoakí: ʻIloʻi e ngaahi ongoongo fakamuimuitahá. Vakai pe ko e hā ʻa e ngaahi ngāue ʻoku totonu ke faí pea lau ʻa e ngaahi pōpoaki mei he hetikuota ʻo e Siasí mo e ngaahi ʻōfisi fakaʻēliá.
• Tohi Tuʻasilá: Fakafehokotaki ʻi he vave tahá. Hū ki he fakamatala fetuʻutakí mo e ʻū tā maʻá e kāingalotu ʻi ho uōtí pe koló mo e siteikí pe vahefonuá—kau ai ʻa kinautolu ʻokú ke ngāue fakaetauhi ki aí.
• Tokangaekina ʻo e Ngaahi Lekōtí: Fakafaingofuaʻi hoʻo ngāue fakapulé. ʻE faingofua ke hiki ʻe he kau pīsopé, palesiteni fakakoló, mo e kau kalaké ʻa e ngaahi lekōtí mo lekooti ʻa e ngaahi ouaú.
• Ngaahi Houalotú: Vakai vave ki he ngaahi houalotú. Vakai ki he ngaahi uiuiʻi fakauooti pe fakakolo mo fakasiteiki pe fakavahefonua mo e mēmipa ʻo e houalotú, pea ʻe lava ʻe he kau takí ʻo lekooti mo fakatonutonu ʻa e ngaahi uiuiʻí ʻi ha lau sekoni.
• Tohi Māhiná: Palani pea vahevahe. Vakai ki he tohi māhina ʻo e ngaahi polokalama ʻa e uōtí pe koló mo e siteikí pe vahefonuá, tokangaʻi hono fakaʻasí, mo ʻai e ngaahi ʻekitivitií ke lava ʻo vakai ki ai e kakai ʻoku nau ako ki he Siasí.
• Ngaahi Kulupú: Fengāueʻaki lelei. Faʻu ha ngaahi kulupu ʻo ha kāingalotu ʻi homou uōtí mo e siteikí ke faingofua ange ʻa e fetuʻutakí.
• Ngaahi ʻApisiasí: Fekumi vave ki ho ʻapisiasí. Maʻu ha ngaahi feituʻu, tuʻasila, taimi houalotu sākalamēniti, pea mo e fili ke fetuʻutaki ki he pīsopé pe palesiteni fakakoló.
• Ngāue Fakaetauhí: Ngāue Fakaetauhi ʻi he loto-falala! Vakaiʻi vave mo faingofua ʻa e ngaahi ngāue ne vahé, ngaahi maʻuʻanga tokoní, mo lekooti ʻa e ngaahi ʻinitaviú.
• Meʻa Fakapaʻangá: Fakafaingofuaʻi e ngaahi meʻa fakapaʻangá. Fakahū ʻa e ngaahi kole ke totongí, foaki ʻi he ʻinitanetí, toe vakaiʻi mo fakangofua ʻa e ngaahi fakamolé, mo lekooti ʻa e tali ki he tuʻunga totongi vahehongofulú—kotoa ʻi ha feituʻu pē ʻe taha.
• Faifekaú: Fakafehokotaki pea vahevahe. Hū ki he fakamatala fetuʻutaki maʻá e kau faifekau ʻoku ngāue ʻi homou uōtí pe mei homou uōtí pea fakafeʻiloaki ange ʻa e ngaahi kaungāmeʻá kiate kinautolu.
• Temipalé mo e Hisitōlia Fakafāmilí: Moihū ʻi he fale ʻo e ʻEikí. Vakai ki hoʻo lekomení, ngaahi temipale ofi maí, mo e ngaahi taimi-tēpile ʻo e ouaú. Fakahū ha ngaahi hingoa ki he lisi ʻo e lotú, kumi e ngaahi hingoa fakafāmilí mo e Ngaahi Ouau Kuo Māú, pea fokotuʻu ha ngaahi fakamanatu ki he taimi ʻe ʻosi ai e ʻaonga ʻa e lekomení. ʻE lava foki ke foaki mo fakaʻatā ʻe he kau takí ʻa e ngaahi lekomení.
• Ngaahi Lipōtí: Tataki ʻaki e ʻiló. ʻE lava ke sio mo fakatonutonu ʻe he kau taki ʻo e uōtí mo e siteikí ʻa e ngaahi lipooti mēmipasipí, muimuiʻi ʻa e maʻulotú, mo fakapapauʻi ʻa e ako ki he ngaahi uiuiʻi ʻo e toʻu tupú.

Talu mei hono fakafeʻiloaki mai ʻi he 2010, kuo tupulaki ʻa e polokalama Member Tools mei ha tohi tuʻasila fakaʻilekitulōnika ʻo e uōtí pe koló mo e siteikí pe vahefonuá ki ha meʻangāue lelei mo ha ngaahi founga makehe te ne tokoniʻi e kāingalotú mo e kau takí fakatouʻosi ʻi he Siasí hono kotoa.

ʻI heʻemau hokohoko atu ke tānaki ha ngaahi ngāue ʻaongá, ʻe iku toe fakahingoa ʻa e polokalamá ʻamui ko e Member and Leader Tools. Ko e ngaahi meʻa foʻou ʻoku tānaki atú ko e ola ia hono fakahoko ʻe he Siasí ha fakatotolo lahi mo e kāingalotu ʻi he funga ʻo e māmaní.

ʻI heʻetau fakalakalaka ʻi he ngaahi taʻu ka hoko maí, ʻe hokohoko atu ʻemau ʻoatu ʻa e fakamuimuitaha ʻo e fakamatalá ni koeʻuhí ke mou lava ʻo ako mo mateuteu fekauʻaki mo e ngaahi polokalama foʻoú kimuʻa pea tukuange maí.

ʻOku tokoni ʻa e Member Tools ki he kāingalotú mo e kau takí ke nau ngāue fakaetauhi mo ngāue ʻi he founga ʻa e Fakamoʻuí. Fakafehokotaki mo e kāingalotu ʻo e uōtí mo e siteikí, vakai ki he tohi māhina ʻo e polokalamá, kumi e ngaahi ʻapisiasi ʻo e Siasí, maʻu e ngaahi meʻangāue mo e lipooti pau ki ho uiuiʻí, mo ha ngaahi meʻa lahi ange.